ബജറ്റിൽ പ്രതീക്ഷയർപ്പിച്ച് വിപണി, റാലി തുടർന്നേക്കും

ഇന്ന് ഗിഫ്റ്റി നിഫ്റ്റിയിൽ ഉയർന്ന തോതിലാണ് വ്യാപാരം നടക്കുന്നത്. ഇത് ഇന്ത്യൻ വിപണിയുടെ പോസിറ്റീവ് ഓപ്പണിംഗിനെ സൂചിപ്പിക്കുന്നു. നിഫ്റ്റി ഫ്യൂച്ചറുകൾ 24,610 എന്ന നിലയിലാണ് വ്യാപാരം നടക്കുന്നത്.

ആഗോള വിപണിയിലെ സമ്മിശ്ര പ്രവണതകൾക്കിടയിലും ഇന്ത്യൻ ഓഹരി വിപണി വെള്ളിയാഴ്ച നേട്ടത്തോടെയാണ് അവസാനിച്ചത്. നിഫ്റ്റി 50 സൂചിക 186 പോയിൻറ് ഉയർന്ന് 24,502 ൽ അവസാനിച്ചു. ബിഎസ്ഇ സെൻസെക്സ് 622 പോയിൻ്റ് ഉയർന്ന് 80,519 ലും ബാങ്ക് നിഫ്റ്റി സൂചിക 52,278 ലും ക്ലോസ് ചെയ്തു. TCS Q1 ഫലങ്ങൾക്ക് ശേഷം ഐടി ഓഹരികൾ മുന്നേറിയത് ഇന്ത്യൻ ഓഹരി വിപണിയിലെ റാലിക്ക് ആക്കം കൂട്ടി. എൻഎസ്ഇയിലെ ക്യാഷ് മാർക്കറ്റ് അളവ് 11.2% ഉയർന്ന് 1.55 ലക്ഷം കോടി രൂപയായി.

കേന്ദ്ര ബജറ്റ്

അടുത്ത ആഴ്ചത്തെ ബജറ്റിനെ വിപണി പ്രതീക്ഷയോടെയാണ് കാത്തിരിക്കുന്നത്. അത് സംബന്ധിച്ച ശുഭാപ്തിവിശ്വാസം വിപണിയിൽ പ്രകടമാണ്.

വ്യാവസായികമായി, ഉൽപ്പാദനം, പുനരുൽപ്പാദന വസ്തുക്കൾ, ഗ്രീൻ ഹൈഡ്രജൻ, ഇവി, സെമി-കണ്ടക്ടറുകൾ, ഇലക്‌ട്രോണിക്‌സ് എന്നിവയാണ് ശ്രദ്ധ കേന്ദ്രീകരിക്കുന്ന മേഖലകൾ. ഇൻസെൻറീവുകളും സബ്‌സിഡികളും ഏർപ്പെടുത്തികൊണ്ട്, വിവിധ മേഖലകളിലേക്ക് പിഎൽഐ സ്കീം വിപുലീകരിക്കുന്നതിലൂടെ ഉൽപ്പാദന പ്രക്രീയയ്ക്ക് സർക്കാർ ഊന്നൽ നൽകുമെന്ന് പ്രതീക്ഷിക്കുന്നു. നിലവിൽ, ഇത് 14 മേഖലകളിൽ നൽകിയിരിക്കുന്നു. കളിപ്പാട്ടങ്ങൾ, പാദരക്ഷകൾ, തുണിത്തരങ്ങൾ, മില്ലറ്റ് അടിസ്ഥാനമാക്കിയുള്ള ഭക്ഷണങ്ങൾ എന്നിവ പോലുള്ള അധിക വിഭാഗങ്ങൾ ഉൾപ്പെടുത്താൻ ഇത് വിപുലീകരിക്കുമെന്ന് വിപണി പ്രതീക്ഷിക്കുന്നു. കൂടാതെ, വൈറ്റ് ഗുഡ്‌സ്, പ്രത്യേകിച്ച് എയർകണ്ടീഷണറുകൾ, എൽഇഡി ലൈറ്റുകൾ എന്നിവയുടെ പിഎൽഐ സ്കീമിനായുള്ള ആപ്ലിക്കേഷൻ വിൻഡോ സർക്കാർ വീണ്ടും തുറന്നിട്ടുണ്ട്. പൊതുവെ, വ്യവസായത്തിന് അനുകൂലമായ വാണിജ്യ നയത്തിൻറെ തുടർച്ച ബജറ്റിലുണ്ടാകും.

