സെപ്റ്റംബറിൽ നിങ്ങളെ ബാധിക്കാവുന്ന സാമ്പത്തിക മാറ്റങ്ങൾ

ധനകാര്യ സേവനമേഖലയിലെ നിരവധി നിയങ്ങള്‍ക്കും ചട്ടങ്ങള്‍ക്കും മാറ്റം നിർദ്ദേശിച്ചിട്ടുള്ള മാസമാണ് സെപ്റ്റംബർ. ഈ മാസം ചെയ്തു ഉപഭോക്താക്കാള്‍ പൂർത്തിയാക്കേണ്ട കാര്യങ്ങള്‍ നിരവധിയുണ്ട്.

മ്യൂച്വൽ ഫണ്ട് ഹോൾഡർമാരും ഇക്വിറ്റി നിക്ഷേപകരും സെപ്റ്റംബർ 30-ന് മുമ്പ് നോമിനിയെ നിശ്ചയിക്കുകയും അല്ലെങ്കില്‍ ആ ഓപ്ഷന്‍ വേണ്ടെന്നു വയ്ക്കുകയോ ചെയ്യേണ്ടതുണ്ട്. സെപ്റ്റംബറിലാണ് ചില ബാങ്കുകൾ അവതരിപ്പിക്കുന്ന പ്രത്യേക സ്ഥിരനിക്ഷേപ (എഫ്ഡി) സ്കീമുകളിൽ നിക്ഷേപിക്കാനുള്ള അവസാന മാസം. ചെറുകിട സമ്പാദ്യ പദ്ധതിയിൽ നിക്ഷേപിക്കുകയാണെങ്കി പാൻ, ആധാർ വിശദാംശങ്ങൾ ഇന്ത്യൻ പോസ്റ്റിൽ സമർപ്പിക്കേണ്ടതുണ്ട്. ഇതിന്റെ അവസാന തിയതിയും സെപ്തംബറിലാണ്. രണ്ടായിരം രൂപ നോട്ടുകൾ ബാങ്കിൽ നിക്ഷേപിക്കുകയും/എക്‌സ്‌ചേഞ്ച് ചെയ്യുകയും ചെയ്യാനുള്ള അവസാന തിയതിയും സെപ്തംബറിൽ തന്നെ.. അവ ഓരോന്നായി പരിശോധിക്കാം.

2,000 രൂപ നോട്ടുകൾ മാറ്റിയെടുക്കാനുള്ള അവസാന തീയതി

വിനിമയത്തിൽ നിന്ന് പിൻവലിച്ച 2,000 രൂപ നോട്ടുകൾ നിങ്ങളുടെ ബാങ്ക് അക്കൗണ്ടിൽ മാറ്റാനോ നിക്ഷേപിക്കാനോ റിസർവ് ബാങ്ക് നല്‍കിയ നാല് മാസത്തെ സമയം സെപ്റ്റംബർ 30 ന് അവസാനിക്കും.

ചെറുകിട സമ്പാദ്യ പദ്ധതികൾ നിക്ഷേപിക്കുന്നവർ പാൻ, ആധാർ എന്നിവ സമർപ്പിക്കേണ്ടതുണ്ട്

നിലവിലുള്ള ഇന്ത്യ പോസ്റ്റ് നിക്ഷേപകർ തങ്ങളുടെ ആധാർ ഇതിനകം സമർപ്പിച്ചിട്ടില്ലെങ്കിൽ 2023 സെപ്റ്റംബർ 30-ന് മുമ്പ് സമർപ്പിക്കണം. ചുവടെ പറയുന്ന വിഭാഗത്തില്‍ ഉള്‍പ്പെടുന്നവര്‍ രണ്ട് മാസത്തിനുള്ളിൽ പാൻ സമർപ്പിക്കേണ്ടതുണ്ട്. നിക്ഷേപകൻ രേഖകള്‍ സമർപ്പിക്കുന്നതിൽ പരാജയപ്പെട്ടാൽ അക്കൗണ്ട് നിഷ്ക്രിയമാകും.

എ) ഏതെങ്കിലും അക്കൗണ്ടിലെ ബാലൻസ് 50,000 രൂപയിൽ കൂടുതലാകുമ്പോൾ

ബി) ഒരു സാമ്പത്തിക വർഷത്തിൽ ബാങ്ക് അക്കൗണ്ടിലെ എല്ലാ ക്രെഡിറ്റുകളുടെയും ആകെ തുക ഒരു ലക്ഷം രൂപയിൽ കൂടുതലാകുമ്പോൾ

സി) അക്കൗണ്ടിൽ നിന്ന് ഒരു മാസത്തെ പിൻവലിക്കൽ 10,000 രൂപ കവിയുമ്പോൾ.

