Login 
പഠിക്കാം & സമ്പാദിക്കാം 
Home
27 Nov 2024 11:13 AM GMT
Summary
- ഇതുസംബന്ധിച്ച ബില്ല് ഓസ്ട്രേലിയന് പാര്‍ലമെന്റ് പാസാക്കി
- 13നെതിരെ 102 വോട്ടുകള്‍ക്കാണ് ബില്‍ പാസായത്
- ഉത്തരവ് എങ്ങനെ പാലിക്കണമെന്ന് തീരുമാനിക്കുന്നതിനായി സോഷ്യല്‍ മീഡിയ കമ്പനികള്‍ക്ക് ഒരു വര്‍ഷം സമയം ലഭിക്കും
16 വയസില്‍ താഴെയുള്ള കുട്ടികള്‍ സോഷ്യല്‍ മീഡിയ ഉപയോഗിക്കുന്നത് ഓസ്ട്രേലിയന് പാര്‍ലമെന്റ് നിരോധിച്ചു. ഇത് സംബന്ധിച്ച ബില്‍ ഓസ്‌ട്രേലിയയിലെ ജനപ്രതിനിധി സഭ പാസാക്കി
13 നെതിരെ 102 വോട്ടുകള്‍ക്ക് ഭൂരിപക്ഷം ജനപ്രതിനിധികളും ബില്ലിനെ പിന്തുണച്ചു. ഇന്‍സ്റ്റാഗ്രാം, ടിക് ടോക്ക്, ഫേസ്ബുക്ക്, സ്‌നാപ് ചാറ്റ്, എക്‌സ് എന്നിവയുള്‍പ്പെടെയുള്ള സോഷ്യല്‍ മീഡിയ പ്ലാറ്റ്‌ഫോമുകളുടെ അക്കൗണ്ടുകള്‍ 16 വയസില്‍ താഴെയുള്ള കുട്ടികള്‍ കൈവശം വയ്ക്കുന്നത് തടയുന്നതില്‍ പരാജയപ്പെട്ടാല്‍ 50 ദശലക്ഷം ഓസ്ട്രേലിയന് ഡോളര്‍ വരെ പിഴ ചുമത്തും. നിരോധനം നിയമമായാല്‍, ഉത്തരവ് എങ്ങനെ പാലിക്കണമെന്ന് തീരുമാനിക്കുന്നതിനായി സോഷ്യല്‍ മീഡിയ കമ്പനികള്‍ക്ക് ഒരു വര്‍ഷം സമയം ലഭിക്കും. ഇത് സംബന്ധിച്ച പഠനത്തിന്റെ ഫലം പുറത്തുവരുന്നതുവരെ വോട്ടെടുപ്പ് വൈകിപ്പിക്കണമെന്ന് ടെക് കമ്പനികള്‍ ഓസ്ട്രേലിയന് സര്‍ക്കാരിനോട് ആവശ്യപ്പെട്ടിരുന്നു.
സ്വകാര്യത സംരക്ഷണം ശക്തിപ്പെടുത്തുന്നതിനായി സെനറ്റില്‍ ഭേദഗതികള്‍ അവതരിപ്പിക്കാന്‍ സര്‍ക്കാര്‍ സമ്മതിച്ചതായി പ്രതിപക്ഷ നിയമനിര്‍മ്മാതാവ് ഡാന്‍ ടെഹാന്‍ പാര്‍ലമെന്റിനെ അറിയിച്ചു. ഈ മാറ്റങ്ങള്‍ക്ക് കീഴില്‍, പാസ്‌പോര്‍ട്ടുകളോ ഡ്രൈവിംഗ് ലൈസന്‍സുകളോ പോലുള്ള സര്‍ക്കാര്‍ നല്‍കിയ ഐഡന്റിഫിക്കേഷന്‍ നല്‍കുന്നതിന് ഉപയോക്താക്കളോട് ആവശ്യപ്പെടുന്നതില്‍ നിന്ന് പ്ലാറ്റ്‌ഫോമുകളെ നിരോധിക്കും.
നിരോധനത്തെ ആംനസ്റ്റി ഇന്റര്‍നാഷണലും ഓസ്‌ട്രേലിയയുടെ മനുഷ്യാവകാശ കമ്മീഷണര്‍ ലോറെയ്ന്‍ ഫിന്‍ലേയും വിമര്‍ശിച്ചു.
