കേരള കമ്പനികൾ ഇന്ന്: കുതിച്ചുയർന്ന്‌ ടോളിന്‍സ് ടയേര്‍സ് ഓഹരികൾ

കേരള കമ്പനികളിൽ ടോളിന്‍സ് ടയേര്‍സ് ഓഹരികളായിരുന്നു ഇന്ന് മികച്ച നേട്ടം നൽകിയത്. മുൻ ദിവസത്തെ ക്ലോസിംഗിൽ നിന്നും 8.52 ശതമാനം കുതിപ്പോടെ 215.68 രൂപയിൽ വ്യാപാരം അവസാനിപ്പിച്ചു. ഏകദേശം 6.58 ലക്ഷം ഓഹരികളുടെ വ്യാപാരമാണ് ഇന്ന് വിപണിയിൽ നടന്നത്. ഇതോടെ കമ്പനിയുടെ വിപണി മൂല്യം 785 കോടി രൂപയിലെത്തി. ഓഹരികളുടെ 52 ആഴ്ച്ചയിലെ ഉയർന്ന വില 259.20 രൂപയും താഴ്ന്ന്‌ വില 156.40 രൂപയുമാണ്.

കിറ്റക്സ് ഓഹരികൾ 4.83 ശതമാനം കുതിപ്പോടെ 732.40 രൂപയിലെത്തി. വണ്ടര്‍ലാ ഹോളിഡേയ്‌സ് ഓഹരികൾ 3.97 ശതമാനം നേട്ടത്തോടെ 764.05 രൂപയിൽ ക്ലോസ് ചെയ്തു. സൗത്ത് ഇന്ത്യന്‍ ബാങ്ക് ഓഹരികൾ 3.18 ശതമാനം വർധനയോടെ 25.95 രൂപയിൽ വ്യാപാരം അവസാനിപ്പിച്ചു. മുത്തൂറ്റ് ഫിനാൻസ് ഓഹരികൾ 1.89 ശതമാനം ഉയർന്ന് 2256.90 രൂപയിലെത്തി. ഹാരിസൺസ് മലയാളം ഓഹരികൾ 3.16 ശതമാനം നേട്ടം നൽകി 326.15 രൂപയിൽ ക്ലോസ് ചെയ്തു.

കേരള ആയുർവേദ ഓഹരികൾ 5.58 ശതമാനം നഷ്ടത്തോടെ 414.95 രൂപയിൽ വ്യാപാരം അവസാനിപ്പിച്ചു. വി-ഗാര്‍ഡ് ഇന്‍ഡസ്ട്രീസ് ഓഹരികൾ 3.83 ശതമാനം ഇടിവോടെ 429.45 രൂപയിൽ ക്ലോസ് ചെയ്തതു. ഇസാഫ് സ്‌മോള്‍ ഫിനാന്‍സ് ബാങ്ക് ഓഹരികൾ 1.87 ശതമാനം താഴ്ന്ന്‌ 42.04 രൂപയിലെത്തി. മണപ്പുറം ഫിനാൻസ് ഓഹരികൾ 0.38 ശതമാനം നഷ്ടത്തിൽ 190.84 രൂപയിൽ വ്യാപാരം അവസാനിപ്പിച്ചു. അപ്പോളോ ടയേഴ്‌സ് ഓഹരികൾ 0.19 ശതമാനം ഇടിവിൽ 526.55 രൂപയിൽ വ്യാപാരം അവസാനിപ്പിച്ചു.