Login 
പഠിക്കാം & സമ്പാദിക്കാം 
Home
13 Jan 2022 3:42 AM GMT
Summary
2014 ല്‍ സത്യ നാദെല്ല സി ഇ ഒ ആയി ചുമതലയേറ്റതിനുശേഷം, കമ്പനി ഹാര്‍ഡ് വെയറില്‍ പിന്നോട്ട് പോയി, പകരം ക്ലൗഡ് കമ്പ്യൂട്ടിംഗില്‍ ശ്രദ്ധ കേന്ദ്രീകരിച്ചു
അമേരിക്കന്‍ വ്യവസായ പ്രമുഖന്‍, സോഫ്റ്റ് വെയര്‍ ഡെവലപ്പര്‍, നിക്ഷേപകന്‍, എഴുത്തുകാരന്‍ എന്നീ നിലകളില്‍ പ്രശസ്തനായ വ്യക്തിയാണ് ബില്‍ഗേറ്റ്സ്. മൈക്രോസോഫ്റ്റിന്റെ സഹസ്ഥാപകനാണ് അദ്ദേഹം. മൈക്രോസോഫ്റ്റില്‍ ചെയര്‍മാന്‍, ചീഫ് എക്‌സിക്യൂട്ടീവ് ഓഫീസര്‍ (സിഇഒ), പ്രസിഡന്റ്, ചീഫ് സോഫ്റ്റ് വെയര്‍ ആര്‍ക്കിടെക്റ്റ് എന്നീ സ്ഥാനങ്ങള്‍ വഹിച്ചു. 2014 മെയ് വരെ ഏറ്റവും വലിയ വ്യക്തിഗത ഓഹരിയുടമയായിരുന്നു. മൈക്രോകമ്പ്യൂട്ടര്‍ വിപ്ലവത്തിന്റെ അറിയപ്പെടുന്ന സംരംഭകരില്‍ ഒരാളായി അദ്ദേഹം കണക്കാക്കപ്പെടുന്നു.
വാഷിംഗ്ടണിലെ സിയാറ്റിലിലാണ് ഗേറ്റ്സ് ജനിച്ചതും വളര്‍ന്നതും. 1975 ല്‍ അദ്ദേഹവും സുഹൃത്തായ അലനും ചേര്‍ന്ന് ന്യൂ മെക്‌സിക്കോയിലെ ആല്‍ബുകെര്‍ക്കിയില്‍ മൈക്രോസോഫ്റ്റ് സ്ഥാപിച്ചു. ലോകത്തിലെ ഏറ്റവും വലിയ പേഴ്സണല് കമ്പ്യൂട്ടര്‍ സോഫ്റ്റ് വെയര്‍ കമ്പനിയായി ഇത് മാറി. 2000 ജനുവരിയില്‍ സി ഇ ഒ സ്ഥാനമൊഴിയുന്നത് വരെ ഗേറ്റ്സ് കമ്പനിയുടെ ചെയര്‍മാനും സി ഇ ഒയും ആയിരുന്നു. പിന്നീട് സ്റ്റീവ് ബാല്‍മര്‍ അധികാരത്തില്‍ വന്നു. ശേഷം ഡയറക്ടര്‍ ബോര്‍ഡ് ചെയര്‍മാനായി തുടരുകയും ചീഫ് സോഫ്റ്റ് വെയര്‍ ആര്‍ക്കിടെക്റ്റായി മാറുകയും ചെയ്തു.
അദ്ദേഹവും ഭാര്യ മെലിന്‍ഡ ഗേറ്റ്‌സും ചേര്‍ന്ന് 2000 ല്‍ സ്ഥാപിച്ച സ്വകാര്യ ചാരിറ്റബിള്‍ ഫൗണ്ടേഷനായ ബില്‍ ആന്റ് മെലിന്‍ഡ ഗേറ്റ്സ് ഫൗണ്ടേഷനില്‍ പൂര്‍ണ്ണമായുള്ള പ്രവര്‍ത്തനം ആരംഭിച്ചു. 2014 ഫെബ്രുവരിയില്‍ അദ്ദേഹം മൈക്രോസോഫ്റ്റിന്റെ ബോര്‍ഡ് ചെയര്‍മാന്‍ സ്ഥാനം ഒഴിയുകയും പുതുതായി നിയമിതനായ സിഇഒ സത്യ നാദെല്ലയെ പിന്തുണയ്ക്കുന്നതിനായി ടെക്നോളജി അഡൈവസറായി ഒരു പുതിയ സ്ഥാനം ഏറ്റെടുക്കുകയും ചെയ്തു. കാലാവസ്ഥാ വ്യതിയാനം, ആഗോള ആരോഗ്യം, വികസനം, വിദ്യാഭ്യാസം എന്നിവയുള്‍പ്പെടെയുള്ള തന്റെ ജീവകാരുണ്യ പ്രവര്‍ത്തനങ്ങളില്‍ ശ്രദ്ധ
കേന്ദ്രീകരിക്കുന്നതിനായി 2020 മാര്‍ച്ചില്‍, ഗേറ്റ്സ് മൈക്രോസോഫ്റ്റിലെയും ബെര്‍ക്ക്‌ഷെയര്‍ ഹാത്വേയിലെയും ബോര്‍ഡ് സ്ഥാനങ്ങള്‍ ഉപേക്ഷിച്ചു.
