ബ്രിട്ടാനിയയുടെ ലാഭത്തിൽ 4.8 ശതമാനം വര്‍ധന

പ്രമുഖ ബിസ്‌ക്കറ്റ് നിർമ്മാതാക്കളായ ബ്രിട്ടാനിയ ഇൻഡസ്ട്രീസ് ലിമിറ്റഡ്ന്റെ ഈ സാമ്പത്തിക വർഷത്തെ മൂന്നാം പാദത്തിലെ ലാഭം 4.8 ശതമാനം ഉയർന്ന് 582.3 കോടി രൂപയായി. കഴിഞ്ഞ സാമ്പത്തിക വർഷം ഇതേ പാദത്തിൽ 555.66 കോടി രൂപയായിരുന്നു അറ്റാദായം. ഡിസംബർ പാദത്തിൽ ബ്രിട്ടാനിയയുടെ മൊത്തം വരുമാനം 8.08 ശതമാനം വർധിച്ച് 4,655.08 കോടി രൂപയായി.

മൂന്നാം പാദത്തിൽ കമ്പനിയുടെ പ്രവർത്തനങ്ങളിൽ നിന്നുള്ള വരുമാനം 7.9 ശതമാനം ഉയർന്ന് 4,592.62 കോടി രൂപയായി. കഴിഞ്ഞ വർഷം ഇതേ കാലയളവിൽ 4,256.33 കോടി രൂപയായിരുന്നു വരുമാനം. മൊത്തം ചെലവ് ഡിസംബർ പാദത്തിൽ 9.3 ശതമാനം വർദ്ധിച്ച് 3,874.65 കോടി രൂപയായി.