എസ്‌ജെവിഎനിന്റെ അറ്റാദായം 51 ശതമാനം ഇടിഞ്ഞു

പൊതുമേഖലാ സ്ഥാപനമായ എസ്ജെവിഎന്‍ ലിമിറ്റഡിന്റെ വരുമാനം കുറഞ്ഞതിനാല്‍ ഡിസംബര്‍ പാദത്തില്‍ സംയോജിത അറ്റാദായം 51 ശതമാനത്തിലധികം ഇടിഞ്ഞ് 138.97 കോടി രൂപയായി. തൊട്ട് മുന്‍ വര്‍ഷത്തെ അവസാന പാദത്തില്‍ അതിന്റെ ഏകീകൃത അറ്റാദായം 287.42 കോടി രൂപയായിരുന്നു.

ഈ പാദത്തിലെ മൊത്ത വരുമാനം മുന്‍ വര്‍ഷം ഇതേ കാലയളവിലെ 711.24 കോടിയില്‍ നിന്ന് 607.72 കോടി രൂപയായി കുറഞ്ഞു. വെള്ളിയാഴ്ച ചേര്‍ന്ന ഡയറക്ടര്‍ ബോര്‍ഡ് യോഗത്തില്‍ 2023-24 സാമ്പത്തിക വര്‍ഷത്തില്‍ ഓഹരി ഒന്നിന് 1.15 രൂപ ഇടക്കാല ലാഭവിഹിതം അനുവദിച്ചു.