അദാനി-ടോട്ടല്‍ ഗ്യാസ് അറ്റാദായം ഉയര്‍ന്നു

അദാനി ഗ്രൂപ്പിന്റെയും ഫ്രഞ്ച് ഊര്‍ജ ഭീമനായ ടോട്ടല്‍ എനര്‍ജീസിന്റെയും സംയുക്ത സംരംഭമായ അദാനി-ടോട്ടല്‍ ഗ്യാസ് ലിമിറ്റഡിന്റെ രണ്ടാം പാദ അറ്റാദായത്തില്‍ 6 ശതമാനം വര്‍ധന രേഖപ്പെടുത്തി.

രണ്ടാം പാദത്തില്‍ 178 കോടി രൂപയുടെ അറ്റാദായം കമ്പനി നേടി. ഒരുവര്‍ഷം മുമ്പ് അറ്റാദായം 168 കോടി രൂപയായിരുന്നു. പ്രവര്‍ത്തനങ്ങളില്‍ നിന്നുള്ള വരുമാനം 12 ശതമാനം ഉയര്‍ന്ന് 1,315 കോടി രൂപയായി.

ഒന്നിലധികം നെറ്റ്വര്‍ക്ക് വിപുലീകരണത്തിന്റെ ഫലമായി സിഎന്‍ജി അളവ് വര്‍ഷാവര്‍ഷം 19 ശതമാനം ഉയര്‍ന്ന് 162 ദശലക്ഷം സ്റ്റാന്‍ഡേര്‍ഡ് ക്യുബിക് മീറ്ററിലെത്തി.

ഗ്യാസ് വില സ്ഥിരത കൈവരിക്കുന്നതോടെ, പിഎന്‍ജി വ്യാവസായിക അളവിന്റെ ഉപഭോഗത്തില്‍ വര്‍ധനവുണ്ടായിട്ടുണ്ട്, കൂടാതെ ഗാര്‍ഹിക, വാണിജ്യ വിഭാഗങ്ങളില്‍ പുതിയ പിഎന്‍ജി കണക്ഷന്‍ ചേര്‍ക്കുന്നതിനൊപ്പം, പിഎന്‍ജി അളവ് വര്‍ഷം തോറും 7 ശതമാനം വര്‍ധിച്ചു, കമ്പനി പറയുന്നു.

ഇന്‍ഫ്രാസ്ട്രക്ചര്‍ വിപുലീകരണവും പ്രവര്‍ത്തനക്ഷമതയും മൂലമുള്ള വോളിയം വളര്‍ച്ചയുടെ പിന്തുണയോടെ ഇബിഐടിഡിഎ 8 ശതമാനം ഉയര്‍ന്ന് 313 കോടി രൂപയിലെത്തി.