Login 
പഠിക്കാം & സമ്പാദിക്കാം 
Home
8 April 2024 6:43 AM
Summary
- വരും വര്‍ഷങ്ങളില്‍ പ്രവചനങ്ങള്‍ മെച്ചപ്പെടുത്താന്‍ എഐ ടൂളുകള്‍ ഉപയോഗിക്കും
- ടൂളുകളുടെ വികസനത്തിന് നേതൃത്വം നല്‍കുന്നതിന് ഐഎംഡിയിലും ഭൗമ ശാസ്ത്ര മന്ത്രാലയത്തിലും ഉള്ള വിദഗ്ധര്‍ നേതൃത്വം നല്‍കും
- ഇന്ത്യയെപ്പോലെ കാലാവസ്ഥാ വ്യതിയാനം രൂക്ഷമാകുന്ന രാജ്യത്ത് ഈ സംവിധാനങ്ങള്‍ അനിവാര്യം
ഇന്ത്യന്‍ കാലാവസ്ഥാ വകുപ്പ് (ഐഎംഡി) കാലാവസ്ഥാ പ്രവചനങ്ങളില്‍ ആര്‍ട്ടിഫിഷ്യല്‍ ഇന്റലിജന്‍സും (എഐ) മെഷീന്‍ ലേണിംഗും ഉപയോഗിക്കാന്‍ തുടങ്ങിയിട്ടുണ്ടെന്നും വരും വര്‍ഷങ്ങളില്‍ പ്രവചനങ്ങള്‍ മെച്ചപ്പെടുത്തുന്നതിനായി ഇത് മറ്റ് മേഖലകളിലേക്ക് വ്യാപിപ്പിക്കുമെന്നും ഐഎംഡി ഡയറക്ടര്‍ ജനറല്‍ ഡോ.മൃത്യുഞ്ജയ് മൊഹപത്ര.
ഈ എഐ അടിസ്ഥാനമാക്കിയുള്ള ഉപകരണത്തിന്റെ വികസനത്തിന് നേതൃത്വം നല്‍കുന്നതിന് ഐഎംഡിയിലും ഭൗമ ശാസ്ത്ര മന്ത്രാലയത്തിലും (എംഒഇഎസ്) ഒരു വിദഗ്ധ സംഘം രൂപീകരിച്ചതായി അദ്ദേഹം പറഞ്ഞു. കൂടാതെ, ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് ടെക്നോളജി (ഐഐടി), ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് ഇന്‍ഫര്‍മേഷന്‍ ടെക്നോളജി (ഐഐഐടി) എന്നിവയുമായി സഹകരിച്ച് എഐ, മെഷീന്‍ ലേണിംഗ് എന്നിവയില്‍ അവരുടെ വൈദഗ്ധ്യം പ്രയോജനപ്പെടുത്താന്‍ തുടങ്ങിയിട്ടുമുണ്ട്.
കാലാവസ്ഥാ പ്രവചനങ്ങള്‍ക്കായി എഐ അടിസ്ഥാനമാക്കിയുള്ള ഉപകരണം വികസിപ്പിക്കുന്നതിനായി ഐഎംഡി പ്രവര്‍ത്തിക്കുന്നു. ഇതിനായി ഐഎംഡിയിലും എംഒഇഎസിലും വിദഗ്ധരുടെ ഒരു സംഘം രൂപീകരിച്ചിട്ടുണ്ട്. എഐ അടിസ്ഥാനമാക്കിയുള്ള ഉപകരണങ്ങളുടെ വികസനത്തിനായി ഐഐടി പോലുള്ള വിവിധ സ്ഥാപനങ്ങളുമായി കൂടുതല്‍ ഐഎംഡി സഹകരിക്കുന്നുണ്ട്,' ഐഎംഡി ഡിജി പറഞ്ഞു, 'ഐഎംഡി എഐ ടൂള്‍ ചെറുതായി ഉപയോഗിക്കാന്‍ തുടങ്ങിയിട്ടുണ്ട്, എന്നാല്‍ ഇത് 2-3 വര്‍ഷത്തിനുള്ളില്‍ വികസിപ്പിക്കും.'
കാലാവസ്ഥാ വകുപ്പിന്റെ ഈ സംരംഭം പ്രവചന രീതികള്‍ മെച്ചപ്പെടുത്തുന്നതിനും കൂടുതല്‍ കൃത്യവും സമയബന്ധിതവുമായ കാലാവസ്ഥാ പ്രവചനങ്ങള്‍ രാജ്യത്തിന് നല്‍കുന്നതിന് സഹായിക്കുമെന്ന് വിദഗ്ധര്‍ പറഞ്ഞു.
വിദഗ്ധരുടെ അഭിപ്രായത്തില്‍, കാലാവസ്ഥാ പ്രവചനത്തില്‍ എഐയുടെയും മെഷീന്‍ ലേണിംഗിന്റെയും പ്രധാന നേട്ടങ്ങളിലൊന്ന് ചരിത്രപരമായ കാലാവസ്ഥാ ഡാറ്റയുടെയും തത്സമയ നിരീക്ഷണങ്ങളുടെയും വലിയ അളവുകള്‍ പ്രോസസ്സ് ചെയ്യാനുള്ള കഴിവിലാണ്.
ഈ ഡാറ്റയ്ക്കുള്ളിലെ പാറ്റേണുകളും പരസ്പര ബന്ധങ്ങളും വിവേചിച്ചറിയുന്നതിലൂടെ, ചുഴലിക്കാറ്റുകള്‍, മണ്‍സൂണ്‍, മറ്റ് തീവ്ര കാലാവസ്ഥാ സംഭവങ്ങള്‍ എന്നിവയുള്‍പ്പെടെ കൂടുതല്‍ കൃത്യതയോടെ പ്രവചിക്കാനാകും. പുതിയ പ്രവചന മാതൃകകള്‍ സൃഷ്ടിക്കാനും കഴിയുമെന്ന് വിദഗ്ധര്‍ പറയുന്നു.