Login 
പഠിക്കാം & സമ്പാദിക്കാം 
Home
13 Jan 2025 10:25 AM GMT
Summary
- നിര്‍ണായകമായ നടപടികള്‍ അനിവാര്യമായ സമയം
- സമ്പദ് വ്യവസ്ഥ നിലവില്‍ മാന്ദ്യത്തെ അഭിമുഖീകരിക്കുകയാണെന്ന് വിലയിരുത്തല്‍
- പാദഫലങ്ങളും ജിഡിപി നിരക്കും പ്രോത്സാഹജനകമായിരുന്നില്ല
ഏറെ ആകാംക്ഷയോടെയാണ് കേന്ദ്ര ബജറ്റിനെ ഏവരും കാത്തിരിക്കുന്നത്. ആനുകൂല്യങ്ങള്‍ എന്തെല്ലാമാകും, നികുതി വര്‍ധന ഉണ്ടാകുമോ, വരുമാന വര്‍ധനവിനുള്ള നടപടികള്‍ക്ക് ഉത്തേജനം ലഭിക്കുമോ എന്നിങ്ങനെ ഒരു നൂറ് ചോദ്യങ്ങളാണ് പല തലങ്ങളില്‍ നിന്നും ഉണ്ടാകുന്നത്. ഏതെല്ലാം മേഖലകളില്‍ വളര്‍ച്ചയുണ്ടാകുമെന്നും നിക്ഷേപ സാധ്യകള്‍ എങ്ങനെയെന്നും സമൂഹം ഉറ്റുനോക്കുന്നു.
മൊജോപിഎംഎസ് ചീഫ് ഇന്‍വെസ്റ്റ്മെന്റ് ഓഫീസര്‍ സുനില്‍ ദമാനിയ വിശ്വസിക്കുന്നത് ധനമന്ത്രിക്ക് പരിമിതമായ തിരഞ്ഞെടുപ്പുകള്‍ മാത്രമേയുള്ളൂവെന്നാണ്. ഈ ഘട്ടത്തില്‍ നിര്‍ണായകമായ നടപടികള്‍ അനിവാര്യമാണ്. മറിച്ചായാല്‍ മാന്ദ്യം ആഴത്തിലാകുകയും വിവിധ മേഖലകളില്‍ കൂടുതല്‍ വെല്ലുവിളികള്‍ സൃഷ്ടിക്കുകയും ചെയ്യും.
ഇന്ത്യന്‍ സമ്പദ് വ്യവസ്ഥ നിലവില്‍ മാന്ദ്യത്തെ അഭിമുഖീകരിക്കുകയാണെന്ന് ദമാനിയ എടുത്തുപറഞ്ഞു. ഒന്നും രണ്ടും പാദഫലങ്ങളും ജിഡിപി നിരക്കും പ്രോത്സാഹജനകമായിരുന്നില്ല. കൂടാതെ മൊത്തം ജിഎസ്ടി കളക്ഷനില്‍ മിതമായ വളര്‍ച്ച മാത്രമാണ് ഉണ്ടായത്. 2025 സാമ്പത്തിക വര്‍ഷത്തേക്കുള്ള മൊത്തത്തിലുള്ള ജിഡിപി വളര്‍ച്ചാ പ്രവചനം 6.4% ആയി പരിഷ്‌കരിപ്പെട്ടു. ഇത് വരാനിരിക്കുന്ന ബജറ്റില്‍ അടിയന്തര ശ്രദ്ധ ആവശ്യപ്പെടുന്നു.
ഡൊണാള്‍ഡ് ട്രംപിന്റെ നയങ്ങളുമായി ബന്ധപ്പെട്ട സംഭവവികാസങ്ങള്‍ ഈ വര്‍ഷം ആഗോള വ്യാപാരത്തെ സ്വാധീനിച്ചേക്കാം. ഇത് ഇന്ത്യയുടെ കയറ്റുമതി വളര്‍ച്ചയ്ക്ക് അപകടമുണ്ടാക്കും. ഈ പശ്ചാത്തലത്തില്‍, ധനക്കമ്മി കുറയ്ക്കുന്നതിന് മുന്‍ഗണന നല്‍കുമെന്ന് ഐസിഐസിഐ സെക്യൂരിറ്റീസ് വിശ്വസിക്കുന്നു.
