ഇസ്രായേൽ-ഹമാസ് യുദ്ധം; കുതിച്ചുയർന്ന് വളം കമ്പനികൾ

ഇസ്രായേൽ-ഹമാസ് യുദ്ധം 15-ാം ദിവസം പിന്നിടുമ്പോള്‍, ഗാസയിലെ ആശുപത്രി ബോംബാക്രമണത്തിന് ശേഷം മിