Login 
പഠിക്കാം & സമ്പാദിക്കാം 
Home
27 Jun 2023 11:00 AM GMT
Summary
- ഭര്‍ത്താവ് വിഘ്‌നേശ് ശിവനൊപ്പം നിര്‍മാണ രംഗത്തും നയന്‍താര സാന്നിധ്യമറിയിച്ചിട്ടുണ്ട്.
മനസ്സിനക്കരെ എന്ന മലയാള സിനിമയിലൂടെ ഉയര്‍ന്നുവന്ന താരോദയമാണ് നയന്‍താര എന്ന ഡയാന മറിയം കുര്യന്‍. പിന്നീടങ്ങോട്ട് നേട്ടത്തിന്റെ കൊടുമുടിയിലേക്കാണ് നയന്‍സ് ചവിട്ടിക്കയറിയത്.തെന്നിന്ത്യയില്‍ ഏറ്റവും കൂടുതല്‍ പ്രതിഫലം കൈപ്പറ്റുന്ന ലേഡി സൂപ്പര്‍ സ്റ്റാറാണ് നയന്‍താര. അഞ്ച് കോടിക്കും പത്ത് കോടിക്കും ഇടയിലാണ് നടിയുടെ പ്രതിഫലം. നയന്‍താരയുടെ ഓരോ ചലനവും തെന്നിന്ത്യന്‍ സിനിമാ പ്രേമികള്‍ക്ക് ആഘോഷമാണ്, ഇപ്പോഴിതാ പുതിയൊരു വാര്‍ത്തയുമായാണ് നയന്‍താര എത്തിയിരിക്കുന്നത്. കേരളത്തിന്റെ റിയല്‍റ്റി മേഖലയിലും ഭാഗ്യം പരീക്ഷിക്കാനൊരുങ്ങുകയാണ് നയന്‍താരയും ഭര്‍ത്താവ് വിഘ്‌നേഷ് ശിവനും. നിലവില്‍ നിരവധി ബിസിനസുകള്‍ നയന്‍താരയ്ക്കും വിഘ്‌നേശിനുമുണ്ട്.
തമിഴ് മാധ്യമങ്ങളുടെ റിപ്പോര്‍ട്ട് പ്രകാരം റിയല്‍ എസ്റ്റേറ്റ് ബിസിനസിന്റെ ഭാഗമായി കേരളത്തില്‍ നിരവധി സ്ഥലങ്ങള്‍ നയന്‍താര വാങ്ങിയിട്ടുണ്ട്. ഈ സ്ഥലങ്ങളില്‍ ചിലതില്‍ മികച്ച സൗകര്യങ്ങളുള്ള ബില്‍ഡിംഗുകള്‍ പണിത് വില്‍ക്കാനാണ് നീക്കം. ഭര്‍ത്താവായ വിഘ്‌നേശ് ശിവനാണ് ഈ പദ്ധതിയുടെ മാസറ്റര്‍ ബ്രെയിന്‍.
കൈ നിറയെ അവസരങ്ങളുമായി കരിയറിന്റെ മികച്ച സമയത്താണ് നയന്‍താര സംവിധാനകനും നിര്‍മാതാവുമായ വിഘ്‌നേഷ് ശിവനം വിവാഹം ചെയ്യുന്നത്. ഇരട്ടകുട്ടികളുടെ അമ്മയായ ശേഷം നടി സിനിമകളുടെ തിരക്ക് കുറയ്ക്കുമെന്ന് അഭ്യൂഹം വന്നെങ്കിലും സംഭവിച്ചത് മറിച്ചാണ്. ഒന്നിന് പിറകെ ഒന്നായി നയന്‍സിന്റെ പുതിയ സിനിമകളുടെ പ്രഖ്യാപനം വന്നുകൊണ്ടിരിക്കുകയാണ്. ഭര്‍ത്താവ് വിഘ്‌നേശ് ശിവനൊപ്പം നിര്‍മാണ രംഗത്തും നയന്‍താര സജീവമാണ്.
അന്താരാഷ്ട്ര കമ്പനികളില്‍ വരെ നടി നിക്ഷേപം നടത്തുന്നുവെന്ന വാര്‍ത്തകള്‍ പുറത്ത് വന്നിരുന്നു. അടുത്തിടെ യുഎഇയിലെ എണ്ണ കമ്പനിയില്‍ നടി കോടികളുടെ നിക്ഷേപത്തിനൊരുങ്ങുന്നതായി റിപ്പോര്‍ട്ടുകള്‍ വന്നിരുന്നു. മറ്റ് സിനിമാതാരങ്ങളുടെ പാതയില്‍ തന്നെയാണ് നയന്‍താരയും.
2021 ലാണ് നയന്‍താരയുടെ ലിപ് ബാം കമ്പനിക്ക് തുടക്കമാകുന്നത്. ലിപ് ബാമിന്റെ നൂറിലധികം വേരിയെന്റുകളുള്ള ഇന്ത്യയിലെ ആദ്യത്തെ ഏറ്റവും വലിയ ബ്രാന്‍ഡ് തങ്ങളാണെന്ന് കമ്പനി അവകാശപ്പെടുന്നുണ്ട്. പ്രശസ്തമായ ചായ വാല എന്ന ബ്രാന്‍ഡിലും നിക്ഷേപം നടത്തിയെന്നും റിപ്പോര്‍ട്ടുകള്‍ വന്നിരുന്നു.
ബോളിവുഡിലേതടക്കം രാജ്യത്തെ ഒട്ടുമിക്ക സിനിമാ താരങ്ങളും ബിസിനസില്‍ ഭാഗ്യം പയറ്റിയവരാണ്. ദക്ഷിണേന്ത്യയില്‍ സ്വകാര്യ ജെറ്റ് വിമാനം സ്വന്തമാക്കിയ നടിമാരിലൊരാള്‍ നയന്‍താരയാണ്. ചെന്നൈയില്‍ ഒരു ആഡംബര അപ്പാര്‍ട്ട്മെന്റ് കൂടാതെ നയന്‍താരയ്ക്ക് ചെന്നൈയില്‍ വില്ലയും സ്വന്തമായുണ്ട്. കേരളം, ഹൈദരാബാദ്, മുംബൈ എന്നിവിടങ്ങളില്‍ നയന്‍സിന് ബംഗ്ലാവുകളും സ്വന്തമായുണ്ട്. അഞ്ച് കോടി രൂപക്ക് മുകളില്‍ വിലയുള്ള കാറുകള്‍ താരത്തിന് സ്വന്തമായുണ്ടെന്നും റിപ്പോര്‍ട്ടുകളുണ്ട്.
അറ്റ്‌ലി സംവിധാനം ചെയ്യുന്ന ഷാരൂഖ് ഖാന്‍ നായകനായ ജവാനാണ് നയന്‍താരയുടെ റിലീസ് ചെയ്യാനുള്ള സിനിമ.
