Login 
പഠിക്കാം & സമ്പാദിക്കാം 
Home
23 Oct 2024 5:51 AM GMT
Summary
- ജിയോയുമായുള്ള ചര്‍ച്ച പ്രാരംഭ ഘട്ടത്തില്‍
- കമ്പനികള്‍ ഔദ്യോഗികമായി പ്രതികരിച്ചിട്ടില്ല
- സാമ്പത്തിക സേവന രംഗത്ത് കുതിപ്പ് ലക്ഷ്യമിട്ട് ജിയോ ഫിനാന്‍ഷ്യല്‍ സര്‍വീസസ്
ജിയോ ഫിനാന്‍ഷ്യല്‍ സര്‍വീസസ് ലിമിറ്റഡ്, ഇന്ത്യയില്‍ ഒരു ഇന്‍ഷുറന്‍സ് പങ്കാളിത്തം സ്ഥാപിക്കുന്നതിനായി അലയന്‍സ് എസ്ഇയുമായി ചര്‍ച്ച നടത്തി. ജര്‍മ്മന്‍ സ്ഥാപനം രാജ്യത്ത് നിലവിലുള്ള രണ്ട് സംയുക്ത സംരംഭങ്ങള്‍ നിര്‍ത്തലാക്കാന്‍ ശ്രമിക്കുന്നതായി നേരത്തെ റിപ്പോര്‍ട്ട് വന്നിരുന്നു. തുടര്‍ന്നാണ് ജിയോയുമായി ചര്‍ച്ച നടത്തുന്നതെന്നാണ് സൂചന.
രാജ്യത്ത് ഒരു ജനറല്‍ ഇന്‍ഷുറന്‍സും ഒരു ലൈഫ് ഇന്‍ഷുറന്‍സ് കമ്പനിയും സ്ഥാപിക്കാന്‍ അലയന്‍സും ജിയോ ഫിനാന്‍ഷ്യലും താല്‍പ്പര്യപ്പെടുന്നു. ചര്‍ച്ചകള്‍ പ്രാരംഭ ഘട്ടത്തിലാണെന്നും തീരുമാനം എന്താകുമെന്ന് ഇപ്പോള്‍ പറയാനാകില്ലെന്നും കമ്പനിയുമായി അടുപ്പമുള്ള ജീവനക്കാര്‍ പറയുന്നു.
മ്യൂണിക്ക് ആസ്ഥാനമായുള്ള സ്ഥാപനം തങ്ങളുടെ നിലവിലെ പങ്കാളിയായ ബജാജ് ഫിന്‍സെര്‍വ് ലിമിറ്റഡിനോട് സംരംഭങ്ങളില്‍ നിന്ന് 'സജീവമായി ഒരു എക്‌സിറ്റ് പരിഗണിക്കുകയാണെന്ന്' വാര്‍ത്ത വന്നിരുന്നു. അതേസമയം ഇന്ത്യന്‍ ഇന്‍ഷുറന്‍സ് വിപണിയോട് തങ്ങള്‍ പ്രതിജ്ഞാബദ്ധരാണെന്ന് അലയന്‍സ് സൂചിപ്പിച്ചു. പങ്കാളിത്തത്തിന്റെ ദിശയെച്ചൊല്ലിയുള്ള തര്‍ക്കത്തെ ചുറ്റിപ്പറ്റിയാണ് വേര്‍പിരിയല്‍ കേന്ദ്രീകരിക്കുന്നതെന്ന്, വിഷയവുമായി പരിചയമുള്ള ആളുകള്‍ പറഞ്ഞു.
അതേസമയം ഊഹാപോഹങ്ങളെക്കുറിച്ച് പ്രതികരിക്കാന്‍ കമ്പനിക്ക് കഴിയില്ലെന്ന് ജിയോ ഫിനാന്‍ഷ്യല്‍ വക്താവ് പറഞ്ഞു.''കമ്പനിയുമായി ബന്ധപ്പെട്ട് എന്തെങ്കിലും ഭൗതിക സംഭവവികാസങ്ങള്‍ ഉണ്ടാകുമ്പോള്‍,ആവശ്യമായ വെളിപ്പെടുത്തലുകള്‍ നടത്തുന്നത് തുടരും,'' അലയന്‍സ് വക്താവ് കൂട്ടിച്ചേര്‍ത്തു.
ജിയോ ഫിനാന്‍ഷ്യല്‍ ഇതിനകം ഒരു ഷാഡോ ബാങ്കും ഇന്‍ഷുറന്‍സ് ബ്രോക്കറേജും നടത്തുന്നു. ഇന്‍ഷുറന്‍സ് പ്രവര്‍ത്തനങ്ങള്‍ സജ്ജീകരിക്കുന്നത് ഒരു സാമ്പത്തിക സേവന ഭീമനാകാനുള്ള അംബാനി യൂണിറ്റിന്റെ അഭിലാഷത്തെ കൂടുതല്‍ സഹായിക്കും.
