വിപണിമൂല്യം; ഏറ്റവും വലിയ നേട്ടം എല്‍ഐസിക്ക്

ഏറ്റവും കൂടുതല്‍ മൂല്യമുള്ള 10 കമ്പനികളില്‍ ഒമ്പത് കമ്പനികളുടെ വിപണി മൂല്യം കഴിഞ്ഞയാഴ്ച 2,29,589.86 കോടി രൂപ ഉയര്‍ന്നു. ബെഞ്ച്മാര്‍ക്ക് സൂചികകളിലെ റാലിക്കൊപ്പം ലൈഫ് ഇന്‍ഷുറന്‍സ് കോര്‍പ്പറേഷന്‍ ഓഫ് ഇന്ത്യയാണ് ഏറ്റവും വലിയ നേട്ടമുണ്ടാക്കിയത്.

കഴിഞ്ഞ ആഴ്ച, ബിഎസ്ഇ ബെഞ്ച്മാര്‍ക്ക് സെന്‍സെക്‌സ് 685.68 പോയിന്റ് അല്ലെങ്കില്‍ 0.86 ശതമാനം ഉയര്‍ന്നു, എന്‍എസ്ഇ നിഫ്റ്റി 223.85 പോയിന്റ് അല്ലെങ്കില്‍ 0.93 ശതമാനം ഉയര്‍ന്നു.

ലൈഫ് ഇന്‍ഷുറന്‍സ് കോര്‍പ്പറേഷന്‍ ഓഫ് ഇന്ത്യയുടെ (എല്‍ഐസി) മൂല്യം 60,656.72 കോടി രൂപ ഉയര്‍ന്ന് 6,23,202.02 കോടി രൂപയായി.

എച്ച്ഡിഎഫ്സി ബാങ്കിന്റെ എംക്യാപ് 39,513.97 കോടി രൂപ കൂട്ടി, അതിന്റെ മൂല്യം 13,73,932.11 കോടി രൂപയായി ഉയര്‍ന്നു.

റിലയന്‍സ് ഇന്‍ഡസ്ട്രീസിന്റെ വിപണി മൂല്യം 35,860.79 കോടി രൂപ ഉയര്‍ന്ന് 17,48,991.54 കോടി രൂപയായും ഭാരതി എയര്‍ടെല്ലിന്റെ വിപണി മൂല്യം 32,657.06 കോടി രൂപ ഉയര്‍ന്ന് 9,26,725.90 കോടി രൂപയായും ഉയര്‍ന്നു.

സ്റ്റേറ്റ് ബാങ്ക് ഓഫ് ഇന്ത്യയുടെ വിപണി മൂലധനം (എംക്യാപ്) 20,482 കോടി രൂപ ഉയര്‍ന്ന് 7,48,775.62 കോടി രൂപയായും ഐസിഐസിഐ ബാങ്കിന്റേത് 15,858.02 കോടി രൂപ സമാഹരിച്ച് 9,17,724.24 കോടി രൂപയിലുമെത്തി.

ഹിന്ദുസ്ഥാന്‍ യുണിലിവറിന്റെ മൂല്യം 11,947.67 കോടി രൂപ ഉയര്‍ന്ന് 5,86,516.72 കോടി രൂപയായും ടാറ്റ കണ്‍സള്‍ട്ടന്‍സി സര്‍വീസസ് (ടിസിഎസ്) 10,058.28 കോടി രൂപ ഉയര്‍ന്ന് 15,46,207.79 കോടി രൂപയായും ഉയര്‍ന്നു.

ഐടിസിയുടെ മൂല്യം 2,555.35 കോടി രൂപ ഉയര്‍ന്ന് 5,96,828.28 കോടി രൂപയിലെത്തി. എന്നാല്‍ ഇന്‍ഫോസിസിന്റെ എംക്യാപ് 18,477.5 കോടി രൂപ കുറഞ്ഞ് 7,71,674.33 കോടി രൂപയായി.

റിലയന്‍സ് ഇന്‍ഡസ്ട്രീസ് ഏറ്റവും മൂല്യമുള്ള ആഭ്യന്തര സ്ഥാപനമായി തുടര്‍ന്നു.ടിസിഎസ്, എച്ച്ഡിഎഫ്‌സി ബാങ്ക്, ഭാരതി എയര്‍ടെല്‍, ഐസിഐസിഐ ബാങ്ക്, ഇന്‍ഫോസിസ്, സ്റ്റേറ്റ് ബാങ്ക് ഓഫ് ഇന്ത്യ, എല്‍ഐസി, ഐടിസി, ഹിന്ദുസ്ഥാന്‍ യുണിലിവര്‍ എന്നിവ തൊട്ടുപിന്നിലാണ്.