മൂലധന ചെലവില്‍ (കാപെക്സ്) ശ്രദ്ധ കേന്ദ്രീകരിച്ച് സുസ്ഥിര വളര്‍ച്ചയെ പ്രോത്സാഹിപ്പിക്കുന്നതിനിടയില്‍ ബാഹ്യ ആഘാതങ്ങളില്‍ നിന്ന് ഇന്ത്യയെ സംരക്ഷിക്കുകയാണ് ഈ സമീപനം ലക്ഷ്യമിടുന്നത്.
റാബി വിളകളുടെ സാധ്യതകള്‍ മെച്ചപ്പെടുത്തുന്നത് സബ്സിഡിയുടെയും ക്ഷേമത്തിന്റെയും റവന്യൂ ചെലവ് നിയന്ത്രണത്തിലാക്കാന്‍ സഹായിക്കും.
ചെലവ് ശേഷി വര്‍ധിപ്പിക്കുന്നതിന് കൂടുതല്‍ പണം ഉപഭോക്താക്കളുടെ കൈകളിലേക്ക് എത്തിക്കുന്നതിന് സര്‍ക്കാര്‍ മുന്‍ഗണന നല്‍കുമെന്ന് സുനില്‍ ദമാനിയ പറഞ്ഞു. ഇത് എഫ്എംസിജി മേഖലയ്ക്ക് നേരിട്ട് ഗുണം ചെയ്യും. കാരണം വര്‍ധിച്ച ഉപഭോക്തൃ ചെലവ് വില്‍പ്പന വര്‍ധിപ്പിക്കും. ഇത് ഈ കമ്പനികളുടെ വളര്‍ച്ച മെച്ചപ്പെടുത്തും. കൂടാതെ, റിസ്‌ക് റിവാര്‍ഡ് എഫ്എംസിജി പായ്ക്കിന് അനുകൂലമാണ്. ഇന്‍പുട്ട് ചെലവ് സമ്മര്‍ദ്ദം ലഘൂകരിക്കാന്‍ സാധ്യതയുണ്ട്, ഇത് മുന്നോട്ട് പോകുമ്പോള്‍ അവരുടെ മാര്‍ജിന്‍ മെച്ചപ്പെടുത്താന്‍ അവരെ അനുവദിക്കുന്നു.
മെഷിനറി, വാഹനങ്ങള്‍, ഇന്‍ഫ്രാസ്ട്രക്ചര്‍ തുടങ്ങിയയ മൂലധന ചരക്കുകളാണ് നേട്ടമുണ്ടാക്കാവുന്ന മറ്റൊരു മേഖല. മൂലധനച്ചെലവിനായി സര്‍ക്കാര്‍ ഉയര്‍ന്ന തുക വകയിരുത്താനും ഈ ഫണ്ടുകള്‍ 2026 സാമ്പത്തിക വര്‍ഷത്തില്‍ ഫലപ്രദമായി വിനിയോഗിക്കുന്നുവെന്ന് ഉറപ്പാക്കാനും സാധ്യതയുണ്ട്. അടിസ്ഥാന സൗകര്യ വികസനത്തിലും പ്രോജക്റ്റ് നിര്‍വ്വഹണത്തിലും ശ്രദ്ധ കേന്ദ്രീകരിക്കുന്നത് ഈ മേഖലയ്ക്ക് മികച്ച പ്രകടനം കാഴ്ചവെക്കാന്‍ ഗണ്യമായ അവസരങ്ങള്‍ നല്‍കും.
തൊഴില്‍, വൈദഗ്ധ്യം, എംഎസ് എം ഇകള്‍, മധ്യവര്‍ഗം എന്നിവയില്‍ ബജറ്റ് ശ്രദ്ധകേന്ദ്രീകരിക്കുമെന്നും വിദഗ്ധര്‍ സൂചന നല്‍കുന്നു. ഇന്‍ഫ്രാ, ഗതാഗതം, റോഡുകള്‍, ഐടി സേവനങ്ങള്‍ എന്നിവയാണ് ബജറ്റില്‍ ഉത്തേജനം ലഭിക്കാന്‍ സാധ്യതയുള്ള മറ്റ് മേഖലകള്‍.
