ഏറ്റവും കൂടുതല്‍ നേട്ടമുണ്ടാക്കിയത് റിലയന്‍സും ടിസിഎസും

കഴിഞ്ഞ ആഴ്ച ഏറ്റവും മൂല്യമുള്ള പത്ത് കമ്പനികളില്‍ ഏഴ് കമ്പനികളുടെ വിപണി മൂല്യം 2,10,254.96 കോടി രൂപ വര്‍ധിച്ചു. റിലയന്‍സ് ഇന്‍ഡസ്ട്രീസും ടാറ്റ കണ്‍സള്‍ട്ടന്‍സി സര്‍വീസസും ഏറ്റവും കൂടുതല്‍ നേട്ടമുണ്ടാക്കി.

കഴിഞ്ഞ ആഴ്ച ബിഎസ്ഇ സെന്‍സെക്‌സ് 1,134.48 പോയിന്റ് അഥവാ 1.55 ശതമാനം ഉയര്‍ന്നു. എന്‍എസ്ഇ നിഫ്റ്റി 427.8 പോയിന്റ് അഥവാ 1.93 ശതമാനം ഉയര്‍ന്നു.

റിലയന്‍സ് ഇന്‍ഡസ്ട്രീസിന്റെ വിപണി മൂലധനം (എംക്യാപ്) 66,985.25 കോടി രൂപ ഉയര്‍ന്ന് 16,90,328.70 കോടി രൂപയായി.

ടാറ്റ കണ്‍സള്‍ട്ടന്‍സി സര്‍വീസസിന്റെ (ടിസിഎസ്) വിപണി മൂല്യം 46,094.44 കോടി രൂപ ഉയര്‍ന്ന് 13,06,599.95 കോടി രൂപയായി. വിപണി മൂല്യത്തിലെ ഈ കുത്തനെയുള്ള വര്‍ധനവോടെ, ടിസിഎസ് വീണ്ടും ഏറ്റവും മൂല്യമുള്ള പത്ത് കമ്പനികളുടെ പട്ടികയില്‍ രണ്ടാം സ്ഥാനത്തേക്ക് ഉയര്‍ന്നു.

സ്റ്റേറ്റ് ബാങ്ക് ഓഫ് ഇന്ത്യയുടെ വിപണി മൂല്യം 39,714.56 കോടി രൂപ വര്‍ധിച്ച് 6,53,951.53 കോടി രൂപയായി. ഭാരതി എയര്‍ടെല്ലിന്റെ വിപണി മൂല്യം 35,276.3 കോടി രൂപ ഉയര്‍ന്ന് 9,30,269.97 കോടി രൂപയുമായി.

ഐടിസിയുടെ വിപണി മൂല്യം 11,425.77 കോടി രൂപ ഉയര്‍ന്ന് 5,05,293.34 കോടി രൂപയിലെത്തി. ഐസിഐസിഐ ബാങ്കിന്റെ മൂല്യം 7,939.13 കോടി രൂപ ഉയര്‍ന്ന് 8,57,743.03 കോടി രൂപയിലുമെത്തി.

ഹിന്ദുസ്ഥാന്‍ യൂണിലിവറിന്റെ വിപണി മൂല്യം 2,819.51 കോടി രൂപ വര്‍ധിച്ചു. ഇതോടെ വിപണി മൂലധനം 5,17,802.92 കോടി രൂപയായി.

എന്നാല്‍ എച്ച്ഡിഎഫ്സി ബാങ്കിന്റെ വിപണി മൂല്യം 31,832.92 കോടി രൂപ ഇടിഞ്ഞ് 12,92,578.39 കോടി രൂപയിലെത്തി. ബജാജ് ഫിനാന്‍സിന്റെ വിപണി മൂല്യം 8,535.74 രൂപ ഇടിഞ്ഞ് 5,20,981.25 കോടി രൂപയാകുകയും ചെയ്തു.

ഇന്‍ഫോസിസിന്റെ വിപണി മൂലധനം 955.12 കോടി രൂപ ഇടിഞ്ഞ് 7,00,047.10 കോടി രൂപയായി.

റിലയന്‍സ് ഇന്‍ഡസ്ട്രീസ് ഏറ്റവും മൂല്യമുള്ള കമ്പനിയായി തുടര്‍ന്നു. ടിസിഎസ്, എച്ച്ഡിഎഫ്‌സി ബാങ്ക്, ഭാരതി എയര്‍ടെല്‍, ഐസിഐസിഐ ബാങ്ക്, ഇന്‍ഫോസിസ്, സ്റ്റേറ്റ് ബാങ്ക് ഓഫ് ഇന്ത്യ, ബജാജ് ഫിനാന്‍സ്, ഹിന്ദുസ്ഥാന്‍ യൂണിലിവര്‍, ഐടിസി എന്നിവയാണ് തൊട്ടുപിന്നില്‍.