ഏകദിന സന്ദര്‍ശനത്തിന് മോദി അബുദാബിയില്‍

ഒരു ദിവസത്തെ സന്ദര്‍ശനത്തിനായി പ്രധാനമന്ത്രി നരേന്ദ്ര മോദി അബുദാബിയിലെത്തി. ഉഭയകക്ഷി ബന്ധം കൂടുതല്‍ ആഴത്തിലാക്കുന്നതിനായി യുഎഇ പ്രസിഡന്റ് ഷെയ്ഖ് മുഹമ്മദ് ബിന്‍ സായിദ് അല്‍ നഹ്യാനുമായി അദ്ദേഹം ചര്‍ച്ചകള്‍ നടത്തുന്നുണ്ട്.

പ്രധാനമന്ത്രി മോദിയെ അബുദാബി കിരീടാവകാശി ഷെയ്ഖ് ഖാലിദ് ബിന്‍ മുഹമ്മദ് ബിന്‍ സായിദ് അല്‍ നഹ്യാന്‍ വിമാനത്താവളത്തില്‍ നേരിട്ടെത്തി സ്വീകരിച്ചു. അഞ്ചാം യുഎഇ സന്ദര്‍ശനത്തിനെത്തിയ മോദിക്ക് ആചാരപരമായ സ്വീകരണവും ഗാര്‍ഡ് ഓഫ് ഓണറുംനല്‍കി.'അബുദാബിയില്‍ ഇറങ്ങി. എച്ച്എച്ച് ഷെയ്ഖ് മുഹമ്മദ് ബിന്‍ സായിദ് അല്‍ നഹ്യാനുമായുള്ള ചര്‍ച്ചകള്‍ക്കായി ഞാന്‍ കാത്തിരിക്കുകയാണ്, ഇത് ഇന്ത്യ-യുഎഇ സഹകരണം കൂടുതല്‍ ആഴത്തിലാക്കും,' മോദി ട്വീറ്റ് ചെയ്തു.

രണ്ടുദിവസത്തെ ഫ്രാന്‍സ് സന്ദര്‍ശനത്തിനുശേഷമാണ് മോദി അബുദാബിയിലെത്തുന്നത്. പാരീസില്‍ ഫ്രഞ്ച് പ്രസിഡന്റ് ഇമ്മാനുവല്‍ മാക്രോണിനൊപ്പം ബാസ്റ്റില്‍ ഡേ പരേഡില്‍ അതിഥിയായി പങ്കെടുക്കുകയും ഉഭയകക്ഷി ബന്ധം ശക്തിപ്പെടുത്തുന്നതിനുള്ള നിരവധി കരാറുകളില്‍ ഒപ്പുവെക്കുകയും ചെയ്തിരുന്നു.

യുഎഇയും ഇന്ത്യയും തമ്മിലുള്ള ഉഭയകക്ഷി ബന്ധം വര്‍ധിപ്പിക്കുന്നതിനുള്ള പ്രധാനമന്ത്രിയുടെ ശ്രമങ്ങളെ അഭിനന്ദിക്കുന്നതിന്റെ ഭാഗമായി

2019-ല്‍ യുഎഇയുടെ പരമോന്നത സിവിലിയന്‍ ബഹുമതിയായ 'ഓര്‍ഡര്‍ ഓഫ് സായിദ്' നല്‍കി മോദിയെ ആദരിച്ചിരുന്നു.

2015 മുതല്‍ ഗള്‍ഫ് രാജ്യത്തിലേക്കുള്ള തന്റെ അഞ്ചാമത്തെ സന്ദര്‍ശന വേളയില്‍ യുഎഇ പ്രസിഡന്റും അബുദാബി ഭരണാധികാരിയുമായ ഷെയ്ഖ് മുഹമ്മദ് ബിന്‍ സായിദുമായി പ്രധാനമന്ത്രി മോദി ചര്‍ച്ച നടത്തുന്നുണ്ട്. 2015, 2018, 2019, 2022 വര്‍ഷങ്ങളിലായിരുന്നു അദ്ദേഹത്തിന്റെ മുന്‍ സന്ദര്‍ശനങ്ങള്‍.

