വിപണികളിൽ ആവേശത്തിരയിളക്കി ട്രംപ്, ഇന്ത്യൻ സൂചികകൾ നേട്ടത്തോടെ തുറന്നേക്കും

ആഗോള വിപണികളിലെ പോസിറ്റീവ് പ്രവണതകളെ തുടർന്ന് ഇന്ന് ഇന്ത്യൻ ഓഹരി വിപണി ഉയർന്ന് തുറക്കുമെന്ന് പ്രതീക്ഷിക്കുന്നു. ഗിഫ്റ്റ് നിഫ്റ്റി നേട്ടത്തിലാണ്. ഏഷ്യൻ വിപണികൾ പോസീറ്റീവാണ്. യുഎസ് ഓഹരി വിപണി ഉയർന്ന് അവസാനിച്ചു. എസ് ആൻറ് പി 500 റെക്കോർഡ് ക്ലോസിംഗ് ഉയരത്തിലെത്തി.

പലിശനിരക്ക് കുറയ്ക്കുക, അസംസ്കൃത എണ്ണയുടെ വില കുറയ്ക്കുക, യുഎസിന് പുറത്ത് നിർമ്മിക്കുന്ന ഉൽപ്പന്നങ്ങൾക്ക് ഉയർന്ന താരിഫ് എന്നിവ ആവശ്യപ്പെട്ട് സ്വിറ്റ്സർലൻഡിലെ ദാവോസിൽ നടന്ന ലോക സാമ്പത്തിക ഫോറത്തിൽ യുഎസ് പ്രസിഡന്റ് ഡൊണാൾഡ് ട്രംപ് നടത്തിയ പ്രസംഗത്തോട് വിപണികൾ പോസിറ്റീവായി പ്രതികരിച്ചു.

ഗിഫ്റ്റ് നിഫ്റ്റി

ഗിഫ്റ്റ് നിഫ്റ്റി 23,301 ലെവലിൽ വ്യാപാരം നടത്തുന്നു. നിഫ്റ്റി ഫ്യൂച്ചേഴ്‌സിന്റെ മുൻ ക്ലോസിനേക്കാൾ ഏകദേശം 37 പോയിന്റ് കൂടുതലാണ്. ഇത് ഇന്ത്യൻ ഓഹരി വിപണി സൂചികകൾക്ക് ഒരു പോസിറ്റീവ് തുടക്കത്തെ സൂചിപ്പിക്കുന്നു.

ഏഷ്യൻ വിപണികൾ

യുഎസ് പ്രസിഡന്റ് ഡൊണാൾഡ് ട്രംപ് പലിശ നിരക്കുകൾ കുറയ്ക്കാനും എണ്ണവില കുറയ്ക്കാനും ആഹ്വാനം ചെയ്തതിനെത്തുടർന്ന് വാൾസ്ട്രീറ്റ് റാലിയുടെ പിൻബലത്തിൽ വെള്ളിയാഴ്ച ഏഷ്യൻ വിപണികൾ ഉയർന്ന വ്യാപാരം നടത്തി.

ജപ്പാന്റെ നിക്കി 0.55% ഉയർന്നു, ടോപ്പിക്സ് 0.53% ഉയർന്നു. ദക്ഷിണ കൊറിയയുടെ കോസ്പി 0.62% ഉയർന്നു. കോസ്ഡാക്ക് 0.07% ഉയർന്നു. ഹോങ്കോങ്ങിന്റെ ഹാങ് സെങ് സൂചിക ഫ്യൂച്ചറുകൾ അൽപ്പം ഉയർന്ന ഓപ്പണിംഗിനെ സൂചിപ്പിക്കുന്നു.

വാൾ സ്ട്രീറ്റ്

പ്രസിഡന്റ് ഡൊണാൾഡ് ട്രംപിന്റെ അഭിപ്രായങ്ങൾക്ക് ശേഷം വ്യാഴാഴ്ച യുഎസ് ഓഹരി വിപണി ഉയർന്ന നിലയിൽ അവസാനിച്ചു. ഡൗ ജോൺസ് ഇൻഡസ്ട്രിയൽ ആവറേജ് 408.34 പോയിന്റ് അഥവാ 0.92% ഉയർന്ന് 44,565.07 ലെത്തി, എസ് ആന്റ് പി 500 32.34 പോയിന്റ് അഥവാ 0.53% ഉയർന്ന് 6,118.71 ലെത്തി. നാസ്ഡാക്ക് കോമ്പോസിറ്റ് 44.34 പോയിന്റ് അഥവാ 0.22% ഉയർന്ന് 20,053.68 ലെത്തി.