1987 മുതല്‍, ഗേറ്റ്സ് ലോകത്തിലെ ഏറ്റവും സമ്പന്നരായ ആളുകളുടെ ഫോര്‍ബ്‌സ് പട്ടികയില്‍ ഇടം നേടിയിട്ടുണ്ട്. 1995 മുതല്‍ 2017 വരെ, (2010 മുതല്‍ 2013 ഒഴികെ) എല്ലാ വര്‍ഷവും ലോകത്തിലെ ഏറ്റവും ധനികനായ വ്യക്തി എന്ന ഫോര്‍ബ്‌സ് പദവി അദ്ദേഹം നേടിയിരുന്നു. 2017 ഒക്ടോബറില്‍, ആമസോണ്‍ സ്ഥാപകനും സിഇഒയുമായ ജെഫ് ബെസോസ് അദ്ദേഹത്തെ മറികടന്നു. അക്കാലത്ത് ഗേറ്റ്‌സിന്റെ ആസ്തി 89.9 ബില്യണ്‍ യുഎസ് ഡോളറായിരുന്നു.എന്നാല്‍ ജെഫിന്റെ ആസ്തി 90.6 ബില്യണ്‍ യുഎസ് ഡോളറായിരുന്നു. 2021 ഒക്ടോബറിലെ കണക്കനുസരിച്ച്, ഗേറ്റ്‌സിന്റെ ആകെ ആസ്തി 129 ബില്യണ്‍ യുഎസ് ഡോളറായിരുന്നു, ഇത് അദ്ദേഹത്തെ ലോകത്തിലെ നാലാമത്തെ ഏറ്റവും ധനികനാക്കി.
തന്റെ കരിയറില്‍ മൈക്രോസോഫ്റ്റിലെ ദൈനംദിന പ്രവര്‍ത്തനങ്ങള്‍ ഉപേക്ഷിച്ചതിന് ശേഷം, ഗേറ്റ്സ് നിരവധി ബിസിനസ്സ്, ജീവകാരുണ്യ പ്രവര്‍ത്തനങ്ങള്‍ പിന്തുടര്‍ന്നു. അദ്ദേഹം ഒരു നല്ല മനുഷ്യ സ്നേഹിയായിരുന്നു. ബിഇഎന്‍, കാസ്‌കെഡ് ഇന്‍വെസ്റ്റ്‌മെന്റ്, ബിജി സി 3, ടെറാ പവര്‍ എന്നിവയുള്‍പ്പെടെ നിരവധി കമ്പനികളുടെ സ്ഥാപകനും ചെയര്‍മാനുമാണ് അദ്ദേഹം. ലോകത്തിലെ ഏറ്റവും വലിയ സ്വകാര്യ ചാരിറ്റിയായി റിപ്പോര്‍ട്ട് ചെയ്യപ്പെട്ട ബില്‍ ആന്‍ഡ് മെലിന്‍ഡ ഗേറ്റ്സ് ഫൗണ്ടേഷനിലൂടെ വിവിധ ചാരിറ്റബിള്‍ ഓര്‍ഗനൈസേഷനുകള്‍ക്കും ശാസ്ത്ര ഗവേഷണ പരിപാടികള്‍ക്കും അദ്ദേഹം ഗണ്യമായ തുക നല്‍കിയിട്ടുണ്ട്.