ഏഷ്യൻ വിപണി

തിങ്കളാഴ്ച ആദ്യ വ്യാപാരത്തിൽ ഏഷ്യൻ വിപണികൾ താഴ്ന്ന നിലയിലാണ്.

വാൾ സ്ട്രീറ്റ്

സെപ്റ്റംബറിൽ യുഎസ് ഫെഡറൽ റിസർവ് പലിശനിരക്ക് കുറയ്ക്കുമെന്ന പ്രതീക്ഷയിൽ, എസ് ആൻറ് പി 500, ഡൗ ജോൺസ് ഇൻഡസ്ട്രിയൽ ആവറേജ് എന്നിവ ഇൻട്രാഡേയിൽ റെക്കോർഡ് ഉയരത്തിൽ എത്തിയതോടെ വാൾസ്ട്രീറ്റ് വെള്ളിയാഴ്ച ഉയർന്ന നിലയിൽ ക്ലോസ് ചെയ്തു, അതേസമയം സമ്മിശ്ര ഫലങ്ങൾ റിപ്പോർട്ട് ചെയ്തതിന് ശേഷം വൻകിട ബാങ്ക് ഓഹരികൾ ഇടിഞ്ഞു.

എസ് ആൻറ് പി 0.55 ശതമാനം ഉയർന്ന് 5,615.35 പോയിൻറിൽ അവസാനിച്ചു.നാസ്ഡാക്ക് 0.63 ശതമാനം ഉയർന്ന് 18,398.45 പോയിൻറിലും ഡൗ ജോൺസ് ഇൻഡസ്ട്രിയൽ ആവറേജ് 0.62 ശതമാനം ഉയർന്ന് 40,000.90 പോയിൻറിലുമെത്തി.ആഴ്ചയിൽ എസ് ആൻറ് പി 0.9 ശതമാനവും നാസ്ഡാക്ക് 0.2 ശതമാനവും ഡൗ 1.6 ശതമാനവും ഉയർന്നു.

പ്രതിരോധവും പിൻതുണയും

നിഫ്റ്റി

പിവറ്റ് പോയിൻറുകളെ അടിസ്ഥാനമാക്കിയുള്ള പ്രതിരോധം: 24,575, 24,637, 24,736

പിന്തുണ: 24,376, 24,314, 24,214

ബാങ്ക് നിഫ്റ്റി

പിവറ്റ് പോയിൻറുകളെ അടിസ്ഥാനമാക്കിയുള്ള പ്രതിരോധം: 52,653, 52,800, 53,038

പിന്തുണ: 52,177, 52,030, 51,791

പുട്ട്-കോൾ അനുപാതം

വിപണിയുടെ ട്രെൻഡ് സൂചിപ്പിക്കുന്ന നിഫ്റ്റി പുട്ട്-കോൾ അനുപാതം (പിസിആർ) കഴിഞ്ഞ സെഷനിലെ 1.29 ലെവലിൽ നിന്ന് ജൂലൈ 12 ന് 1.28 ആയി കുറഞ്ഞു.

ഇന്ത്യ വിക്സ്

ഇന്ത്യ വിക്സ്, വെള്ളിയാഴ്ച 14 ലെവലിൽ നിന്ന് 1.93 ശതമാനം ഇടിഞ്ഞ് 13.73 ആയി. എന്നാൽ ആഴ്ചയിൽ 8.11 ശതമാനം ഉയർന്നു.

