ജനറല്‍ കോച്ചിലെ യാത്രക്കാര്‍ക്കായി 20 രൂപയുടെ ഊണുമായി റെയില്‍വേ

ട്രെയിന്‍ യാത്രക്കാര്‍ക്കായി ഇന്ത്യന്‍ റെയില്‍വേ ഐആര്‍സിടിസിയുമായി സഹകരിച്ച് 20 രൂപയില്‍ തുടങ്ങുന്ന ' മീല്‍സ് ' ഏപ്രില്‍ 17 മുതല്‍ വിതരണം ചെയ്തു തുടങ്ങിയെന്ന് റെയില്‍വേ അറിയിച്ചു. 20 രൂപയുടെ മീല്‍സ് പ്രധാനമായും ജനറല്‍ കോച്ചില്‍ യാത്ര ചെയ്യുന്നവര്‍ക്കു പ്രയോജനം ചെയ്യണമെന്ന ലക്ഷ്യത്തോടെയാണു വിതരണം ചെയ്യുന്നത്.

പ്ലാറ്റ്‌ഫോമുകളിലെ ജനറല്‍ സെക്കന്‍ഡ് ക്ലാസ് കോച്ചുകള്‍ക്കു സമീപമുള്ള കൗണ്ടറുകളില്‍ ഈ ഭക്ഷണവും വെള്ളവും ലഭ്യമാകും.

2023-ല്‍ ഈ പദ്ധതി 51 സ്റ്റേഷനുകളില്‍ റെയില്‍വേ പരീക്ഷണാടിസ്ഥാനത്തില്‍ നടപ്പിലാക്കിയിരുന്നു. ഇത് വിജയമായതിനെ തുടര്‍ന്നാണ് പദ്ധതി വിപുലീകരിക്കാന്‍ തീരുമാനിച്ചത്. ഇപ്പോള്‍ 100-ലധികം സ്റ്റേഷനുകളിലായി 150-ഓളം കൗണ്ടറുകള്‍ ഇതിനായി പ്രവര്‍ത്തിക്കുന്നു.

ദക്ഷിണ റെയില്‍വേ സോണിലുടനീളം 34 സ്‌റ്റേഷനുകളില്‍ പ്രത്യേക ഭക്ഷണ കൗണ്ടറുകള്‍ സ്ഥാപിച്ചിട്ടുണ്ട്. ചെന്നൈ ഡിവിഷനില്‍ 5 സ്‌റ്റേഷനുകളിലും തിരുച്ചിറപ്പള്ളി ഡിവിഷനില്‍ 3 സ്‌റ്റേഷനുകളിലും സേലം ഡിവിഷനില്‍ 4 സ്‌റ്റേഷനുകളിലും മധുര ഡിവിഷനില്‍ 2 സ്‌റ്റേഷനുകളിലും പാലക്കാട് ഡിവിഷനില്‍ 9 സ്‌റ്റേഷനുകളിലും തിരുവനന്തപുരം ഡിവിഷനില്‍ 11 സ്‌റ്റേഷനുകളിലും യാത്രക്കാര്‍ക്ക് ഈ ഭക്ഷണ കൗണ്ടറുകള്‍ ലഭ്യമാകും.

ദക്ഷിണ റെയില്‍വേയുടെ പ്ലാറ്റ്‌ഫോമുകളില്‍ സജ്ജീകരിച്ചിരിക്കുന്ന കൗണ്ടറുകളില്‍ നിന്ന് സബ്‌സിഡി നിരക്കില്‍ ഇനിപ്പറയുന്ന ഭക്ഷണങ്ങള്‍ ലഭിക്കും:

ജനതാ ഖാന: പൂരി (7 പൂരി, 175 ഗ്രാം), ഭജി (150 ഗ്രാം) വില: 20 രൂപ

അരി അടിസ്ഥാനമാക്കിയുള്ള ഇക്കോണമി മീല്‍: തൈര്/നാരങ്ങ/ പുളി അരി (200 ഗ്രാം) വില: 20 രൂപ

സ്‌നാക്ക് മീല്‍: ദക്ഷിണേന്ത്യന്‍ അരി വിഭവങ്ങള്‍ (350 ഗ്രാം) വില: 50 രൂപ

In view of extra passengers rush during the #summer season, #IRCTC is providing #economymeals for the convenience of General Coaches #passengers.

Provision has been made for economy meals alongwith packaged drinking water from the dispensing counters near General Coaches at the… pic.twitter.com/jC41RvLzJT

— IRCTC (@IRCTCofficial) April 23, 2024