ഈ ഫൗണ്ടേഷനിലൂടെ, 21ആം നൂറ്റാണ്ടിന്റെ തുടക്കത്തില്‍ അദ്ദേഹം ഒരു പ്രതിരോധ കുത്തിവയ്പ്പ് കാമ്പെയ്ന്‍ നയിച്ചു, ഇത് ആഫ്രിക്കയിലെ പോളിയോ വൈറസിന്റെ ഉന്മൂലനത്തിന് സഹായകരമായി . 2010-ല്‍, ഗേറ്റ്‌സും വാറന്‍ ബഫറ്റും ദ ഗിവിംഗ് പ്ലെഡ്ജ് സ്ഥാപിച്ചുകൊണ്ട് നിരവധി ജീവകാരുണ്യ പ്രവര്‍ത്തനങ്ങള്‍ ചെയ്യുകയും ഇത് മറ്റുള്ളവര്‍ക്ക് പ്രചോദനമാവുകയും ചെയ്തു.
മൈക്രോസോഫ്റ്റ്
കമ്പ്യൂട്ടര്‍ സോഫ്‌റ്റ്വെയര്‍, ഉപഭോക്തൃ ഇലക്ട്രോണിക്‌സ്, പേഴ്സണല് കമ്പ്യൂട്ടറുകള്‍, അനുബന്ധ സേവനങ്ങള്‍ എന്നിവ നിര്‍മ്മിക്കുന്ന ഒരു അമേരിക്കന്‍ മള്‍ട്ടിനാഷണല്‍ ടെക്നോളജി കോര്‍പ്പറേഷനാണ് മൈക്രോസോഫ്റ്റ് കോര്‍പ്പറേഷന്‍. മൈക്രോസോഫ്റ്റ് വിന്‍ഡോസ് ഓപ്പറേറ്റിംഗ് സിസ്റ്റങ്ങള്‍, മൈക്രോസോഫ്റ്റ് ഓഫീസ് സ്യൂട്ട്, ഇന്റര്‍നെറ്റ് എക്സ്പ്ലോറര്‍, എഡ്ജ് വെബ് ബ്രൗസറുകള്‍ എന്നിവയാണ് ഇതിന്റെ ഏറ്റവും അറിയപ്പെടുന്ന സോഫ്റ്റ് വെയര്‍ ഉത്പന്നങ്ങള്‍. എക്‌സ് ബോക്‌സ് വീഡിയോ ഗെയിം കണ്‍സോളുകളും ടച്ച്‌സ്‌ക്രീന്‍ പേഴ്സണല് കമ്പ്യൂട്ടറുകളുടെ മൈക്രോസോഫ്റ്റ് സര്‍ഫേസ് ലൈനപ്പുമാണ് ഇതിന്റെ മുന്‍നിര ഹാര്‍ഡ് വെയര്‍ ഉല്‍പ്പന്നങ്ങള്‍. 2020-ലെ ഏറ്റവും വലിയ യുണൈറ്റഡ് സ്റ്റേറ്റ്സ് കോര്‍പ്പറേഷനുകളുടെ ഫോര്‍ച്യൂണ്‍ 500 റാങ്കിംഗില്‍ മൈക്രോസോഫ്റ്റ് 21 ാം സ്ഥാനത്തെത്തി. ആമസോണ്‍, ഗൂഗിള്‍ (ആല്‍ഫബെറ്റ്), ആപ്പിള്‍, ഫേസ്ബുക്ക് (മെറ്റ) എന്നിവയ്‌ക്കൊപ്പം യു.എസ് ഇന്‍ഫര്‍മേഷന്‍ ടെക്നോളജി വ്യവസായത്തിലെ വലിയ അഞ്ച് കമ്പനികളിലൊന്നായി ഇത് കണക്കാക്കപ്പെടുന്നു.