എണ്ണ വില

ബ്രെൻറ് ക്രൂഡ് 0.5 ശതമാനത്തോളം ഇടിഞ്ഞതോടെ തിങ്കളാഴ്ച ഏഷ്യൻ വ്യാപാരത്തിൻറെ തുടക്കത്തിൽ എണ്ണവില ഇടിഞ്ഞു.

വിദേശ സ്ഥാപന നിക്ഷേപകർ

വിദേശ സ്ഥാപന നിക്ഷേപകർ (എഫ്ഐഐ) ജൂലൈ 11 ന് 4021 കോടി രൂപയുടെ ഓഹരികൾ വാങ്ങി. ആഭ്യന്തര സ്ഥാപന നിക്ഷേപകർ 1,651 കോടി രൂപയുടെ ഓഹരികൾ വിറ്റു.

ഇന്ന് ഫലം പ്രഖ്യാപിക്കുന്ന കമ്പനികൾ

എച്ച്‌ഡിഎഫ്‌സി അസറ്റ് മാനേജ്‌മെൻറ് , എച്ച്‌ഡിഎഫ്‌സി ലൈഫ് ഇൻഷുറൻസ് , ജിയോ ഫിനാൻഷ്യൽ സർവീസസ്, ബാങ്ക് ഓഫ് മഹാരാഷ്ട്ര, ഏഞ്ചൽ വൺ, സ്‌പൈസ്‌ജെറ്റ്, ഡെൻ നെറ്റ്‌വർക്ക്സ്, ഹാറ്റ്‌സൺ അഗ്രോ പ്രൊഡക്റ്റ്, ആറ്റം വാൽവ്‌സ്, ബനാറസ് ഹോട്ടൽസ്, ദാവൻഗെരെ ഷുഗർ കമ്പനി, ഗണേഷ് ഹൗസിംഗ് കോർപ്പറേഷൻ, ജിയ ഇക്കോ പ്രോഡക്‌ട്‌സ്, കെൽട്ടൺ ടെക് സൊല്യൂഷൻസ്, മോഡേൺ എഞ്ചിനീയറിംഗ് ആൻഡ് പ്രോജക്ട്‌സ്, മോണാർക്ക് നെറ്റ്‌വർത്ത് ക്യാപിറ്റൽ, എംആർപി അഗ്രോ, സ്കാൻപോയിൻറ് ജിയോമാറ്റിക്‌സ്, ഉദയ്പൂർ സിമൻറ് വർക്ക്സ് എന്നിവ ജൂലൈ 15-ന് ത്രൈമാസ ഫലങ്ങൾ പ്രഖ്യാപിക്കും.

ഇന്ന് ശ്രദ്ധിക്കേണ്ട ഓഹരികൾ

റെയിൽ വികാസ് നിഗം

132.6 കോടി രൂപയുടെ പദ്ധതിക്ക് സെൻട്രൽ റെയിൽവേയിൽ നിന്ന് കമ്പനിക്ക് അംഗീകാരപത്രം ലഭിച്ചു. സെൻട്രൽ റെയിൽവേയിലെ നാഗ്പൂർ ഡിവിഷനിലെ വാർധ-ബല്ലാർഷാ വിഭാഗത്തിൽ നിലവിലുള്ള 1 x 25 kV ഇലക്ട്രിക് ട്രാക്ഷൻ സിസ്റ്റത്തെ 2 x 25 kV AT ഫീഡിംഗ് സിസ്റ്റത്തിലേക്ക് നവീകരിക്കുന്നതിനുള്ള OHE പ്രവർത്തനങ്ങൾ ഈ പദ്ധതിയിൽ ഉൾപ്പെടുന്നു.

ജൂപ്പിറ്റർ വാഗൺസ്

800 കോടി രൂപ സമാഹരിച്ച് കമ്പനി ക്യുഐപി പൂർത്തിയാക്കി. ക്യുഐപിയുടെ 3.5 ഇരട്ടി വലുപ്പമുള്ള 2,800 കോടി രൂപയാണ് മൊത്തം ഡിമാൻഡ് ലഭിച്ചത്.