ഇന്ത്യൻ വിപണി

ഇന്ത്യൻ ഓഹരി വിപണി നേട്ടത്തോടെയാണ് ഇന്നലെ വ്യാപാരം അവസാനിപ്പിച്ചത്. തുടർച്ചയായ രണ്ടാം ദിവസമാണ് വിപണി നേട്ടം കൈവരിക്കുന്നത്. ഐടി, കൺസ്യൂമർ ഡ്യൂറബിൾസ്, കമ്മോഡിറ്റി മേഖലകളാണ് സൂചികകള്‍ക്ക് കരുത്തു പകര്‍ന്നത്.

സെൻസെക്സ് 115.39 പോയിന്റ് അഥവാ 0.15 ശതമാനം ഉയർന്ന് 76,520.38 ൽ എത്തി. നിഫ്റ്റി 50 പോയിന്റ് അഥവാ 0.22 ശതമാനം കൂടി 23,205.35 ൽ എത്തി.സെൻസെക്സ് ഓഹരികളിൽ അൾട്രാടെക് സിമന്റ്, മഹീന്ദ്ര ആൻഡ് മഹീന്ദ്ര, സൺ ഫാർമസ്യൂട്ടിക്കൽ, സൊമാറ്റോ, ടെക് മഹീന്ദ്ര, ടാറ്റ സ്റ്റീൽ, ടാറ്റ മോട്ടോഴ്‌സ്, ടൈറ്റാൻ, ഐടിസി, ബജാജ് ഫിനാൻസ് എന്നിവയാണ് പ്രധാന നേട്ടമുണ്ടാക്കിയത്. കൊട്ടക് മഹീന്ദ്ര ബാങ്ക്, എച്ച്‌സിഎൽ ടെക്നോളജീസ്, പവർഗ്രിഡ്, റിലയൻസ് ഇൻഡസ്ട്രീസ്, സ്റ്റേറ്റ് ബാങ്ക് ഓഫ് ഇന്ത്യ, ഹിന്ദുസ്ഥാൻ യൂണിലിവർ, ഇൻഡസ്ഇൻഡ് ബാങ്ക്, നെസ്‌ലെ ഇന്ത്യ, ആക്സിസ് ബാങ്ക് എന്നിവ നഷ്ടത്തിൽ വ്യാപാരം അവസാനിപ്പിച്ചു.

നിഫ്റ്റി മിഡ്‌സ്മാൽ ഐടി ആൻഡ് ടെലികോം സൂചികയാണ് ഇന്ന് ഏറ്റവും നേട്ടമുണ്ടാക്കിയത്. സൂചിക 5 ശതമാനം ഉയർന്നു. കൺസ്യൂമർ ഡ്യൂറബിൾസ് 1.97 ശതമാനവും ഉയർപ്പോൾ നിഫ്റ്റി ഐടി സൂചിക 1.79 ശതമാനവും, മീഡിയ സൂചിക 1.44 ശതമാനം, ഫാർമ സൂചിക 1.40 ശതമാനവും ഉയർന്നു. അതേസമയം നിഫ്റ്റി ഓയിൽ ആൻഡ് ഗ്യാസ് സൂചികയാണ് ഏറ്റവും ഇടിവ് രേഖപ്പെടുത്തിയത്. സൂചിക 0.51 ശതമാനം ഇടിഞ്ഞു. നിഫ്റ്റി ബാങ്ക് സൂചിക 0.28 ശതമാനവും, പി‌എസ്‌യു ബാങ്ക് 0.10 ശതമാനവും നിഫ്റ്റി പ്രൈവറ് ബാങ്ക് 0.40 ശതമാനം ഇടിഞ്ഞു.ബിഎസ്ഇ മിഡ്ക്യാപ് സൂചിക 1.8 ശതമാനവും ബിഎസ്ഇ സ്മോൾക്യാപ് സൂചിക 0.7 ശതമാനവും ഉയർന്നു.

പ്രതിരോധവും പിന്തുണയും

നിഫ്റ്റി

പിവറ്റ് പോയിന്റുകളെ അടിസ്ഥാനമാക്കിയുള്ള പ്രതിരോധം: 23,258, 23,300, 23,369

പിന്തുണ: 23,120, 23,078, 23,009

ബാങ്ക് നിഫ്റ്റി

പിവറ്റ് പോയിന്റുകളെ അടിസ്ഥാനമാക്കിയുള്ള പ്രതിരോധം: 48,811, 48,905, 49,058

പിന്തുണ: 48,506, 48,411, 48,259

പുട്ട്-കോൾ അനുപാതം

മാർക്കറ്റിന്റെ മാനസികാവസ്ഥയെ സൂചിപ്പിക്കുന്ന നിഫ്റ്റി പുട്ട്-കോൾ അനുപാതം (PCR), ജനുവരി 23 ന് മുൻ സെഷനിലെ 0.88 ലെവലിൽ നിന്ന് 0.95 ആയി ഉയർന്നു.