ബില്‍ ഗേറ്റ്‌സും പോള്‍ അലനും ചേര്‍ന്ന് 1975 ഏപ്രില്‍ 4 ന് ആള്‍ട്ടെയര്‍ 8800 ന്റെ ബേസിക് ഇന്റര്‍പ്രെട്ടറുകള്‍ വികസിപ്പിക്കുന്നതിനും വില്‍ക്കുന്നതിനുമായി മൈക്രോസോഫ്റ്റ് സ്ഥാപിച്ചത്. ഇത് പേഴ്സണല് കമ്പ്യൂട്ടര്‍ ഓപ്പറേറ്റിംഗ് സിസ്റ്റത്തില്‍ ആധിപത്യം സ്ഥാപിച്ചു. 1986 ല്‍ പ്രാഥമിക ഓഹരി വില്‍പ്പന (ഐപിഒ) നടത്തി. അതിന്റെ ഓഹരി വിലയിലുണ്ടായ വര്‍ധന, മൈക്രോസോഫ്റ്റ് ജീവനക്കാര്‍ക്കിടയില്‍ മൂന്ന് ശതകോടീശ്വരന്മാരെയും 12,000 കോടീശ്വരന്മാരെയും സൃഷ്ടിച്ചു. 1990 കള്‍ മുതല്‍, വിപണിയില്‍ കൂടുതല്‍ വൈവിധ്യവത്കരിക്കപ്പെടുകയും നിരവധി കോര്‍പ്പറേറ്റ് ഏറ്റെടുക്കലുകള്‍ നടത്തുകയും
ചെയ്തു. 2016 ഡിസംബറില്‍ 26.2 ബില്യണ്‍ ഡോളറിന് ലിങ്ക്ഡ്ഇന്‍ ഏറ്റെടുത്തതാണ് ഇതില്‍ ഏറ്റവും വലുത്. തുടര്‍ന്ന് 8.5 ബില്യണ്‍ ഡോളറിന് സ്‌കൈപ്പ് ടെക്നോളജീസ് ഏറ്റെടുത്തു.
2015-ലെ കണക്കനുസരിച്ച്, ഓഫീസ് സോഫ്റ്റ് വെയര്‍ സ്യൂട്ട് വിപണിയില്‍ മൈക്രോസോഫ്റ്റ് ആധിപത്യം പുലര്‍ത്തുന്നു. എന്നിരുന്നാലും മൊത്തത്തിലുള്ള ഓപ്പറേറ്റിംഗ് സിസ്റ്റം വിപണിയുടെ ഭൂരിഭാഗവും ആന്‍ഡ്രോയിഡുമായുള്ള മത്സരത്തില്‍ നഷ്ടപ്പെട്ടു. ഡെസ്‌ക്ടോപ്പുകള്‍, ലാപ്‌ടോപ്പുകള്‍, ടാബുകള്‍, ഗാഡ്‌ജെറ്റുകള്‍, സെര്‍വറുകള്‍ എന്നിവയ്ക്കായി ഇന്റര്‍നെറ്റ് തിരയല്‍ (ബിംഗിനൊപ്പം), ഡിജിറ്റല്‍ സേവന വിപണി (എംഎസ്എന്‍ വഴി), മിക്സഡ് റിയാലിറ്റി (ഹോളോലെന്‍സ്), ക്ലൗഡ് കമ്പ്യൂട്ടിംഗ് എന്നിവയുള്‍പ്പെടെ കമ്പനി നിര്‍മ്മിക്കുന്നു. 2000 ല്‍ സ്റ്റീവ് ബാല്‍മര്‍ ഗേറ്റ്സിനെ സി ഇ ഒ ആയി നിയമിച്ചു.
2014 ല്‍ സത്യ നാദെല്ല സി ഇ ഒ ആയി ചുമതലയേറ്റതിനുശേഷം, കമ്പനി ഹാര്‍ഡ് വെയറില്‍ പിന്നോട്ട് പോയി, പകരം ക്ലൗഡ് കമ്പ്യൂട്ടിംഗില്‍ ശ്രദ്ധ കേന്ദ്രീകരിച്ചു. ഇത് കമ്പനിയുടെ ഓഹരികള്‍ 1999 ഡിസംബറിന് ശേഷമുള്ള ഏറ്റവും ഉയര്‍ന്ന മൂല്യത്തില്‍ എത്താന്‍ സഹായിച്ചു. 2018 ല്‍ മൈക്രോസോഫ്റ്റ് ലോകത്തിലെ ഏറ്റവും മൂല്യവത്തായ കമ്പനി എന്ന സ്ഥാനം തിരിച്ചുപിടിച്ചു. മുമ്പ് ആപ്പിളിനായിരുന്നു ഈ സ്ഥാനം. 2019 ഏപ്രിലില്‍, മൈക്രോസോഫ്റ്റ് ട്രില്യണ്‍ ഡോളര്‍ ആസ്തി മൂല്യം രേഖപ്പെടുത്തി. ആപ്പിളിനും ആമസോണിനും ശേഷം ട്രില്യണ്‍ മൂല്യമുള്ള മൂന്നാമത്തെ യുഎസ് പൊതു കമ്പനിയായി ഇത് മാറി. 2020 ലെ കണക്കനുസരിച്ച്, മൈക്രോസോഫ്റ്റിന് ആഗോള ബ്രാന്‍ഡ് മൂല്യനിര്‍ണ്ണയത്തില്‍ മൂന്നാം സ്ഥാനമുണ്ട്.