സുവെൻ ഫാർമസ്യൂട്ടിക്കൽസ്

യുണൈറ്റഡ് സ്റ്റേറ്റ്സ് ഫുഡ് ആൻഡ് ഡ്രഗ് അഡ്മിനിസ്ട്രേഷൻ (യുഎസ് എഫ്ഡിഎ) കമ്പനിയുടെ പൂർണ ഉടമസ്ഥതയിലുള്ള ഹൈദ്രാബാദിലെ കാസ്പർ ഫാർമയുടെ നിരീക്ഷണ പരിശോധന പൂർത്തിയാക്കി. ജൂലൈ 8 മുതൽ 12 വരെയായിരുന്നു പരിശോധന. സപാല ഓർഗാനിക്‌സിൻറെ 51% ഓഹരി സുവെൻ ഫാർമ വാങ്ങി.

ഇ.എം.എസ്

ഉത്തരാഖണ്ഡിലെ ഇഡിസി ഡെറാഡൂൺ റൂറൽ സർക്കിളിലെ ഡിസ്ട്രിബ്യൂഷൻ ഇൻഫ്രാസ്ട്രക്ചർ-നഷ്ടം കുറയ്ക്കുന്നതിനുള്ള പ്രവർത്തനങ്ങളുടെ വികസനത്തിന് ഉത്തരാഖണ്ഡ് പവർ കോർപ്പറേഷനിൽ നിന്ന് കമ്പനിക്ക് അവാർഡ് കത്ത് ലഭിച്ചു. ഓർഡർ മൂല്യം 141.1 കോടി രൂപയാണ്.

സൊമാറ്റോ

സ്ലോവാക് റിപ്പബ്ലിക്കിലെ സ്റ്റെപ്പ് ഡൗൺ ഉപസ്ഥാപനമായ സൊമാറ്റോ സ്ലൊവാക്യ ജൂലൈ 12 മുതൽ പ്രവർത്തനം അവസാനിപ്പിച്ചു.

പിടിസി ഇന്ത്യ ഫിനാൻഷ്യൽ സർവീസസ്

ആർ ബാലാജി ജൂലൈ 12 മുതൽ കമ്പനിയിൽ എംഡിയും സിഇഒയുമായി ചേർന്നു.

ബാങ്ക് ഓഫ് മഹാരാഷ്ട്ര

2025 സാമ്പത്തിക വർഷത്തിൽ പബ്ലിക് ഇഷ്യൂ വഴിയോ അനുയോജ്യമായ കാലയളവിൻറെ സ്വകാര്യ പ്ലെയ്‌സ്‌മെൻ്റിലൂടെയോ ദീർഘകാല ബോണ്ടുകൾ സമാഹരിക്കുന്നത് പരിഗണിക്കുന്നതിനായി ഡയറക്ടർ ബോർഡ് ജൂലൈ 18-ന് യോഗം ചേരും.

ആർഎസ് ഡബ്യൂഎം

കമ്പനി ഭിൽവാരയിലെ ദിദ്വാനിയ ട്രേഡിംഗ് കമ്പനിയുമായി 48.01 കോടി രൂപയ്ക്ക് ഒരു താപവൈദ്യുത നിലയം (2 X 23 മെഗാവാട്ട്) വിൽക്കാൻ കരാറിൽ ഏർപ്പെട്ടിട്ടുണ്ട്.

സെൻട്രൽ ബാങ്ക് ഓഫ് ഇന്ത്യ

എംഎസ്എംഇ വായ്പകൾ വാഗ്ദാനം ചെയ്യുന്നതിനായി ആർക്ക ഫിൻകാപ്പുമായി ബാങ്ക് വായ്പ പങ്കാളിത്തത്തിൽ ഏർപ്പെട്ടിട്ടുണ്ട്.