പിഎല്‍ഐ സ്‌കീം കേന്ദ്രം ഉപേക്ഷിക്കുമെന്ന് സൂചന

ആഗോള കമ്പനികളെ രാജ്യത്തേക്ക് ആകര്‍ഷിക്കുന്നതിനായി ആവിഷ്‌ക്കരിച്ച പിഎല്‍ഐ സ്‌കീം കേന്ദ്ര സര്‍ക്കാര്‍ അവസാനിപ്പിക്കുന്നതായി സൂചന. ആഭ്യന്തര ഉല്‍പ്പാദനത്തെ പ്രോത്സാഹിപ്പിക്കുന്നതിനുള്ള നടപടിയുടെ ഭാഗമായാണ് ഈ തീരുമാനമെന്ന് സര്‍ക്കാര്‍ ഉദ്യോഗസ്ഥര്‍ പറയുന്നു.

ചൈനയില്‍ നിന്ന് കമ്പനികളെ ആകര്‍ഷിക്കാനുള്ള നടപടിയുടെ ഭാഗമായാണ് പദ്ധതി ആവിഷ്‌ക്കരിച്ചത്. പദ്ധതി ആരംഭിച്ച് നാല് വര്‍ഷത്തിനുശേഷം അവസാനിപ്പിക്കുകയാണെന്നാണ് ലഭ്യമായ വിവരങ്ങള്‍.

14 പൈലറ്റ് മേഖലകള്‍ക്ക് അപ്പുറത്തേക്ക് പദ്ധതി വികസിപ്പിക്കില്ലെന്നും പങ്കെടുക്കുന്ന ചില സ്ഥാപനങ്ങളുടെ അഭ്യര്‍ത്ഥനകള്‍ക്കിടയിലും ഉല്‍പ്പാദന സമയപരിധി നീട്ടില്ലെന്നും രണ്ട് ഉദ്യോഗസ്ഥര്‍ പറഞ്ഞു.

ആപ്പിള്‍ വിതരണക്കാരായ ഫോക്സ്‌കോണ്‍, ഇന്ത്യന്‍ കമ്പനിയായ റിലയന്‍സ് ഇന്‍ഡസ്ട്രീസ് എന്നിവയുള്‍പ്പെടെ ഏകദേശം 750 കമ്പനികള്‍ പ്രൊഡക്ഷന്‍-ലിങ്ക്ഡ് ഇനിഷ്യേറ്റീവ് പദ്ധതിയില്‍ ഒപ്പുവച്ചതായി പൊതു രേഖകള്‍ കാണിക്കുന്നു.

വ്യക്തിഗത ഉല്‍പ്പാദന ലക്ഷ്യങ്ങളും സമയപരിധിയും പാലിച്ചാല്‍ കമ്പനികള്‍ക്ക് പണമടയ്ക്കല്‍ വാഗ്ദാനം ചെയ്തിരുന്നു. 2025 ഓടെ സമ്പദ് വ്യവസ്ഥയില്‍ ഉല്‍പ്പാദനത്തിന്റെ വിഹിതം 25 ശതമാനമായി ഉയര്‍ത്തുക എന്നതായിരുന്നു ലക്ഷ്യം. പകരം, പരിപാടിയില്‍ പങ്കെടുത്ത പല സ്ഥാപനങ്ങളും ഉല്‍പ്പാദനം ആരംഭിക്കുന്നതില്‍ പരാജയപ്പെട്ടു.

2024 ഒക്ടോബര്‍ വരെ, പദ്ധതിയില്‍ ഉള്‍പ്പെട്ട സ്ഥാപനങ്ങള്‍ 151.93 ബില്യണ്‍ ഡോളര്‍ മൂല്യമുള്ള സാധനങ്ങള്‍ ഉല്‍പ്പാദിപ്പിച്ചിരുന്നു. ഇത് ഡല്‍ഹി നിശ്ചയിച്ച ലക്ഷ്യത്തിന്റെ 37 ശതമാനമാണെന്ന് വാണിജ്യ മന്ത്രാലയം സമാഹരിച്ച വിശകലനത്തില്‍ പറയുന്നു. ഇന്ത്യ 1.73 ബില്യണ്‍ ഡോളര്‍ മാത്രമാണ് പ്രോത്സാഹനമായി നല്‍കിയത് - അല്ലെങ്കില്‍ അനുവദിച്ച ഫണ്ടിന്റെ 8 ശതമാനത്തില്‍ താഴെയാണെന്നും രേഖയില്‍ പറയുന്നു.

എന്നാല്‍ ഇക്കാര്യം ഔദ്യോഗികമായി പ്രഖ്യാപിക്കപ്പെട്ടിട്ടില്ല