എട്ട് കമ്പനികളുടെ വിപണി മൂല്യത്തില്‍ 1.65 ട്രില്യണ്‍ രൂപയുടെ ഇടിവ്

കഴിഞ്ഞ ആഴ്ച ഏറ്റവും മൂല്യമുള്ള പത്ത് കമ്പനികളില്‍ എട്ട് കമ്പനികളുടെ വിപണി മൂല്യത്തില്‍ 1,65,784.9 കോടി രൂപയുടെ ഇടിവ്. ഓഹരി വിപണിയിലെ ഇടിവിന്റെ പ്രവണതകള്‍ക്ക് അനുസൃതമായി ടാറ്റ കണ്‍സള്‍ട്ടന്‍സി സര്‍വീസസ് (ടിസിഎസ്) ആണ് ഏറ്റവും വലിയ തിരിച്ചടി നേരിട്ടത്.

കഴിഞ്ഞ ആഴ്ച ബിഎസ്ഇ സൂചിക 628.15 പോയിന്റ് അഥവാ 0.82 ശതമാനം ഇടിഞ്ഞു. നിഫ്റ്റി 133.35 പോയിന്റ് അഥവാ 0.58 ശതമാനവും ഇടിഞ്ഞു. ടിസിഎസിന്റെ വിപണി മൂല്യം 53,185.89 കോടി രൂപ ഇടിഞ്ഞ് 13,69,717.48 കോടി രൂപയായി.

ഭാരതി എയര്‍ടെല്ലിന്റെ വിപണി മൂലധനം (എംക്യാപ്പ്) 44,407.77 കോടി രൂപ ഇടിഞ്ഞ് 9,34,223.77 കോടി രൂപയായി.

ഐസിഐസിഐ ബാങ്കിന്റെ മൂല്യം 18,235.45 കോടി രൂപ ഇടിഞ്ഞ് 8,70,579.68 കോടി രൂപയിലും ഹിന്ദുസ്ഥാന്‍ യൂണിലിവറിന്റെ മൂല്യം 17,962.62 കോടി രൂപ ഇടിഞ്ഞ് 5,26,684.38 കോടി രൂപയിലുമെത്തി.

ഇന്‍ഫോസിസിന്റെ വിപണി മൂല്യത്തില്‍ 17,086.61 കോടി രൂപയുടെ ഇടിവ് നേരിട്ടു, ഇത് 7,53,700.15 കോടി രൂപയായി.

ഐടിസിയുടെ വിപണി മൂലധനം 11,949.42 കോടി രൂപ ഇടിഞ്ഞ് 5,01,750.43 കോടി രൂപയായും എച്ച്ഡിഎഫ്സി ബാങ്കിന്റെ വിപണി മൂലധനം 2,555.53 കോടി രൂപ ഇടിഞ്ഞ് 12,94,152.82 കോടി രൂപയായും കുറഞ്ഞു.സ്റ്റേറ്റ് ബാങ്ക് ഓഫ് ഇന്ത്യയുടെ മൂല്യം 401.61 കോടി രൂപ കുറഞ്ഞ് 6,43,955.96 കോടി രൂപയായി.

എന്നിരുന്നാലും, റിലയന്‍സ് ഇന്‍ഡസ്ട്രീസിന്റെ എംകാപ്പ് 14,547.3 കോടി രൂപ ഉയര്‍ന്ന് 16,61,369.42 കോടി രൂപയായി. ബജാജ് ഫിനാന്‍സ് 384.33 കോടി രൂപ കൂടി ചേര്‍ത്ത് 5,20,466.75 കോടി രൂപയായി.

റിലയന്‍സ് ഇന്‍ഡസ്ട്രീസ് തന്നെയാണ് രാജ്യത്തെ ഏറ്റവും മൂല്യമുള്ള കമ്പനി. ടിസിഎസ്, എച്ച്ഡിഎഫ്സി ബാങ്ക്, ഭാരതി എയര്‍ടെല്‍, ഐസിഐസിഐ ബാങ്ക്, ഇന്‍ഫോസിസ്, സ്റ്റേറ്റ് ബാങ്ക് ഓഫ് ഇന്ത്യ, ഹിന്ദുസ്ഥാന്‍ യൂണിലിവര്‍, ബജാജ് ഫിനാന്‍സ്, ഐടിസി എന്നിവയാണ് തൊട്ടുപിന്നില്‍.