ഇക്കാര്യം ചെയ്തില്ലെങ്കില്‍ ഡെബിറ്റ്-ക്രെഡിറ്റ് കാര്‍ഡുകള്‍ പ്രവര്‍ത്തിക്കില്ല : എസ്ബിഐ

മുംബൈ : മാര്‍ച്ച് 31 ശേഷം ബാങ്കിംഗ് സേവനങ്ങള്‍ തടസ്സപ്പെട്ടേക്കാം എന്ന് ഉപഭോക്താക്കള്‍ക്ക് മുന്നറിയിപ്പ് നല്‍കി എസ്ബിഐ. പാന്‍ - ആധാര്‍ കാര്‍ഡ് ലിങ്ക് ചെയ്യാത്തവര്‍ക്കാണ് ബാങ്കിംഗ് സേവനങ്ങള്‍ (ഡെബിറ്റ് കാര്‍ഡ്, ക്രെഡിറ്റ് കാര്‍ഡ്, എടിഎം സേവനങ്ങള്‍) തടസ്സപ്പെടുക. അതിനാല്‍ തന്നെ എല്ലാ ഉപഭോക്താക്കളും മാര്‍ച്ച് 31ന് മുന്‍പ് പാനും ആധാറും തമ്മില്‍ ലിങ്ക് ചെയ്യണമെന്നും എസ്ബിഐ പുറത്ത് വിട്ട അറിയിപ്പില്‍ പറയുന്നു. കോവിഡ് പ്രതിസന്ധിയുടെ പശ്ചാത്തലത്തില്‍ ഇതിനുള്ള സമയപരിധി 2021 സെപ്റ്റംബര്‍ 30 മുതല്‍ ഈ വര്‍ഷം മാര്‍ച്ച് 31 വരെ കേന്ദ്രം നീട്ടിയിരുന്നു.

പാന്‍- ആധാര്‍ : എങ്ങനെ ലിങ്ക് ചെയ്യാം ?

ആദായനികുതി വകുപ്പിന്റെ ഔദ്യോഗിക വെബ്സൈറ്റ് https://www.incometaxindiaefiling.gov.in/home സന്ദര്‍ശിക്കുക.

ഇടതുവശത്ത് കൊടുത്തിരിക്കുന്ന് ലിങ്ക് ആധാര്‍ (Link Aadhaar ) എന്ന ഓപ്ഷനില്‍ ക്ലിക്ക് ചെയ്യുക

തുടര്‍ന്ന് വരുന്ന പേജില്‍ നിങ്ങളുടെ വിവരങ്ങള്‍ നല്‍കാം. പാന്‍-ആധാര്‍ നമ്പറുകള്‍
, നിങ്ങളുടെ പേര് തുടങ്ങിയവയാണ് നല്‍കേണ്ടത്.

ജനിച്ച വര്‍ഷം മാത്രമേ ആധാര്‍ കാര്‍ഡില്‍ ഉള്ളൂവെങ്കില്‍, 'I have only year of birth in aadhar card' എന്ന ബോക്‌സില്‍ ക്ലിക്ക് ചെയ്യുക.

OTP ലഭിക്കുന്നന്നതിനായി ക്യാപ്ച്ചാ കോഡ് എന്ന ഓപ്ഷന്‍ ടിക്ക് ചെയ്യുക.

Link Aadhar ബട്ടണില്‍ ക്ലിക്ക് ചെയ്യുക. ഇതോടെ PAN - Aadhar link പൂര്‍ത്തിയായി.

മൊബൈല്‍ വഴിയും PAN - Aadhar link ചെയ്യാം.

SMS വഴി പാന്‍ ആധാര്‍ ലിങ്ക് ചെയ്യാനായി UIDPAN<12-അക്ക ആധാര്‍><10-അക്ക പാന്‍> ടൈപ്പ് ചെയ്യുക . ഈ സന്ദേശം 567678 അല്ലെങ്കില്‍ 56161 എന്ന നമ്പറിലേക്ക് അയയ്ക്കുക, നിങ്ങളുടെ PAN - Aadhar link പൂര്‍ത്തിയായി.