നയം കാത്ത് നിക്ഷേപകര്‍, യുഎസ് വിപണികളില്‍ നേട്ടം; ഇന്ന് വിപണി തുറക്കും മുമ്പ് അറിയേണ്ടത്

ആർബിഐയുടെ പണനയ പ്രഖ്യാപനം ഇന്ന് വരാനിരിക്കെ വിപണി ജാഗ്രത പുലർത്തുന്നുവെന്നാണ് കാണാനാകുന്നത്. പലിശ നിരക്കുകള്‍ എപ്പോള്‍ മുതല്‍ കുറഞ്ഞു തുടങ്ങും എന്നറിയാനും വിലക്കയറ്റത്തെയും വളർച്ചയെയും കുറിച്ചുള്ള കേന്ദ്രബാങ്കിന്‍റെ വീക്ഷണത്തെ കുറിച്ചറിയാനും നിക്ഷേപകര്‍ ധനനയം ശ്രദ്ധയോടെ വീക്ഷിക്കും. ഇത്തവണയും അടിസ്ഥാന പലിശ നിരക്കുകള്‍ മാറ്റമില്ലാതെ നിലനിര്‍ത്താനാണ് സാധ്യത.

ജനുവരി 7ന്, ഇന്നലെ ബിഎസ്ഇ സെൻസെക്‌സ് 34 പോയിൻ്റ് താഴ്ന്ന് 72,152ലും നിഫ്റ്റി 1.1 പോയിൻ്റ് ഉയർന്ന് 21,930.5ലുമാണ് വ്യാപാരം അവസാനിപ്പിച്ചത്.

നിഫ്റ്റിയുടെ പ്രതിരോധവും പിന്തുണയും

പിവറ്റ് പോയിൻ്റ് കാൽക്കുലേറ്റർ സൂചിപ്പിക്കുന്നത് നിഫ്റ്റി 21,874ലും തുടർന്ന് 21,829ലും 21,755ലും ഉടനടി പിന്തുണ സ്വീകരിക്കാൻ സാധ്യതയുണ്ട് എന്നാണ്. അതേസമയം ഉയർച്ചയുടെ സാഹചര്യത്തില്‍ ഭാഗത്ത്, 21,948ലും തുടർന്ന് 22,067ലും 22,141ലും ഉടനടി പ്രതിരോധം കണ്ടേക്കാം.

ആഗോള വിപണികള്‍ ഇന്ന്

യുഎസ് പ്രാദേശിക ബാങ്കുകളുമായും ചൈനയുടെ വിപണികളുമായും ബന്ധപ്പെട്ട ആശങ്കകളെ മറികടക്കുന്ന തരത്തില്‍, ശക്തമായ വരുമാന പ്രഖ്യാനങ്ങള്‍ കമ്പനികള്‍ നടത്തിയത് ആഗോള വിപണികളെ ഉത്തേജിപ്പിച്ചു. ബുധനാഴ്ച വ്യാപാരത്തില്‍ മൂന്ന് യുഎസ് വിപണികളും നേട്ടത്തില്‍ അവസാനിച്ചു. റെക്കോർഡ് ഉയരത്തിലാണ് എസ്&പി500 ക്ലോസ് ചെയ്യുകയും ചെയ്തു. പലിശ നിരക്കുകൾ കുറച്ചേക്കില്ല എന്ന വിലയിരുത്തല്‍ വീണ്ടും ശക്തമായതിനാല്‍ ബോണ്ടുകളുടെ ആദായം ഉയർന്നു.

ഡൗ ജോൺസ് ഇൻഡസ്ട്രിയൽ ആവറേജ് 156.00 പോയിൻ്റ് അഥവാ 0.40 ശതമാനം ഉയർന്ന് 38,677.36 ലും എസ് & പി 500 40.83 പോയിൻ്റ് അഥവാ 0.82 ശതമാനം ഉയർന്ന് 4,995.06 ലും ക്ലോസ് ചെയ്തു. നാസ്ഡാക്ക് കോമ്പോസിറ്റ് 147.65 പോയിൻ്റ് അഥവാ 0.95% ഉയർന്ന് 15,756.64 എന്ന നിലയിലെത്തി.