വ്യാപാരം, നിക്ഷേപം, ഊര്‍ജം, ഭക്ഷ്യസുരക്ഷ, ശാസ്ത്ര-സാങ്കേതികവിദ്യ, വിദ്യാഭ്യാസം, ഫിന്‍ടെക്, പ്രതിരോധം, സുരക്ഷ, ദൃഢമായ ജനങ്ങളുമായുള്ള ബന്ധം തുടങ്ങി വിവിധ മേഖലകളില്‍ ഞങ്ങളുടെ രണ്ട് രാജ്യങ്ങളും സഹകരിക്കുന്നതായി മോദി പറഞ്ഞു.

ഊര്‍ജം, ഭക്ഷ്യസുരക്ഷ, പ്രതിരോധം എന്നിവയാണ് മോദിയുടെ ഒരുദിവസത്തെ യുഎഇ സന്ദര്‍ശനത്തിന്റെ പ്രധാന മേഖലകളെന്ന് പ്രതീക്ഷിക്കുന്നു. ഈ സമയത്ത് ഇരു രാജ്യങ്ങളും ഒരു സുപ്രധാന വ്യാപാര കരാറില്‍ ഒപ്പുവെച്ചതിന് ശേഷം ഉഭയകക്ഷി ബന്ധത്തിലെ പുരോഗതി അവലോകനം ചെയ്യും എന്നാണ് ലഭിക്കുന്ന വിവരം.

ഇരു രാജ്യങ്ങളും തമ്മിലുള്ള സാമ്പത്തിക സഹകരണത്തിന് പുതിയ മുഖം നല്‍കുന്ന സമഗ്ര സാമ്പത്തിക പങ്കാളിത്ത കരാര്‍ (സിഇപിഎ) കോവിഡ് -19 പാന്‍ഡെമിക് സമയത്ത് ഒപ്പുവച്ചിരുന്നു.

ഇന്ത്യയും യുഎഇയും വ്യാപാരം, നിക്ഷേപം, ഊര്‍ജം, ഭക്ഷ്യസുരക്ഷ, ശാസ്ത്ര സാങ്കേതികം, വിദ്യാഭ്യാസം, ഫിന്‍ടെക്, പ്രതിരോധം, സുരക്ഷ എന്നിങ്ങനെ വിവിധ മേഖലകളില്‍ സഹകരിക്കുന്നുണ്ട്.

84 ബില്യണ്‍ ഡോളറിന്റെ ഉഭയകക്ഷി വ്യാപാരമുള്ള യുഎഇയുടെ രണ്ടാമത്തെ വലിയ വ്യാപാര പങ്കാളിയാണ് ഇന്ത്യ. ഇന്ത്യയുടെ മൂന്നാമത്തെ വലിയ വ്യാപാര പങ്കാളിയും രണ്ടാമത്തെ വലിയ കയറ്റുമതി ലക്ഷ്യസ്ഥാനവുമാണ് യുഎഇ. 2022-23ല്‍ ഇന്ത്യയ്ക്കുള്ള എഫ്ഡിഐയുടെ നാലാമത്തെ വലിയ സ്രോതസായിരുന്നു ഈ രാജ്യം.

ഇന്ത്യയുടെ ഊര്‍ജ സുരക്ഷയുടെ പ്രധാന പങ്കാളിയാണ് യുഎഇ. ക്രൂഡ് ഓയിലിന്റെ മൂന്നാമത്തെ വലിയ ഉറവിടവും എല്‍എന്‍ജിയുടെയും എല്‍പിജിയുടെയും രണ്ടാമത്തെ വലിയ ഉറവിടവുമാണ് രാജ്യം.

യോഗയും ഇന്ത്യന്‍ സിനിമയും യുഎഇയില്‍ വളരെ ജനപ്രിയമാണ് എന്നതും പ്രത്യേകതയാണ്.