ഇന്ത്യാ സിമന്റ്സ് ലിമിറ്റഡ്, ദക്ഷിണേന്ത്യയിലെ മുന്തിയ സിമൻറ് കമ്പനി

ദക്ഷിണേന്ത്യയിലെ ഏറ്റവും വലിയ സിമന്റ് ഉല്‍പ്പാദകരാണ് ഇന്ത്യാ സിമന്റ്സ് ലിമിറ്റഡ്. മുന്‍ ഇന്റര്‍നാഷണല്‍ ക്രിക്കറ്റ് കൗണ്‍സില്‍ ചെയര്‍മാന്‍ എന്‍.ശ്രീനിവാസനാണ് കമ്പനിയുടെ തലവന്‍. 1946-ല്‍ എസ്എന്‍എന്‍ ശങ്കരലിംഗ അയ്യര്‍രാണ് സ്ഥാപകന്‍. ആദ്യത്തെ പ്ലാന്റ് 1949-ല്‍ തമിഴ്നാട്ടിലെ തലയൂത്ത് സ്ഥാപിച്ചു. ഇതിന് തമിഴ്നാട്, തെലങ്കാന, ആന്ധ്രാപ്രദേശ് എന്നിവിടങ്ങളില്‍ 7 സംയോജിത സിമന്റ് പ്ലാന്റുകളുണ്ട്. തമിഴ്നാട്ടിലും മഹാരാഷ്ട്രയിലും പ്രതിവര്‍ഷം 15.5 ദശലക്ഷം ടണ്‍ ശേഷിയുള്ള രണ്ട് ഗ്രൈന്‍ഡിംഗ് യൂണിറ്റുകളുണ്ട്.

ശങ്കര്‍ സിമന്റ്, കോറമാണ്ടല്‍ സിമന്റ്, റാസി ഗോള്‍ഡ് എന്നിവയാണ് ഇന്ത്യ സിമന്റ്സിന്റെ ഉടമസ്ഥതയിലുള്ള പ്രധാന ബ്രാന്‍ഡുകള്‍. ദക്ഷിണേന്ത്യയിലേയും മഹാരാഷ്ട്രയിലേയും എല്ലാ പ്രധാന വിപണികളെയും സാന്നിധ്യമുള്ള കമ്പനിക്ക്, ദക്ഷിണേന്ത്യയില്‍ 28% വിപണി വിഹിതമുണ്ട്. 10,000-ലധികം സ്റ്റോക്കിസ്റ്റുകളുള്ള ഒരു വിതരണ ശൃംഖലയുണ്ട്.

ഇന്‍ഡസ്ട്രിയല്‍ കെമിക്കല്‍സ് ആന്‍ഡ് മോണോമേഴ്സ് ലിമിറ്റഡ് ,ഐസിഎല്‍ ഫിനാന്‍ഷ്യല്‍ സര്‍വീസസ് ലിമിറ്റഡ്, ഐസിഎല്‍ സെക്യൂരിറ്റീസ് ലിമിറ്റഡ്, ഐസിഎല്‍ ഇന്റര്‍നാഷണല്‍ ലിമിറ്റഡ്, ത്രിനേത്ര സിമന്റ് ലിമിറ്റഡ് എന്നിവ കമ്പനിയുടെ അനുബന്ധ സ്ഥാപനങ്ങളാണ്. 1963-ല്‍ ശങ്കരിദ്രഗില്‍ പ്രതിവര്‍ഷം 2-ലക്ഷം ടണ്‍ സ്ഥാപിത ശേഷിയുള്ള രണ്ടാമത്തെ സിമന്റ് പ്ലാന്റ് കമ്മീഷന്‍ ചെയ്തു. 1969-ല്‍ ശങ്കര്‍നഗറിലെ സ്ഥാപിതശേഷി പ്രതിവര്‍ഷം 9 ലക്ഷം ടണ്ണായി വര്‍ധിപ്പിച്ചു. മികച്ച കയറ്റുമതി പ്രകടനത്തിനുള്ള മെറിറ്റ് സര്‍ട്ടിഫിക്കേഷന്‍ ലഭിച്ചിട്ടുണ്ട്.

2021 സെപ്റ്റംബര്‍ 30 ന് അവസാനിക്കുന്ന പാദത്തില്‍ ഇന്ത്യാ സിമന്റ്‌സ് 21.97 കോടി രൂപ ലാഭം നേടി. കഴിഞ്ഞ വര്‍ഷം ഇതേ പാദത്തില്‍ 71.43 കോടി രൂപ ലാഭം നേടിയിരുന്നു. ലോക്ക്ഡൗണ്‍, ഗതാഗത, വിതരണ ശൃംഖലയിലെ തടസ്സങ്ങള്‍, സര്‍ക്കാര്‍ ഏര്‍പ്പെടുത്തിയ മറ്റ് അടിയന്തര നടപടികള്‍ എന്നിവ കാരണം കമ്പനിയുടെ പ്രവര്‍ത്തനങ്ങള്‍ തടസ്സപ്പെട്ടതാണ് ലാഭത്തില്‍ കുറവുണ്ടാകാന്‍ കാരണം.