ആഹാരത്തിനു അളവുകോലുമായി ഒരു ആപ്പ് ; അറിയൂ പോഷകസമൃദ്ധമായ ഭക്ഷണത്തെ കുറിച്ച്

മിക്കവരും എല്ലാ ദിവസം വർക്ക് ഔട്ട് ചെയ്യുന്നുണ്ടെങ്കിലും ആരോഗ്യസംരക്ഷണത്തിന് വേണ്ടിയും രോഗപ്രതിരോധത്തിനുമൊക്കെ നാം നിത്യവും കഴിക്കുന്ന ആഹാരത്തിന് ഒരു പ്രധാന പങ്കുണ്ട്. ആഹാരത്തെപ്പറ്റി വളരെ അധികം കാര്യങ്ങള്‍ നമ്മൾ മനസ്സിലാക്കാനുണ്ടെങ്കിലും നമുക്ക് ഏറ്റവും പ്രധാനം ഒരു ബാലൻസ്ഡ് ഡൈറ്റ്‌ തന്നെയാണ്. വിവിധ രീതിയിലുള്ള ഭക്ഷണ രീതികൾ നമ്മൾ ഫോളോ ചെയ്യാറുണ്ടെങ്കിലും ആ കഴിക്കുന്ന ആഹാരത്തിൽ എന്തൊക്കെ ന്യൂട്രിഷ്യൻ അടങ്ങിയിരിക്കുന്നു നമ്മൾ ചെക്ക് ചെയ്യാറില്ല.നമ്മുടെ ശരീരത്തിന് ആവശ്യമായ എല്ലാ പോഷകങ്ങളും വേണ്ട അളവില്‍ അടങ്ങിയിരിക്കുന്ന ഭക്ഷണമാണ് ബാലൻസ്ഡ് ഡൈറ്റ്‌ , അതായത് അന്നജം, കൊഴുപ്പ്, പ്രോട്ടീൻ എന്നിവയെ കൂടാതെ വൈറ്റമിൻസ്, ധാതുക്കള്‍, ആന്റി ഓക്സിഡന്റുകള്‍, ഫൈറ്റോകെമിക്കല്‍സ്, നാരുകള്‍ തുടങ്ങിയ സൂക്ഷ്മപോഷകങ്ങളും അതില്‍ അടങ്ങിയിരിക്കണം. ഓരോ ദിവസവും 70 ധാതുക്കളും 20 വൈറ്റമിനുകളും 15 ഫൈറ്റോ കെമിക്കല്‍സും നമ്മൾ ഭക്ഷണത്തിൽ ഉൾപെടുത്തിയിരിക്കണം.ന്നാല്‍ ഇപ്പോൾ നമ്മള്‍ കഴിക്കുന്ന ഭക്ഷണം പോഷക സമൃദ്ധമാണോ എന്ന് അറിയാൻ കഴിയുന്ന ഒരു ആപ്ലിക്കേഷൻ പുറത്തിറക്കിയിരിക്കുകയാണ് നാഷണല്‍ ഇന്‍സ്റ്റിറ്റ്യൂട്ട് ഓഫ് ന്യൂട്രീഷന്‍.

എന്താണ് ന്യൂട്രിഎയ്‌ഡ് ?

ഇന്ത്യയുടെയും ജര്‍മനിയുടെയും സഹകരണത്തോടെ രണ്ട് വര്‍ഷം നീണ്ട ഗവേഷണത്തിലാണ് ന്യൂട്രിഎയ്‌ഡ് എന്ന ആപ്ലിക്കേഷന്‍ വികസിപ്പിച്ചെടുത്തത്.ഭക്ഷണത്തിലെ കൊഴുപ്പ്, ഉപ്പ്, പഞ്ചസാര എന്നിവയുടെ വിശദാംശങ്ങള്‍ ഉപയോക്താവിന് അറിയാനാകും എന്നതാണ് ആപ്ലിക്കേഷന്‍റെ പ്രധാന പ്രത്യേകത. എന്ത് തരം ഭക്ഷണം കഴിക്കുന്നു? കഴിക്കുന്ന ഭക്ഷണത്തിന്‍റെ പോഷക മൂല്യങ്ങള്‍ എങ്ങനെ? എത്ര ഊര്‍ജം സംഭരിക്കുന്നു? ശരീരത്തിന് ആവശ്യമായ ധാതുക്കള്‍ ലഭിക്കുന്നുണ്ടോ? ഇങ്ങനെയുള്ള നിരവധി ചോദ്യങ്ങള്‍ക്ക് ഉത്തരം നല്‍കാന്‍ കഴിയുന്ന ആപ്ലിക്കേഷനാണ് ന്യൂട്രിഎയ്‌ഡ്.രാജ്യത്തെ 5,500 തരം ഭക്ഷണങ്ങളെ കുറിച്ചുള്ള വിവരങ്ങള്‍ ഈ ആപ്പ് നല്‍കുമെന്നാണ് നിര്‍മാതാക്കള്‍ അവകാശപ്പെടുന്നത്. പാക്കറ്റുകളില്‍ ലഭിക്കുന്ന ഭക്ഷണങ്ങളുടെ 12 ശതമാനം വരെ ഈ ലിസ്റ്റില്‍ ഉള്‍പ്പെടുന്നു എന്നും പറയപ്പെടുന്നു.ഉപയോക്താക്കള്‍ക്ക് അവരുടെ ഭക്ഷണ ശീലത്തെ കുറിച്ച്‌ മനസിലാക്കാന്‍ മാത്രമല്ല, ആരോഗ്യകരമായ ഭക്ഷണ ക്രമത്തിലേക്ക് സ്വയം മാറാനും ന്യൂട്രിഎയ്‌ഡ് സഹായിക്കുന്നു. നിര്‍മിത ബുദ്ധിയില്‍ അധിഷ്‌ടിതമായ ഉപകരണം കഴിക്കുന്ന ഭക്ഷണത്തിന്‍റെ ഫോട്ടോ തിരിച്ചറിഞ്ഞാണ് ആവശ്യമായ വിവരങ്ങള്‍ ഉപയോക്താവിന് ലഭ്യമാക്കുന്നത്. കഴിക്കുന്ന ഭക്ഷണത്തിന്‍റെ ഗുണങ്ങളും ദോഷങ്ങളും മാത്രമല്ല, ആരോഗ്യകരമായ ഭക്ഷണ രീതികളും ആപ്പില്‍ നമുക്ക് അറിയാനാനാകും.