താരിഫ് യുദ്ധം തണുക്കുന്നു, ആഗോള വിപണികളിൽ പ്രതീക്ഷ, ഇന്ത്യൻ ഓഹരികൾ കുതിക്കുമോ?

ആഗോള വിപണിയിലെ സമ്മിശ്ര സൂചനകളെ സെൻസെക്സും നിഫ്റ്റിയും ഇന്ന് താഴ്ന്ന് തുറക്കുമെന്ന് പ്രതീക്ഷിക്കുന്നു. ഗിഫ്റ്റ് നിഫ്റ്റി ഇടിവിലാണ് വ്യാപാരം ആരംഭിച്ചത്. ഏഷ്യൻ വിപണികൾ താഴ്ന്ന നിലയിൽ വ്യാപാരം നടത്തുന്നു. വെള്ളിയാഴ്ച യുഎസ് വിപണി നേട്ടത്തോടെ വ്യാപാരം അവസാനിപ്പിച്ചു.

ആഗോള പ്രവണതകൾ, മാക്രോ ഇക്കണോമിക് പ്രഖ്യാപനങ്ങൾ, യുഎസ് താരിഫ് , വിദേശ ഫണ്ടുകളുടെ ഒഴുക്ക്, ജിയോപൊളിറ്റിക്കൽ പിരിമുറുക്കങ്ങൾ, യുഎസ് ഡോളറിലും ക്രൂഡ് ഓയിൽ വിലയിലും അവയുടെ സ്വാധീനം എന്നിവ ഈ ആഴ്ച വിപണിയെ സ്വാധീനിക്കും.

ഗിഫ്റ്റ് നിഫ്റ്റി

ഗിഫ്റ്റ് നിഫ്റ്റി 22,600 ലെവലിൽ വ്യാപാരം നടത്തുന്നു. നിഫ്റ്റി ഫ്യൂച്ചേഴ്‌സിന്റെ മുൻ ക്ലോസിനേക്കാൾ ഏകദേശം 50 പോയിന്റിന്റെ കുറവ്. ഇത് ഇന്ത്യൻ ഓഹരി വിപണി സൂചികകൾക്ക് ഒരു നെഗറ്റീവ് തുടക്കത്തെ സൂചിപ്പിക്കുന്നു.

ഏഷ്യൻ വിപണികൾ

തിങ്കളാഴ്ച ഏഷ്യൻ വിപണികൾ ഇടിവിൽ വ്യാപാരം നടത്തുന്നു. ജപ്പാന്റെ ബെഞ്ച്മാർക്ക് നിക്കി 225 ഫ്ലാറ്റ് ആയിരുന്നു, ടോപ്പിക്സ് സൂചിക 0.1% ഇടിഞ്ഞു. ദക്ഷിണ കൊറിയയുടെ കോസ്പി 0.14% ഇടിഞ്ഞു. കോസ്ഡാക്ക് 0.83% ഇടിഞ്ഞു. ഹോങ്കോങ്ങിന്റെ ഹാങ് സെങ് സൂചിക ഫ്യൂച്ചറുകൾ ശക്തമായ ഓപ്പണിംഗിനെ സൂചിപ്പിക്കുന്നു.

വാൾസ്ട്രീറ്റ്

സാമ്പത്തികം "നല്ല നിലയിലാണ്" എന്ന് ഫെഡറൽ റിസർവ് ചെയർമാനായ ജെറോം പവൽ പറഞ്ഞതിനെത്തുടർന്ന് വെള്ളിയാഴ്ച യുഎസ് ഓഹരി വിപണി ഉയർന്ന നിലയിലാണ് വ്യാപാരം അവസാനിപ്പിച്ചത്. ഡൗ ജോൺസ് ഇൻഡസ്ട്രിയൽ ശരാശരി 222.64 പോയിന്റ് അഥവാ 0.52% ഉയർന്ന് 42,801.72 ലെത്തി, എസ് ആൻറ് പി 31.68 പോയിന്റ് അഥവാ 0.55% ഉയർന്ന് 5,770.20 ലെത്തി. നാസ്ഡാക്ക് കോമ്പോസിറ്റ് 126.97 പോയിന്റ് അഥവാ 0.70% ഉയർന്ന് 18,196.22 ലെത്തി.

എൻവിഡിയ ഓഹരി വില 1.92% ഉയർന്നു, ആപ്പിൾ ഓഹരികൾ 1.59% ഉയർന്നു. ഹ്യൂലറ്റ് പാക്കാർഡ് എന്റർപ്രൈസ് ഓഹരികൾ 12% ഇടിഞ്ഞു, കോസ്റ്റ്കോ ഓഹരി വില 6% ഇടിഞ്ഞു, ബ്രോഡ്കോം ഓഹരി വില 8.6% ഉയർന്നു.

