എംക്യാപ്:എച്ച്ഡിഎഫ്‌സി ബാങ്കിനും എയര്‍ടെല്ലിനും മികച്ച നേട്ടം

രാജ്യത്തെ ഏറ്റവും മൂല്യമുള്ള 10 കമ്പനികളില്‍ ആറിന്റെ വിപണിമൂല്യം 1.18 ലക്ഷം കോടി കുതിച്ചുയര്‍ന്നു. എച്ച്ഡിഎഫ്സി ബാങ്കും ഭാരതി എയര്‍ടെലും ഏറ്റവും നേട്ടമുണ്ടാക്കുന്നവരായി മാറി. ആറു കമ്പനികളുടെ എംക്യാപ് 1,18,151.75 കോടി രൂപയായാണ് ഉയര്‍ന്നത്.

കഴിഞ്ഞയാഴ്ച ബിഎസ്ഇ ബെഞ്ച്മാര്‍ക്ക് 354.23 പോയിന്റ് അഥവാ 0.45 ശതമാനവുംനിഫ്റ്റി 77.8 പോയിന്റ് അഥവാ 0.33 ശതമാനവും ഉയര്‍ന്നു.

റിലയന്‍സ് ഇന്‍ഡസ്ട്രീസ്, എച്ച്ഡിഎഫ്സി ബാങ്ക്, ഭാരതി എയര്‍ടെല്‍, ഐസിഐസിഐ ബാങ്ക്, ഇന്‍ഫോസിസ്, ബജാജ് ഫിനാന്‍സ് എന്നിവ ആദ്യ 10 കമ്പനികളില്‍ നേട്ടമുണ്ടാക്കിയപ്പോള്‍, ടാറ്റ കണ്‍സള്‍ട്ടന്‍സി സര്‍വീസസ് (ടിസിഎസ്), സ്റ്റേറ്റ് ബാങ്ക് ഓഫ് ഇന്ത്യ, ഹിന്ദുസ്ഥാന്‍ യുണിലിവര്‍, ഐടിസി എന്നിവ മൂല്യത്തില്‍ ഇടിവ് നേരിട്ടു. ഈ നാല് സ്ഥാപനങ്ങള്‍ക്കും കൂടി 1.15 ലക്ഷം കോടി രൂപ മൂല്യനിര്‍ണയത്തില്‍ നഷ്ടമായി.

എച്ച്ഡിഎഫ്സി ബാങ്കിന്റെ വിപണി മൂല്യം 32,639.98 കോടി രൂപ ഉയര്‍ന്ന് 13,25,090.58 കോടി രൂപയായി. ഭാരതി എയര്‍ടെല്‍ 31,003.44 കോടി രൂപ കൂട്ടി, അതിന്റെ മൂല്യം 9,56,205.34 കോടി രൂപയായി.

ബജാജ് ഫിനാന്‍സിന്റെ വിപണി മൂലധനം (എംക്യാപ്) 29,032.08 കോടി രൂപ ഉയര്‍ന്ന് 5,24,312.82 കോടി രൂപയായും ഇന്‍ഫോസിസിന്റെ വിപണി മൂലധനം 21,114.32 കോടി രൂപ ഉയര്‍ന്ന് 7,90,074.08 കോടി രൂപയായും ഉയര്‍ന്നു.

റിലയന്‍സ് ഇന്‍ഡസ്ട്രീസ് 2,977.12 കോടി രൂപ ഉയര്‍ന്ന് 17,14,348.66 കോടി രൂപയായും ഐസിഐസിഐ ബാങ്കിന്റേത് 1,384.81 കോടി രൂപ ഉയര്‍ന്ന് 8,87,632.56 കോടി രൂപയായും ഉയര്‍ന്നു.

എന്നിരുന്നാലും, ഐടിസിയുടെ മൂല്യം 39,474.45 കോടി രൂപ കുറഞ്ഞ് 5,39,129.60 കോടി രൂപയായി. ഹിന്ദുസ്ഥാന്‍ യുണിലിവറിന്റെ മൂല്യം 33,704.89 കോടി രൂപ ഇടിഞ്ഞ് 5,55,361.14 കോടി രൂപയായി.

സ്റ്റേറ്റ് ബാങ്ക് ഓഫ് ഇന്ത്യയുടെ വിപണി മൂല്യം 25,926.02 കോടി രൂപ കുറഞ്ഞ് 6,57,789.12 കോടി രൂപയായും ടിസിഎസിന്റേത് 16,064.31 കോടി രൂപ കുറഞ്ഞ് 14,57,854.09 കോടി രൂപയായും എത്തി.

റിലയന്‍സ് ഇന്‍ഡസ്ട്രീസ് ആണ് രാജ്യത്ത് ഏറ്റവും മൂല്യമുള്ള സ്ഥാപനം. ടിസിഎസ്, എച്ച്ഡിഎഫ്‌സി ബാങ്ക്, ഭാരതി എയര്‍ടെല്‍, ഐസിഐസിഐ ബാങ്ക്, ഇന്‍ഫോസിസ്, സ്റ്റേറ്റ് ബാങ്ക് ഓഫ് ഇന്ത്യ, ഹിന്ദുസ്ഥാന്‍ യുണിലിവര്‍, ഐടിസി, ബജാജ് ഫിനാന്‍സ് എന്നീ സ്ഥാപനങ്ങള്‍ പിന്നാലെയുണ്ട്.