ഹരിതോര്‍ജ്ജ വിഹിതം ഉയത്തുമെന്ന് അള്‍ട്രാടെക്

ഇന്ത്യയിലെ ഏറ്റവും വലിയ സിമന്റ്, റെഡി-മിക്‌സ് കോൺക്രീറ്റ് (ആർഎംസി) കമ്പനിയായ അൾട്രാടെക് സിമന്റ് ലിമിറ്റഡ് 2030ഓടെ മൊത്തം ഊർജ്ജ വിനിയോഗത്തില്‍ ഹരിതോര്‍ജ്ജത്തിന്‍റെ വിഹിതം 85 ശതമാനമായി ഉയർത്താൻ പദ്ധതിയിടുന്നതായി പ്രഖ്യാപിച്ചു. ഇടക്കാല ലക്ഷ്യമെന്ന നിലയിൽ, 2025 -26 സാമ്പത്തിക വര്‍ഷത്തിന്‍റെ അവസാനത്തോടെ അൾട്രാടെക് മൊത്തം ഹരിത ഊർജ വിഹിതം നിലവിലെ 22 ശതമാനത്തില്‍ നിന്ന് 60 ശതമാനമാക്കാന്‍ ലക്ഷ്യമിടുന്നു.

വികസനത്തെക്കുറിച്ച് സംസാരിച്ച അൾട്രാടെക് സിമന്റ് ലിമിറ്റഡിന്റെ മാനേജിംഗ് ഡയറക്ടർ ശ്രീ. കെ.സി. ജാൻവർ പറഞ്ഞു, “രാജ്യത്തെ ഏറ്റവും വലിയ സിമൻറ് കമ്പനി എന്ന നിലയിൽ, വ്യവസായത്തിന് കൂടുതൽ സുസ്ഥിരവും ഹരിതവുമായ ഭാവി കെട്ടിപ്പടുക്കുന്നതിന് നേതൃത്വം നൽകേണ്ടത് ഞങ്ങളുടെ ഉത്തരവാദിത്തമാണ്. ഡീകാർബണൈസേഷന്റെ പ്രധാന സഹായിയാണ് ഹരിത ഊർജ്ജം. ശുദ്ധവും ഹരിതവുമായ നാളെയിലേക്കുള്ള ഞങ്ങളുടെ പ്രതിബദ്ധതയുടെ തെളിവാണ് വർഷങ്ങളായി ഞങ്ങളുടെ മൊത്തം വൈദ്യുതി ആവശ്യകതയിൽ ഞങ്ങൾ ഹരിത ഊർജ്ജത്തിന്‍റെ അളവ് നിരന്തരം വർദ്ധിപ്പിക്കുന്നത്.

2050-ഓടെ ഊര്‍ജ്ജ ആവശ്യകത പൂര്‍ണമായും പുനരുപയോഗ സ്രോതസ്സുകളിലൂടെ നിറവേറ്റാനാണ് അള്‍ട്രാടെക് ലക്ഷ്യമിടുന്നത്. ഫോസിൽ-ഇന്ധനങ്ങളുടെ ഉപയോഗം കുറയ്ക്കുന്നതിനും ഹരിതവും പുനരുപയോഗിക്കാവുന്നതുമായ ഊർജത്തിന്റെ ഉപയോഗം വർദ്ധിപ്പിക്കുന്നതിനും അൾട്രാടെക് വളരെ സമഗ്രമായ സമീപനമാണ് സ്വീകരിച്ചിരിക്കുന്നത്. ഉൽപ്പാദന പ്രവർത്തനങ്ങളിൽ താപ ഊർജ്ജത്തെ ആശ്രയിക്കുന്നത് കുറയ്ക്കുന്നതിന് ഉയർന്നുവരുന്ന സാങ്കേതികവിദ്യകൾ പ്രയോജനപ്പെടുത്തുന്നതും ചരക്കുനീക്കത്തിന് ഹരിത ഇന്ധനങ്ങള്‍ സ്വീകരിക്കുന്നതും ഇതിൽ ഉൾപ്പെടുന്നു.