രണ്ടാമത്തെ മുൻകൂർ നികുതി അടക്കാനുള്ള അവസാന തീയതി സെപ്തംബർ 15

മുന്‍കൂർ നികുതി അടയ്ക്കുന്നതിനു ബാധ്യതയുള്ളവർ സെപ്റ്റംബർ 15 -ന് മുമ്പ് അടയ്ക്കണം. ഇതില്‍ വീഴ്ച വരുത്തിയാല്‍ പ്രതിമാസം 1 ശതമാനം നിരക്കില്‍ നികുതിത്തുകയ്ക്ക് പിഴപ്പലിശ നല്‍കണം.

സൌജന്യ ആധാർ പുതുക്കല്‍

സൗജന്യമായി ആധാര്‍ പുതുക്കുന്നതിനുള്ള അവസാന തീയതി സെപ്റ്റംബര്‍ 14 ആണ്. ഈ സേവനം മൈ ആധാർ പോർട്ടലിൽ മാത്രം സൗജന്യമാണ്. ഫിസിക്കൽ ആധാർ കേന്ദ്രങ്ങളിൽ 50 രൂപ ഫീസ് ഈടാക്കുകയും ചെയ്യുന്നു. സെപ്തംബർ 15 മുതൽ, ആധാർ കാർഡിന്റെ അപ്‌ഡേറ്റിന് മൈ ആധാർ പോർട്ടലിൽ ഫീസ് ഈടാക്കും.

ട്രേഡിംഗ്, ഡീമാറ്റ് അക്കൗണ്ട് നോമിനി

ട്രേഡിംഗ്, ഡീമാറ്റ് അക്കൗണ്ടില്‍ നോമിനിയെ കൂട്ടിച്ചേർക്കാനുള്ള അവസാനി തീയതി സെപ്റ്റംബര്‍ 30 ആണ്. അക്കൗണ്ടില്‍ നോമിനിയെ കൂട്ടി ച്ചേര്‍ക്കുകയോ അല്ലെങ്കില്‍ നോമിനി ചേര്‍ക്കുന്നില്ല എന്ന വിവരം ചേര്‍ക്കുകയോ ചെയ്യണം. ഇതു ചെയ്യാത്ത അക്കൗണ്ടുകളില്‍ ഒക്ടോബര്‍ ഒന്നു മുതല്‍ വ്യാപാരം നടത്താന്‍ സാധിക്കില്ല. സെക്യൂരിറ്റി എക്‌സ്‌ചേഞ്ച് ബോര്‍ഡ് ഓഫ് ഇന്ത്യയുടെ ( സെബി) മാര്‍ഗനിര്‍ദ്ദേശമാണ്.

ടി പ്ലസ് 3 ലിസ്റ്റിംഗ് സ്വമേധയാ ഇന്നു മുതല്‍

ഇഷ്യു നട ത്തി മൂന്നു പ്രവൃ ത്തിദിന ത്തിനുള്ളില്‍ ( ടി പ്ലസ് 3) ലിസ്റ്റ് ചെയ്യണമെന്നുള്ള മാര്‍ക്കറ്റ് റെഗുലേറ്റര്‍ സെബിയുടെ നിബന്ധന സെപ്റ്റംബര്‍ ഒന്നു മുതല്‍ സ്വമേധയാ കമ്പനികള്‍ക്കു നട പ്പാക്കാം. 2023 ഡിസംബര്‍ ഒന്നു മുതല്‍ പുതിയ നിയമം എല്ലാ പബ്‌ളിക് ഇഷ്യുവിനും ബാധകമാക്കും. (എ ന്താണ് ടി പ്ലസ് 3. ഇവിടെ ടി എന്നതുകൊണ്ട് ഉദ്ദേശിക്കുന്നത് ഇഷ്യു അവസാനിച്ച തീയതിയാണ്. തുടര്‍ന്ന് മൂന്നാം പ്രവൃത്തിദിനത്തില്‍ ഓഹരി ലിസ്റ്റ് ചെയ്യണം. ഉദാഹരണത്തിന് സെപ്റ്റംബർ അഞ്ചിന് ഇഷ്യു പൂർത്തിയാക്കുന്ന കമ്പനി ഓഹരികള്‍ എട്ടിന് എക്‌സ്‌ചേഞ്ചില്‍ ലിസ്റ്റ് ചെയ്യണം.