സാമ്പത്തിക ശാസ്ത്രത്തിനുള്ള നൊബേൽ സമ്മാനം പ്രഖ്യാപിച്ചു; പുരസ്‌കാരം പങ്കിട്ട് മൂന്ന് പേർ

2024 ലെ സാമ്പത്തിക ശാസ്ത്രത്തിനുള്ള നൊബേല്‍ സമ്മാനം പ്രഖ്യാപിച്ചു. ഡാരൺ അസെമോഗ്ലു, സൈമൺ ജോൺസൺ, ജെയിംസ് എ റോബിൻസൺ എന്നി മൂന്ന് പേര്‍ക്കാണ് ഇത്തവണത്തെ പുരസ്‌ക്കാരം ലഭിച്ചത്. ഒരു രാജ്യത്തിൻ്റെ അഭിവൃദ്ധി നിർണ്ണയിക്കുന്നതിൽ സ്ഥാപനങ്ങളുടെ പങ്കിനെക്കുറിച്ചുള്ള ഗവേഷണത്തിനാണ് പുരസ്കാരം. അസെമോഗ്ലുവും ജോണ്‍സണും മസാച്യുസെറ്റ്‌സ് ഇന്‍സ്റ്റിറ്റ്യൂട്ട് ഓഫ് ടെക്‌നോളജിയിലെ സാമ്പത്തിക വിദഗ്ധരാണ്. റോബിന്‍സണ്‍ ചിക്കാഗോ സര്‍വകലാശാലയിലെ ഗവേഷകനാണ്.