വിപണിയിൽ പ്രത്യേക വ്യപാരം; കുതിപ്പ് തുടർന്ന് ആഭ്യന്തര സൂചികകൾ

പ്രത്യേക വ്യാപാര ദിനത്തിൽ ആഭ്യന്തര സൂചികകൾ നേട്ടം തുടരുകയാണ്. പ്രത്യേക ട്രേഡിംഗ് സെഷൻ്റെ ആദ്യ പകുതിയിൽ ഐടി, എനർജി ഓഹരികൾ നേട്ടമുണ്ടാക്കുകയും ചെയ്തു. വിദേശ നിക്ഷേപകരുടെ വാങ്ങൽ, യുഎസ് വിപണിയിലെ കരുത്ത് എന്നിവ ആഭ്യന്തര വിപണിക്ക് താങ്ങായി.

സെൻസെക്‌സ് 0.3 ശതമാനം അഥവാ 253 പോയിൻ്റ് ഉയർന്ന് 73,917ലും നിഫ്റ്റി 0.2 ശതമാനം അഥവാ 37 പോയിൻ്റ് ഉയർന്ന് 22,506ലും എത്തി.

ബിഎസ്ഇ മിഡ്‌ക്യാപ് ഏകദേശം 1 ശതമാനവും ബിഎസ്ഇ സ്‌മോൾക്യാപ് 1.4 ശതമാനവും ഉയർന്നതോടെ വിപണികൾ മികച്ച പ്രകടനം കാഴ്ചവച്ചു.

"റെക്കോർഡ് നേട്ടത്തോടെ ഡൗ ജോൺസ് 40,000 ന് മുകളിൽ ക്ലോസ് ചെയ്തത് ആഗോള വിപണികൾക്ക് കരുത്തേകി," ജിയോജിത് ഫിനാൻഷ്യൽ സർവീസസിലെ ചീഫ് ഇൻവെസ്റ്റ്‌മെൻ്റ് സ്ട്രാറ്റജിസ്റ്റ് വി കെ വിജയകുമാർ പറഞ്ഞു. എന്നിരുന്നാലും, രാജ്യത്തെ തിരഞ്ഞെടുപ്പുമായി ബന്ധപ്പെട്ട ഇളക്കങ്ങൾ ഉയർന്ന ചാഞ്ചാട്ടത്തിന് കാരണമാകുമെന്ന് അദ്ദേഹം പറഞ്ഞു.

ആഗോള വിപണിയിൽ, ഫെഡറൽ റിസർവ് ഈ വർഷം പലിശ നിരക്ക് കുറയ്ക്കുന്നതിനുള്ള സാധ്യതകൾ ഉയർന്നതിനാൽ മൂന്ന് പ്രധാന യുഎസ് സൂചികകളിൽ രണ്ടെണ്ണം മെയ് 17 ന് നേട്ടത്തോടെ അവസാനിച്ചു. ഡൗ ജോൺസ് ഇൻഡസ്ട്രിയൽ ആവറേജ് ആദ്യമായി 40,000 ന് മുകളിൽ ക്ലോസ് ചെയ്തു, മറ്റു രണ്ട് സൂചികകളും പ്രതിവാര നേട്ടം നേടി.

11 ദിവസങ്ങൾക്ക് ശേഷം, മെയ് 17 ന് വിദേശ നിക്ഷേപകർ (എഫ്ഐഐ) 1,617 കോടി രൂപയുടെ ഓഹരികൾ വാങ്ങി. ബ്രെൻ്റ് ക്രൂഡ് 0.85 ശതമാനം ഉയർന്ന് ബാരലിന് 83.98 ഡോളറിലെത്തി.

ഈ സെഷനിൽ ഇക്വിറ്റി, ഇക്വിറ്റി ഡെറിവേറ്റീവ് സെഗ്‌മെൻ്റുകൾക്കായി പ്രാഥമിക സൈറ്റിൽ നിന്ന് ഡിസാസ്റ്റർ റിക്കവറി സൈറ്റിലേക്ക് ഇൻട്രാ-ഡേ വ്യാപാരം മാറും. സെഷൻ രണ്ട് ഭാഗങ്ങളായി വിഭജിക്കും. ആദ്യത്തേത് രാവിലെ 9:15 മുതൽ 10:00 വരെയും രണ്ടാമത്തേത് 11:30 മുതൽ 12:30 വരെയുമാണ് .