Login 
പഠിക്കാം & സമ്പാദിക്കാം 
Home
22 May 2023 1:30 PM IST
Summary
- ബയോ കണക്റ്റ് കേരള 2023' ഈ മാസം 25, 26 തിയതികളില്‍ തിരുവനന്തപുരത്ത് നടക്കും.
സംസ്ഥാനത്തെ ലൈഫ് സയന്‍സ് മേഖലയെ പ്രോത്സാഹിപ്പിക്കുന്നതിനായി കേരള സംസ്ഥാന വ്യവസായ വികസന കോര്‍പറേഷന്‍ (കെഎസ്‌ഐഡിസി) ന്റെ നേതൃത്വത്തിലുള്ള ഇന്റര്‍നാഷനല്‍ ഇന്‍ഡസ്ട്രിയല്‍ കോണ്‍ക്ലേവായ 'ബയോ കണക്റ്റ് കേരള 2023' ഈ മാസം 25, 26 തിയതികളില്‍ തിരുവനന്തപുരത്ത് നടക്കും.
കോവളം ലീല ഹോട്ടലില്‍ നടക്കുന്ന കോണ്‍ക്ലേവ് 25ന് രാവിലെ 10ന് വ്യവസായ വകുപ്പ് മന്ത്രി പി രാജീവ് ഉദ്ഘാടനം ചെയ്യും. വ്യവസായ രംഗത്തെ പ്രമുഖര്‍, സംരംഭകര്‍, അഡ്മിനിസ്‌ട്രേറ്റര്‍മാര്‍, ഗവേഷകര്‍, യുവ പ്രൊഫഷണലുകള്‍ എന്നിവര്‍ക്ക് സംവദിക്കാനുള്ള വേദിയാണ് കോണ്‍ക്ലേവിലൊരുങ്ങുന്നത്.
ഭാവി പരിപാടികള്‍ക്കാവശ്യമായ വിധം വ്യവസായ നൈപുണ്യ വികസനം, ഡിസ്‌റപ്റ്റീവ് ടെക്നോളജി സെഷനുകള്‍, വ്യവസായ -അക്കാദമിക സഹകരണങ്ങള്‍ എന്നിവ കോണ്‍ക്ലേവില്‍ ചര്‍ച്ച ചെയ്യപ്പെടും. കൂടാതെ ലൈഫ് സയന്‍സ് പാര്‍ക്കിനെ മുന്‍നിര്‍ത്തി വ്യവസായികളില്‍ നിന്നും റിസര്‍ച്ച് ആന്‍ഡ് ഡവലപ്‌മെന്റിനും ഉത്പാദന മേഖലയില്‍ സ്വകാര്യ നിക്ഷേപം ആര്‍ജിക്കാനും പദ്ധതിയുണ്ട്.
കേരളത്തിലേക്ക് മികച്ച നിക്ഷേപകരെ ആകര്‍ഷിക്കുക, പങ്കാളിത്ത അവസരങ്ങള്‍ സൃഷ്ടിക്കുന്നതിന് വ്യവസായ ബന്ധം വര്‍ധിപ്പിക്കുക, കേരള വ്യവസായിക നയത്തിന് കീഴിലുള്ള ഇന്‍സെന്റീവുകള്‍ പ്രയോജനപ്പെടുത്തുന്നതിന് അടിസ്ഥാന സൗകര്യങ്ങള്‍, സംരംഭങ്ങള്‍ എന്നിവ പ്രദര്‍ശിപ്പിക്കുക, വ്യവസായ അക്കാദമിക് ഇന്റര്‍ഫേസ് സൃഷ്ടിക്കുക, ഉത്പന്ന വികസനത്തിനും സ്‌കെയില്‍-അപ്പിനുമുള്ള നിക്ഷേപ അവസരങ്ങള്‍, വ്യവസായം/അക്കാദമിക നെറ്റ് വ ര്‍ക്കിംഗ് വളര്‍ത്തുക എന്നിവയും കോണ്‍ക്ലേവിന്റെ ലക്ഷ്യങ്ങളാണ്.
എക്‌സ്‌പോ (സ്റ്റാര്‍ട്ടപ്പുകളുടെ ഉത്പന്നങ്ങളുടെയും ആശയങ്ങളുടെയും പ്രദര്‍ശനം), ക്ലാസുകള്‍, പാനല്‍ ചര്‍ച്ച, വിവിധ സെഷനുകള്‍, സ്റ്റാര്‍ട്ട് അപ്പുകളുടെ പിച്ചിംഗ്, നയരൂപീകരണ വിദഗ്ധരുമായി സംഗമം, ബിസിനസ് പ്രൊപ്പോസലുകളെക്കുറിച്ച് ലൈഫ് സയന്‍സ് മേഖലയിലെ വിദഗ്ധരുമായി സംവദിക്കാനുള്ള അവസരം എന്നിവ കോണ്‍ക്ലേവില്‍ ലഭിക്കും.
ലൈഫ് സയന്‍സ് ആന്‍ഡ് ബയോ ടെക്നോളജി രംഗത്തെ ഇന്ത്യയിലെ പ്രമുഖര്‍ കോണ്‍ക്ലേവില്‍ സംസാരിക്കും. ബയോ ടെക്നോളജി, ലൈഫ് സയന്‍സ്, മെഡിക്കല്‍ ഡിവൈസസ്, റിസര്‍ച്ച് ആന്‍ഡ് ഡവലപ്‌മെന്റ് സ്ഥാപനങ്ങള്‍, സ്റ്റാര്‍ട്ട് അപ്പുകള്‍, വ്യവസായികള്‍ എന്നിവരുടേതുള്‍പ്പെടെ 45 സ്റ്റാളുകളാണ് കോണ്‍ക്ലേവില്‍ ഒരുക്കുന്നത്. ബയോ ടെക്നോളജി, ലൈഫ് സയന്‍സ് രംഗത്തെ മുന്‍നിര കമ്പനികള്‍, വിദഗ്ധര്‍, വിദ്യാര്‍ഥികള്‍, ഗവേഷകര്‍, റിസര്‍ച്ച് ആന്‍ഡ് ഡവലപ്‌മെന്റ് സ്ഥാപനങ്ങള്‍, സ്റ്റാര്‍ട്ടപ്പുകള്‍ എന്നിവര്‍ ഉള്‍പ്പടെ 300 ഡെലിഗേറ്റുകള്‍ കോണ്‍ക്ലേവില്‍ പങ്കെടുക്കും.
ലൈഫ് സയന്‍സ് ബയോ ടെക്നോളജി രംഗത്തെ കമ്പനികള്‍ക്കും സ്റ്റാര്‍ട്ടപ്പുകള്‍ക്കും കോണ്‍ക്ലേവില്‍ പങ്കെടുക്കാം. താത്പര്യമുള്ളവര്‍ https://www.bioconnectkerala.com/register/ എന്ന ലിങ്കില്‍ രജിസ്റ്റര്‍ ചെയ്യണം. വിവരങ്ങള്‍ക്ക് biokerala@ksidcmail.org എന്ന ഇ-മെയിലില്‍ ബന്ധപ്പെടാം.