രത്‌നങ്ങളുടെയും ആഭരണങ്ങളുടെയും കയറ്റുമതിയിൽ 6.5% വർധന

ഡെൽഹി: ഈ സാമ്പത്തിക വർഷം ഏപ്രിൽ-ജനുവരി കാലയളവിൽ രത്‌നങ്ങ ആഭരണങ്ങളുടെയും കയറ്റുമതി 6.5 ശതമാനം ഉയർന്ന് $32.37 ബില്യനിലെത്തിയതായി ജെം ആൻഡ് ജ്വല്ലറി എക്‌സ്‌പോർട്ട് പ്രൊമോഷൻ കൗൺസിൽ അറിയിച്ചു (ജിജെഇപിസി).

മുൻ വർഷം ഇതേ കാലയളവിൽ കയറ്റുമതി $30.40 ബില്യൺ ആയിരുന്നു.
​
ഈ സാമ്പത്തിക വർഷത്തെ ജിജെഇപിസി കൗൺസിലിന്റെ റിപ്പോർട്ടനുസരിച്ച് 10 മാസ കാലയളവിൽ യുഎഇ (41.50 ശതമാനം), ബെൽജിയം (15.81 ശതമാനം), ജപ്പാൻ (12.20 ശതമാനം), ഹോങ്കോങ് (3.06 ശതമാനം) എന്നിവിടങ്ങളിലാണ് കയറ്റുമതി കൂടുതലായി നടന്നത്.
​
യുഎഇ യുമായുള്ള സ്വതന്ത്ര വ്യാപാര കരാർ (എഫ് ടി എ) നടപ്പിലാക്കുമ്പോൾ, സ്വർണ്ണത്തിന്റെയും സ്വർണ്ണത്തിൽ പൊതിഞ്ഞ ആഭരണങ്ങളുടെയും കയറ്റുമതി വർദ്ധിപ്പിക്കാൻ അത് സഹായകരമാവുമെന്നു ജിജെഇപിസി അഭിപ്രായപ്പെട്ടു.
​
ഇന്ത്യയിൽ നിന്നുള്ള സ്വർണം, വെള്ളി, പ്ലാറ്റിനം ആഭരണങ്ങളുടെ കയറ്റുമതിക്ക് യുഎഇ ഏർപ്പെടുത്തിയിരുന്ന 5 ശതമാനം ഇറക്കുമതി തീരുവ നിർത്തലാക്കണമെന്ന് കൗൺസിൽ സർക്കാരിനോട് ആവശ്യപ്പെട്ടിട്ടുണ്ട്.

"ഇന്ത്യയുടെ പ്ലെയിൻ ഗോൾഡ് ജ്വല്ലറി കയറ്റുമതിയുടെ 80 ശതമാനവും സ്റ്റഡ്ഡ് ആഭരണ കയറ്റുമതിയുടെ 20 ശതമാനവും യുഎഇ-യിലേക്കാണ്. മുഴുവൻ മിഡിൽ ഈസ്റ്റ് മേഖലയിലേക്കുള്ള കവാടമാണ് യുഎഇ എന്നതുകൊണ്ടു തന്നെ ഇന്ത്യയും യുഎഇയും തമ്മിലുള്ള എഫ് ടി എ ശരിയായ തീരുമാനമാണ്". കൗൺസിൽ അഭിപ്രായപ്പെട്ടു.
​
നിർദിഷ്ട തീരുവ കൂടാതെ, ഇന്ത്യയിൽ നിന്ന് യുഎഇയിലേക്കുള്ള സാധാരണ സ്വർണ്ണാഭരണങ്ങളുടെയും സ്വർണ്ണം പതിച്ച ആഭരണങ്ങളുടെയും കയറ്റുമതി 2023-ൽ $10 ബില്യൺ (74,000 കോടി രൂപ) എത്തുമെന്നാണ് അവകാശപ്പെടുന്നത്.
​
2021 ഏപ്രിൽ മുതൽ 2022 ജനുവരി വരെയുള്ള കാലയളവിൽ 12.28% വളർച്ചയുടെ 2.4 ലക്ഷം കോടി രൂപയുടെ കയറ്റുമതിയാണ് കൈവരിച്ചത് (ഡോളറിൽ 6.5 ശതമാനം ഉയർന്ന് $32.37 ബില്യനീലെത്തി). മഹാമാരിക്ക് ശേഷം ഇന്ത്യൻ രത്ന, ആഭരണ കയറ്റുമതി മേഖല അതിവേഗമാണ് ഈ നേട്ടത്തിലെത്തിയത്.

2019 ഏപ്രിൽ മുതൽ 2020 ജനുവരി വരെ ഇതേ കാലയളവിൽ 2.14 ലക്ഷം കോടി രൂപയായിരുന്നു കയറ്റുമതി ($30.40 ബില്യൺ) .