ഏഷ്യ പസഫിക് വിപണികള്‍ പൊതുവില്‍ നേട്ടത്തിലാണ് ഇന്ന് വ്യാപാരം ആരംഭിച്ചിട്ടുള്ളത്. ഓസ്ട്രേലിയ എഎസ്എക്സ്, ജപ്പാനിന്‍റെ നിക്കി, ദക്ഷിണ കൊറിയയുടെ കോസ്പി, ചൈനയുടെ ഷാങ്ഹായ്, ഹോംഗ്കോംഗിന്‍റെ ഹാങ്സെങ് എന്നിവ പച്ചയിലാണ് വ്യാപാരം നടത്തുന്നത്.

ഗിഫ്റ്റ് നിഫ്റ്റി 26 പോയിന്‍റ് നേട്ടത്തോടെയാണ് ഇന്ന് വ്യാപാരം ആരംഭിച്ചത്. ബെഞ്ച്മാര്‍ക്ക് സൂചികകളും നേട്ടത്തില്‍ തുടങ്ങിയേക്കാമെന്ന സൂചനയാണ് ഡെറിവേറ്റിവ് വിപണി നല്‍കുന്നത്.

ഇന്ന് ശ്രദ്ധ നേടുന്ന ഓഹരികള്‍

ടാറ്റ കൺസ്യൂമർ പ്രോഡക്‌ട്‌സ്: ആരോഗ്യകരമായ പ്രവർത്തന സംഖ്യകൾ ഉണ്ടായിരുന്നിട്ടും എഫ്എംസിജി കമ്പനിയുടെ ഏകീകൃത ലാഭത്തിൽ 17.3 ശതമാനം വാര്‍ഷിക ഇടിവ് രേഖപ്പെടുത്തി. ഡിസംബറിൽ അവസാനിച്ച പാദത്തിൽ 301.5 കോടി രൂപയാണ് ലാഭം. 91.53 കോടി രൂപയുടെ ഒരു അസാധാരണ നഷ്ടം വന്നതാണ് ലാഭം കുറച്ചത്. പ്രവർത്തന വരുമാനം 9.5 ശതമാനം വർധിച്ച് 3,804 കോടി രൂപയായി.

പവർ ഗ്രിഡ് കോർപ്പറേഷൻ ഓഫ് ഇന്ത്യ: സർക്കാർ ഉടമസ്ഥതയിലുള്ള ഇലക്‌ട്രിക് സർവീസ് കമ്പനിയുടെ, ഒക്ടോബർ-ഡിസംബർ കാലയളവിലെ ഏകീകൃത അറ്റാദായം 10.5 ശതമാനം വാര്‍ഷിക വളർച്ചയോടെ 4,028.3 കോടി രൂപയായി. . പ്രവർത്തന വരുമാനം 2.6 ശതമാനം വർധിച്ച് 11,549.8 കോടി രൂപയായി.

ലുപിൻ:ഡിസംബറിൽ അവസാനിച്ച പാദത്തിൽ ഫാർമ കമ്പനിയുടെ ഏകീകൃത ലാഭം നാലിരട്ടി വർധിച്ച് 613.1 കോടി രൂപയായി. മുൻ വർഷം ഇതേ കാലയളവിൽ ഇത് 153.5 കോടി രൂപയായിരുന്നു. യുഎസിലെ ബിസിനസ് 23.7 ശതമാനവും ഇന്ത്യയിലെ ബിസിനസ് 13.4 ശതമാനവും വളർച്ച നേടി. പ്രവർത്തന വരുമാനം20.2 ശതമാനം ഉയർന്ന് 5,197.4 കോടി രൂപയായി.

എസ്‍ജിവിഎന്‍: 200 മെഗാവാട്ട് സോളാർ പവർ പ്രോജക്ടിനായി ഗുജറാത്ത് ഊർജ വികാസ് നിഗത്തിൽ നിന്ന് കമ്പനിക്ക് ലെറ്റർ ഓഫ് ഇൻ്റൻ്റ് ലഭിച്ചു.