ഇന്ത്യൻ വിപണി

ആഭ്യന്തര വിപണി വെള്ളിയാഴ്ച നേട്ടത്തിൽ ക്ലോസ് ചെയ്തു. സെൻസെക്സ് 609.86 പോയിന്റ് അഥവാ 0.83 ശതമാനം ഉയർന്ന് 74,340.09 എന്ന ലെവലിലാണ് വ്യാപാരം അവസാനിപ്പിച്ചത്. നിഫ്റ്റി 207.40 പോയിന്റ് അഥവാ 0.93 ശതമാനം ഉയർന്ന് 22,544.70 എന്ന ലെവലിൽ വ്യാപാരം അവസാനിപ്പിച്ചു. സെൻസെക്സ് ഓഹരികളിൽ ഏഷ്യൻ പെയിന്റ്സ്, എൻ‌ടി‌പി‌സി, റിലയൻസ് ഇൻഡസ്ട്രീസ്, ടാറ്റ സ്റ്റീൽ, ബജാജ് ഫിൻ‌സെർവ്, ഹിന്ദുസ്ഥാൻ യൂണിലിവർ, സൺ ഫാർമസ്യൂട്ടിക്കൽസ്, അദാനി പോർട്ട്സ് ആൻഡ് സെസ്, ആക്സിസ് ബാങ്ക്, ടാറ്റ കൺസൾട്ടൻസി സർവീസസ്, ടൈറ്റൻ, ബജാജ് ഫിനാൻസ് എന്നിവ നേട്ടമുണ്ടാക്കിയപ്പോൾ ടെക് മഹീന്ദ്ര, കൊട്ടക് മഹീന്ദ്ര ബാങ്ക്, സൊമാറ്റോ, ടാറ്റ മോട്ടോഴ്‌സ്, ഇൻഡസ്ഇൻഡ് ബാങ്ക് എന്നി ഓഹരികൾ നഷ്ട്ടത്തിൽ വ്യാപാരം അവസാനിപ്പിച്ചു. സെക്ടറൽ സൂചികകളിൽ പവർ , ഹെൽത്ത്കെയർ, എഫ്എംസിജി, മെറ്റൽ, ഓയിൽ ആൻഡ് ഗ്യാസ്, ഫാർമ എന്നിവ 1.5-2 ശതമാനം നേട്ടമുണ്ടാക്കിയപ്പോൾ ടെലികമ്മ്യൂണിക്കേഷൻ, റിയാലിറ്റി എന്നിവ 0.15-0.25 ശതമാനം ഇടിഞ്ഞു. ബിഎസ്ഇ മിഡ്ക്യാപ് സൂചിക 0.6 ശതമാനവും സ്മോൾക്യാപ് സൂചിക 1.6 ശതമാനവും ഉയർന്നു.

പിന്തുണയും പ്രതിരോധവും

നിഫ്റ്റി

പിവറ്റ് പോയിന്റുകളെ അടിസ്ഥാനമാക്കിയുള്ള പ്രതിരോധം: 22,615, 22,655, 22,719

പിന്തുണ: 22,486, 22,446, 22,381

ബാങ്ക് നിഫ്റ്റി

പിവറ്റ് പോയിന്റുകളെ അടിസ്ഥാനമാക്കിയുള്ള പ്രതിരോധം: 48,656, 48,738, 48,872

പിന്തുണ: 48,388, 48,306, 48,172

പുട്ട്-കോൾ അനുപാതം

മാർക്കറ്റിന്റെ മാനസികാവസ്ഥയെ സൂചിപ്പിക്കുന്ന നിഫ്റ്റി പുട്ട്-കോൾ അനുപാതം (PCR), മുൻ സെഷനിലെ 1.14 ൽ നിന്ന്, മാർച്ച് 7 ന് 1.08 ആയി കുറഞ്ഞു.

ഇന്ത്യ വിക്സ്

ഭയസൂചികയായ ഇന്ത്യ വിക്സ് വെള്ളിയാഴ്ച 1.86 ശതമാനം ഇടിഞ്ഞ് 13.47 ലെവലിലെത്തി.

വിദേശ പോർട്ട്‌ഫോളിയോ നിക്ഷേപകർ

വിദേശ പോർട്ട്‌ഫോളിയോ നിക്ഷേപകർ വെള്ളിയാഴ്ച 2,035 കോടി രൂപയുടെ ഓഹരികൾ വിറ്റു. ആഭ്യന്തര നിക്ഷേപകർ 2,320 കോടി രൂപയുടെ ഓഹരികൾ വാങ്ങി.

രൂപ

അമേരിക്കൻ കറൻസി സൂചിക താഴ്ന്നതും ക്രൂഡ് ഓയിൽ വില കുറഞ്ഞതും കാരണം വെള്ളിയാഴ്ച രൂപ വീണ്ടും ഉയർന്നു. യുഎസ് ഡോളറിനെതിരെ 17 പൈസ നേട്ടത്തോടെ 86.95-ൽ എത്തി.

