Login 
പഠിക്കാം & സമ്പാദിക്കാം 
Home
1 Oct 2024 2:08 PM GMT
Summary
- യൂറോപ്യന്‍ യൂണിയന്‍, കൊറിയ, റഷ്യ എന്നിവിടങ്ങളില്‍നിന്നും ഇറക്കുമതിചെയ്യുന്ന ഉല്‍പ്പന്നങ്ങള്‍ക്കെതിരെയും പരാതിയുണ്ട്
- ഈ ഉല്‍പ്പന്നങ്ങളുടെ ഇറക്കുമതി കാരണം ആഭ്യന്തര വ്യവസായത്തിന് തകര്‍ച്ച സംഭവിക്കുന്നു
- പ്രധാനമായും ചൈനയില്‍നിന്നും ഇറക്കുമതി ചെയ്യുന്ന ആറ് ഉല്‍പ്പന്നങ്ങള്‍ക്കെതിരെയാണ് പരാതി
ആഭ്യന്തര കമ്പനികളുടെ പരാതികളെത്തുടര്‍ന്ന് ചൈനയില്‍ നിന്ന് ഡംപുചെയ്യുന്ന ആറ് ഉല്‍പ്പന്നങ്ങള്‍ സംബന്ധിച്ച് ഇന്ത്യ അന്വേഷണം ആരംഭിച്ചു. ചില രാസവസ്തുക്കള്‍, കോള്‍ഡ് റോള്‍ഡ് ഇലക്ട്രിക്കല്‍ സ്റ്റീല്‍, ബ്ലാക്ക് ടോണര്‍ പൗഡര്‍ കാട്രിഡ്ജ് എന്നിവ ഇതില്‍ ഉള്‍പ്പെടുന്നു.
വാണിജ്യ മന്ത്രാലയത്തിന്റെ വിഭാഗമായ ഡയറക്ടറേറ്റ് ജനറല്‍ ഓഫ് ട്രേഡ് റെമഡീസ് (ഡിജിടിആര്‍) ആണ് അന്വേഷണം നടത്തുന്നത്. ഈ ഉല്‍പ്പന്നങ്ങളുടെ ഇറക്കുമതി കാരണം ആഭ്യന്തര വ്യവസായത്തിന് നഷ്ടം സംഭവിക്കുന്നുവെന്ന് അപേക്ഷകര്‍ ആരോപിച്ചു.
ചൈനയില്‍ നിന്നുള്ള ഈ ഉല്‍പ്പന്നങ്ങളുടെ ഇറക്കുമതി കാരണം ആഭ്യന്തര വ്യവസായത്തിന് തകര്‍ച്ച സംഭവിക്കുന്നുവെന്ന് അപേക്ഷകര്‍ ആരോപിച്ചു. വിലകുറഞ്ഞ ഇറക്കുമതിയില്‍ നിന്ന് സംരക്ഷിക്കുന്നതിനായി ഈ ഇറക്കുമതിക്ക് ആന്റി-ഡമ്പിംഗ് ഡ്യൂട്ടി ചുമത്തണമെന്ന് അവര്‍ അഭ്യര്‍ത്ഥിച്ചു.
ചൈന, യൂറോപ്യന്‍ യൂണിയന്‍, കൊറിയ, റഷ്യ എന്നിവിടങ്ങളില്‍ നിന്നുള്ള അക്രിലോണിട്രൈല്‍ ബ്യൂട്ടാഡീന്‍ റബ്ബറിന്റെ ഇറക്കുമതി സംബന്ധിച്ച് അന്വേഷണം ആരംഭിക്കാന്‍ ആപ്കോടെക്സ് ഇന്‍ഡസ്ട്രീസ് ലിമിറ്റഡ് അപേക്ഷ സമര്‍പ്പിച്ചു.
വിവിധ രാസവസ്തുക്കളെ പ്രതിരോധിക്കുന്നതും തീവ്രമായ താപനിലയെ നേരിടാന്‍ കഴിയുന്നതുമായതിനാല്‍ ഓട്ടോ സെഗ്മെന്റിന് പുറമെ എണ്ണ, വാതക മേഖലയിലും ഇത് ഉപയോഗിക്കുന്നു.
അതുപോലെ, ചൈനയില്‍ നിന്നും സിംഗപ്പൂരില്‍ നിന്നുമുള്ള ചില ആന്റിഓക്സിഡന്റുകളെക്കുറിച്ച് ആന്റി-ഡമ്പിംഗ് അന്വേഷണം ആരംഭിക്കുന്നതിനായി വിനതി ഓര്‍ഗാനിക്സ് ലിമിറ്റഡ് ഡിജിടിആറിനെ സമീപിച്ചു.
പോളിടെട്രാഫ്‌ലൂറോഎത്തിലീന്‍ (ഇലക്ട്രോണിക്, മെക്കാനിക്കല്‍, കെമിക്കല്‍ വ്യവസായങ്ങളില്‍ ഉപയോഗിക്കുന്നു) ഇറക്കുമതിയില്‍ ഡംപിംഗ് അന്വേഷണം ആവശ്യപ്പെട്ട് ഗുജറാത്ത് ഫ്‌ലൂറോകെമിക്കല്‍സ് ലിമിറ്റഡും പരാതി നല്‍കി.
