റീട്ടെയിൽ പണപ്പെരുപ്പം 4.85% , അഞ്ച് മാസത്തെ ഏറ്റവും താഴ്ന്ന നിരക്ക്

ചില്ലറ പണപ്പെരുപ്പം മാർച്ചിൽ അഞ്ച് മാസത്തെ ഏറ്റവും താഴ്ന്ന നിരക്കായ 4.85 ശതമാനമായി കുറഞ്ഞു. ഉപഭോക്തൃ വില സൂചിക (സിപിഐ) അടിസ്ഥാനമാക്കിയുള്ള റീട്ടെയിൽ പണപ്പെരുപ്പം ഫെബ്രുവരിയിൽ 5.09 ശതമാനവും 2023 മാർച്ചിൽ 5.66 ശതമാനവുമായിരുന്നു. മുമ്പ്, സിപിഐ അടിസ്ഥാനമാക്കിയുള്ള പണപ്പെരുപ്പം 2023 ഒക്ടോബറിൽ 4.87 ശതമാനമായിരുന്നു.

നാഷണൽ സ്റ്റാറ്റിസ്റ്റിക്കൽ ഓഫീസ് (എൻഎസ്ഒ) പുറത്തുവിട്ട കണക്കുകൾ പ്രകാരം ഫെബ്രുവരിയിലെ 8.66 ശതമാനത്തിൽ നിന്ന് മാർച്ചിൽ ഭക്ഷ്യവസ്തുക്കളുടെ പണപ്പെരുപ്പം 8.52 ശതമാനമായിരുന്നു.

പണപ്പെരുപ്പം 4 ശതമാനമായി തുടരുന്നത് ഉറപ്പാക്കാൻ റിസർവ് ബാങ്കിനെ സർക്കാർ ചുമതലപ്പെടുത്തിയിട്ടുണ്ട്.

ഭക്ഷ്യവിലയിലെ അനിശ്ചിതത്വങ്ങൾ പണപ്പെരുപ്പത്തിൻ്റെ തോത് നിർണ്ണയിക്കുന്നതിൽ പ്രധാന ഘടകമാണ്.സാധാരണ മൺസൂൺ കണക്കിലെടുത്ത് നടപ്പ് സാമ്പത്തിക വർഷത്തിൽ റീട്ടെയിൽ പണപ്പെരുപ്പം 4.5 ശതമാനമായിരിക്കുമെന്ന് സെൻട്രൽ ബാങ്ക് പ്രവചിക്കുന്നു.

ഏപ്രിൽ-ജൂൺ പാദത്തിൽ പണപ്പെരുപ്പം 4.9 ശതമാനവും സെപ്റ്റംബർ പാദത്തിൽ 3.8 ശതമാനവുമാകുമെന്ന് ആർബിഐ പ്രവചിക്കുന്നു.