എണ്ണ വില

അസംസ്കൃത എണ്ണ വില ഇടിഞ്ഞു. ബ്രെന്റ് ക്രൂഡ് ഓയിൽ ബാരലിന് 0.36% കുറഞ്ഞ് 70.11 ഡോളറിലെത്തി. യുഎസ് വെസ്റ്റ് ടെക്സസ് ഇന്റർമീഡിയറ്റ് ക്രൂഡ് ഓയിൽ 0.40% കുറഞ്ഞ് ബാരലിന് 66.77 ഡോളറിലെത്തി. തുടർച്ചയായ ഏഴാം ആഴ്ചയിലും ഡബ്ല്യുടിഐ ഇടിവ് രേഖപ്പെടുത്തി, 2023 നവംബറിന് ശേഷമുള്ള ഏറ്റവും ദൈർഘ്യമേറിയ നഷ്ടമാണിത്. അതേസമയം ബ്രെന്റ് തുടർച്ചയായ മൂന്നാം ആഴ്ചയും താഴ്ന്നു

സ്വർണ്ണ വില

തിങ്കളാഴ്ച സ്വർണ്ണ വില ഉയർന്നു. സ്പോട്ട് സ്വർണ്ണ വില ഔൺസിന് 0.1% ഉയർന്ന് 2,914.42 ഡോളറിലെത്തി, അതേസമയം യുഎസ് സ്വർണ്ണ ഫ്യൂച്ചറുകൾ 0.3% ഉയർന്ന് 2,921.90 ഡോളറിലെത്തി.

ഇന്ന് ശ്രദ്ധിക്കേണ്ട ഓഹരികൾ

റെയിൽ‌ടെൽ

നോർത്തേൺ റെയിൽവേയിൽ നിന്ന് റെയിൽ‌ടെൽ 28.29 കോടി രൂപയുടെ വർക്ക് ഓർഡർ നേടി.

ടാറ്റ പവർ

ടാറ്റ പവറിന്റെ വിഭാഗമായ ടാറ്റ പവർ റിന്യൂവബിൾ എനർജി ആന്ധ്രാപ്രദേശ് സർക്കാരുമായി സംസ്ഥാനത്തെ പുനരുപയോഗ ഊർജ്ജ പദ്ധതികളിൽ സഹകരിക്കുന്നതിന് ഒരു ധാരണാപത്രം (എം‌ഒ‌യു) ഒപ്പുവച്ചു.

ജെഎസ്ഡബ്ല്യു സ്റ്റീൽ

ക്രൂഡ് സ്റ്റീൽ ഉൽപ്പാദനം വർഷം തോറും ഏകദേശം 12% വർദ്ധിച്ച് 21.50 ലക്ഷം ടണ്ണിൽ നിന്ന് 24.07 ലക്ഷം ടണ്ണായി.

ഹിന്ദുജ ഗ്ലോബൽ

ഹിന്ദുജ ഗ്ലോബൽ അതിന്റെ സ്റ്റെപ്പ്-ഡൗൺ സബ്സിഡിയറി ഡൈവേഴ്സിഫൈ ഇന്റലിജന്റ് സ്റ്റാഫിംഗ് സൊല്യൂഷൻസ് ഇങ്ക്, മറ്റൊരു സ്റ്റെപ്പ്-ഡൗൺ സബ്സിഡിയറി ഡൈവേഴ്സിഫൈ ഐഎസ്എസ് ബിജിസി ഇൻകോർപ്പറേറ്റുമായി ലയിപ്പിച്ചു.

കോൾ ഇന്ത്യ

ഹൈദരാബാദിൽ ക്ലീൻ കൽക്കരി ഊർജ്ജത്തിന്റെയും നെറ്റ് സീറോയുടെയും കേന്ദ്രം സ്ഥാപിക്കുന്നതിനായി കോൾ ഇന്ത്യ ഹൈദരാബാദിലെ ഐഐടിയുമായി ഒരു കരാർ ഒപ്പിട്ടു.

എൻ‌എം‌ഡി‌സി

25 സാമ്പത്തിക വർഷത്തേക്കുള്ള ഇടക്കാല ലാഭവിഹിതം പരിഗണിക്കുന്നതിനായി എൻ‌എം‌ഡി‌സിയുടെ ബോർഡ് മാർച്ച് 17 ന് യോഗം ചേരും.

ജെൻസോൾ എഞ്ചിനീയറിംഗ്

മാർച്ച് 13 ന് നടക്കാനിരിക്കുന്ന ബോർഡ് മീറ്റിംഗിൽ കമ്പനിയുടെ ഓഹരികളുടെ 10 രൂപ മുഖവിലയുള്ള ഓഹരി വിഭജനം പരിഗണിക്കുമെന്ന് ജെൻസോൾ എഞ്ചിനീയറിംഗ് ബോർഡ് പ്രഖ്യാപിച്ചു.

ഇൻഡസ്ഇൻഡ് ബാങ്ക്

2025 മാർച്ച് 24 മുതൽ 2026 മാർച്ച് 23 വരെ 1 വർഷത്തേക്ക് സുമന്ത് കത്പാലിയയെ എം‌ഡിയും സി‌ഇ‌ഒയുമായി വീണ്ടും നിയമിക്കാൻ ആർ‌ബി‌ഐ അംഗീകാരം നൽകി.