ഇന്ത്യ വിക്സ്

വിപണിയിലെ ചാഞ്ചാട്ടം കണക്കാക്കുന്ന ഇന്ത്യ വിക്സ്, 0.46 ശതമാനം ഇടിഞ്ഞ് 16.70 ആയി.

വിദേശ നിക്ഷേപക സ്ഥാപനങ്ങൾ

വ്യാഴാഴ്ച വിദേശ പോർട്ട്‌ഫോളിയോ നിക്ഷേപകർ 5,462 കോടി രൂപയുടെ ഓഹരികൾ വിറ്റി. ഡിഐഐകൾ 3,713 കോടി രൂപയുടെ ഓഹരികൾ വാങ്ങി.

രൂപ

യുഎസ് ഡോളറിനെതിരെ രൂപയുടെ മൂല്യം 25 പൈസ ഉയർന്ന് 86.33 ൽ ക്ലോസ് ചെയ്തു.

ഇന്ന് ഫലം പ്രഖ്യാപിക്കുന്ന കമ്പനികൾ

ജെഎസ്ഡബ്ല്യു സ്റ്റീൽ, ഹിന്ദുസ്ഥാൻ പെട്രോളിയം കോർപ്പറേഷൻ, ബാങ്ക് ഓഫ് ഇന്ത്യ, ഇന്റർഗ്ലോബ് ഏവിയേഷൻ, ഗോദ്‌റെജ് കൺസ്യൂമർ പ്രോഡക്‌ട്‌സ്, ഡിഎൽഎഫ്, എയു സ്‌മോൾ ഫിനാൻസ് ബാങ്ക്, ആദിത്യ ബിർള മണി, ഡിഎഎം ക്യാപിറ്റൽ അഡ്വൈസേഴ്‌സ്, ഡിസിബി ബാങ്ക്, ഫെഡ്‌ബാങ്ക് ഫിനാൻഷ്യൽ സർവീസസ്, ഗ്രാനുൽസ് ഇന്ത്യ, ജിൻഡാൽ സോ, ലോറസ് ലാബ്‌സ്, ശ്രീറാം ഫിനാൻസ്, സോളാര ആക്ടീവ് ഫാർമ സയൻസസ്, സുപ്രിയ ലൈഫ്‌സയൻസ്, ടോറന്റ് ഫാർമസ്യൂട്ടിക്കൽസ്, ട്രൈഡന്റ്, ഉഗ്രോ ക്യാപിറ്റൽ എന്നിവ ജനുവരി 24 ന് അവരുടെ ത്രൈമാസ വരുമാന സ്കോർകാർഡ് പ്രസിദ്ധീകരിക്കും.

ജനുവരി 25 ന് ഫലം പ്രഖ്യാപിക്കുന്ന കമ്പനികൾ

ഐസിഐസിഐ ബാങ്ക്, എൻടിപിസി, ഐഡിഎഫ്സി ഫസ്റ്റ് ബാങ്ക്, യെസ് ബാങ്ക്, ബാലകൃഷ്ണ ഇൻഡസ്ട്രീസ്, ഗുജറാത്ത് അംബുജ എക്സ്പോർട്ട്സ്, ഗോ ഫാഷൻ (ഇന്ത്യ), ജെകെ സിമന്റ്, മാക്രോടെക് ഡെവലപ്പേഴ്സ്, എൻടിപിസി ഗ്രീൻ എനർജി, എസ്ബിഎഫ്സി ഫിനാൻസ്, ട്രാൻസ്പോർട്ട് കോർപ്പറേഷൻ ഓഫ് ഇന്ത്യ എന്നിവ ജനുവരി 25 ന് അവരുടെ ത്രൈമാസ വരുമാനം പ്രഖ്യാപിക്കും.

ഇന്ന് ശ്രദ്ധിക്കേണ്ട ഓഹരികൾ

കൊട്ടക് മഹീന്ദ്ര ബാങ്ക്

റെഗുലേറ്ററി അംഗീകാരങ്ങൾക്ക് ശേഷം, കൊട്ടക് മഹീന്ദ്ര ബാങ്ക്, ഇന്ത്യയിലെ സ്റ്റാൻഡേർഡ് ചാർട്ടേഡ് ബാങ്കിന്റെ വ്യക്തിഗത വായ്പകൾ 3,330 കോടി രൂപയ്ക്ക് ഏറ്റെടുത്തു. ഇതിൻറെ നടപടികൾ പൂർത്തിയായി.