അപ്പോളോ ടയേഴ്‌സ്: മൂന്നാം പാദത്തിൽ ടയർ നിർമ്മാണ കമ്പനി 496.6 കോടി രൂപ ഏകീകൃത ലാഭം രേഖപ്പെടുത്തി, ആരോഗ്യകരമായ പ്രവർത്തന നമ്പറുകളുടെ പിൻബലത്തിൽ ലാഭം മുൻ വർഷം സമാന കാലയളവിനെ അപേക്ഷിച്ച് 78.1 ശതമാനം വളർച്ച നേടി. ഇതേ കാലയളവിൽ പ്രവർത്തന വരുമാനം 2.7 ശതമാനം വർധിച്ച് 6,595.4 കോടി രൂപയായി.

മാൻകൈൻഡ് ഫാർമ: ചുരുങ്ങിയ പൊതു ഓഹരി പങ്കാളിത്തത്തിന്‍റെ മാനദണ്ഡം പാലിക്കുന്നതിനായി മൻകൈൻഡിലെ 1.62 ശതമാനം സംയോജിത ഓഹരി വിൽക്കാൻ പ്രമോട്ടർമാരായ ശീതൾ അറോറ, അർജുൻ ജുനേജ, പൂജ ജുനെജ എന്നിവർ തീരുമാനിച്ചു. ഇതിനായി ഏകദേശം 1,330 കോടി രൂപയുടെ ഒരു ബ്ലോക്ക് ഡീൽ ആരംഭിച്ചിട്ടുണ്ട്.

ക്രൂഡ് ഓയില്‍ വില

യുഎസ് ഇന്ധന സ്റ്റോക്കുകളിലെ ഇടിവും മിഡിൽ ഈസ്റ്റിലെ വർദ്ധിച്ചുവരുന്ന പിരിമുറുക്കവും മൂലം ക്രൂഡ് ഓയിൽ വില ബുധനാഴ്ച തുടർച്ചയായ മൂന്നാം ദിവസവും ഉയർന്നു.

ബ്രെൻ്റ് ക്രൂഡ് ഫ്യൂച്ചറുകൾ 62 സെൻറ് ഉയർന്ന്, അല്ലെങ്കിൽ 0.79% ഉയർന്ന് ബാരലിന് 79.21 ഡോളറായി, യുഎസ് വെസ്റ്റ് ടെക്സസ് ഇൻ്റർമീഡിയറ്റ് ക്രൂഡ് 55 സെൻറ് അല്ലെങ്കിൽ 0.75% ഉയർന്ന് 73.86 ഡോളറിലെത്തി.

വിദേശ ഫണ്ടുകളുടെ ഗതി

വിദേശ സ്ഥാപന നിക്ഷേപകർ (എഫ്ഐഐകൾ) ഇന്നലെ ഓഹരികളില്‍ 1,691.02 കോടി രൂപയുടെ അറ്റവില്‍പ്പന നടത്തിയപ്പോള്‍ ആഭ്യന്തര സ്ഥാപന നിക്ഷേപകർ (ഡിഐഐകൾ) 327.73 കോടി രൂപയുടെ അറ്റ വാങ്ങലാണ് നടത്തിയതെന്ന് എൻഎസ്ഇയിൽ നിന്നുള്ള താൽക്കാലിക കണക്കുകൾ കാണിക്കുന്നു.

ഓഹരി വിപണി വാര്‍ത്തകള്‍ അറിയാന്‍

നിരാകരണം: ഈ ലേഖനം വിജ്ഞാനത്തെ മാത്രം ഉദ്ദേശിച്ചുള്ളതാണ്, നിക്ഷേപ ശുപാര്‍ശയല്ല. ഓഹരി നിക്ഷേപം വിപണിയുടെ ലാഭ നഷ്ട സാധ്യതകൾക്ക് വിധേയമാണ്. ഓഹരി വിപണിയിൽ നിക്ഷേപിക്കും മുമ്പെ അംഗീകൃത സാമ്പത്തിക വിദഗ്ധന്റെ സേവനം തേടേണ്ടതാണ്. നിക്ഷേപങ്ങളിലൂടെയുണ്ടാകുന്ന നഷ്ടങ്ങള്‍ക്ക് ലേഖകനോ മൈഫിന്‍ പോയിന്‍റിനോ ഉത്തവരാദിത്തം ഉണ്ടായിരിക്കുന്നതല്ല.

വിപണി തുറക്കും മുന്‍പുള്ള മൈഫിന്‍ ടിവിയിലെ ലൈവ് അവലോകനം കാണാം