ടിവിഎസ് മോട്ടോർ കമ്പനിയുടെ വരുമാനത്തിൽ 10% വർധന

2024 ഡിസംബറിൽ അവസാനിച്ച മൂന്നാം പാദത്തിൽ ടിവിഎസ് മോട്ടോർ കമ്പനിയുടെ പ്രവർത്തന വരുമാനം 10% വർദ്ധിച്ച് 9,097 കോടി രൂപയായി. 2023 ഡിസംബറിൽ അവസാനിച്ച പാദത്തിൽ ഇത് 8,245 കോടി രൂപയായിരുന്നു.

2024-25 ലെ മൂന്നാം പാദത്തിൽ കമ്പനിയുടെ പ്രവർത്തന ഇബിഐടിഡിഎ 17% വർദ്ധിച്ച് 1,081 കോടി രൂപയായി. മുൻ വർഷത്തെ സമാന പാദത്തിൽ ഇത് 924 കോടി രൂപയായിരുന്നു.

2024-25 സാമ്പത്തിക വർഷത്തിലെ മൂന്നാം പാദത്തിൽ കമ്പനിയുടെ നികുതിക്ക് മുമ്പുള്ള ലാഭം 8% വർദ്ധിച്ച് 837 കോടി രൂപയായി. 2023-24 ലെ മൂന്നാം പാദത്തിൽ ഇത് 775 കോടി രൂപയായിരുന്നു.

2024 ഡിസംബറിൽ അവസാനിച്ച പാദത്തിൽ ഇരുചക്ര വാഹനങ്ങളുടെയും മുച്ചക്ര വാഹനങ്ങളുടെയും വിൽപ്പന 10% വർദ്ധിച്ച് 12.12 ലക്ഷം യൂണിറ്റുകളായി. 2023 ഡിസംബറിൽ അവസാനിച്ച പാദത്തിൽ ഇത് 11.01 ലക്ഷം യൂണിറ്റായിരുന്നു. 2024 ഡിസംബറിൽ അവസാനിച്ച പാദത്തിൽ മോട്ടോർസൈക്കിൾ വിൽപ്പന 6% വർദ്ധിച്ച് 5.56 ലക്ഷം യൂണിറ്റുകളായി. 2023 ഡിസംബറിൽ അവസാനിച്ച പാദത്തിൽ ഇത് 5.23 ലക്ഷം യൂണിറ്റായിരുന്നു.

2024 ഡിസംബറിൽ അവസാനിച്ച പാദത്തിലെ സ്കൂട്ടർ വിൽപ്പന 22% വർദ്ധിച്ച് 4.93 ലക്ഷം യൂണിറ്റായി. 2023-24 ലെ മൂന്നാം പാദത്തിൽ ഇത് 4.04 ലക്ഷം യൂണിറ്റായിരുന്നു. ഇലക്ട്രിക് സ്കൂട്ടർ വിൽപ്പന 57% വർധിച്ച് 0.76 ലക്ഷം യൂണിറ്റായി.