ജ്യോതി സ്ട്രക്ചേഴ്സ്

പവർഗ്രിഡ് കോർപ്പറേഷൻ ഓഫ് ഇന്ത്യയിൽ നിന്ന് 741.28 കോടി രൂപയുടെ പദ്ധതിക്ക് കമ്പനിക്ക് ഓഡർ ലഭിച്ചു. കെ‌പി‌എസ് 2 (എച്ച്‌വി‌ഡി‌സി) നും നാഗ്പൂരിനും (എച്ച്‌വി‌ഡി‌സി) ഇടയിലുള്ള 800 കെ‌വി എച്ച്‌വി‌ഡി‌സി ബൈപോൾ ലൈൻ കമ്മീഷൻ ചെയ്യുന്നതും ഈ പദ്ധതിയിൽ ഉൾപ്പെടുന്നു.

ബൊണ്ടഡ എഞ്ചിനീയറിംഗ്

ബൊണ്ടഡ ഗ്രൂപ്പിനെ പ്രതിനിധീകരിച്ച് ബോണ്ടഡ രാഘവേന്ദ്ര റാവു, അസമിൽ ഒരു ഹൈബ്രിഡ് പുനരുപയോഗ ഊർജ്ജ പ്ലാന്റ് സ്ഥാപിക്കുന്നതിനായി അസം സർക്കാരുമായി ഒരു ധാരണാപത്രം ഒപ്പുവച്ചു. യുഎൻ‌എടിഐ സ്കീമിന് കീഴിലുള്ള ഹൈബ്രിഡ് പദ്ധതികളിൽ നിക്ഷേപിക്കാൻ ലക്ഷ്യമിടുന്ന ഈ പദ്ധതി, സൗരോർജ്ജവും കാറ്റാടി വൈദ്യുതിയും സംയോജിപ്പിച്ച് 100 മെഗാവാട്ട് സൗകര്യമായിട്ടാണ് വിഭാവനം ചെയ്തിരിക്കുന്നത്. ഈ പദ്ധതിയുടെ ഏകദേശ നിക്ഷേപം 450 കോടി രൂപയാണ്.

സിപ്ല

വ്യക്തിപരമായ കാരണങ്ങളാൽ രാജീവ് കുമാർ സിൻഹ ഫാർമസ്യൂട്ടിക്കൽ കമ്പനിയുടെ ഗ്ലോബൽ ചീഫ് മാനുഫാക്ചറിംഗ് ഓഫീസർ സ്ഥാനത്ത് നിന്ന് രാജിവച്ചു, ഇത് 2025 ഏപ്രിൽ 2 മുതൽ പ്രാബല്യത്തിൽ വരും.

ഇന്റർഗ്ലോബ് ഏവിയേഷൻ

2024 ഡിസംബറിൽ ഇൻഡിഗോയുടെ വിപണി വിഹിതം 64.4% ആയി വർദ്ധിച്ചു, 2024 നവംബറിൽ ഇത് 63.6% ആയിരുന്നു.

അദാനി വിൽമർ

എഫ്എംസിജി കമ്പനി ഹരിയാനയിലെ അതിന്റെ സംയോജിത ഭക്ഷ്യ സംസ്‌കരണ പ്ലാന്റിൽ പ്രവർത്തനം ആരംഭിച്ചു.

ഗ്രീൻലാം ഇൻഡസ്ട്രീസ്

കമ്പനിയുടെ അനുബന്ധ സ്ഥാപനമായ ഗ്രീൻലാം, ആന്ധ്രാപ്രദേശിലെ നായിഡുപേട്ടയിലുള്ള നിർമ്മാണ കേന്ദ്രത്തിൽ 2025 ജനുവരി 23 മുതൽ ചിപ്പ്ബോർഡിന്റെ വാണിജ്യ ഉത്പാദനം ആരംഭിച്ചു. പ്രതിവർഷം 2,92,380 ക്യുബിക് മീറ്റർ സ്ഥാപിത ഉൽ‌പാദന ശേഷിയുള്ള ഈ സ്ഥാപനത്തിന് പൂർണ്ണ ശേഷി വിനിയോഗിക്കുമ്പോൾ പ്രതിവർഷം 750 കോടി രൂപ വരെ വരുമാനം ഉണ്ടാക്കാൻ കഴിയും. വാണിജ്യ ഉൽ‌പാദനം ആരംഭിക്കുമ്പോൾ ചിപ്പ്ബോർഡ് പദ്ധതിക്കായി ചെലവഴിച്ച മൊത്തം മൂലധന ചെലവ് 735 കോടി രൂപയാണ്.

ലോയ്ഡ്സ് എഞ്ചിനീയറിംഗ് വർക്ക്സ്

നാഗ്പൂരിൽ വ്യാവസായിക ഉപയോഗത്തിനായി 2,54,800 ചതുരശ്ര മീറ്റർ ഭൂമി ഏറ്റെടുക്കുന്നതിനായി കമ്പനി ഇഎംസിഒയുമായി ധാരണാപത്രത്തിൽ ഏർപ്പെട്ടു.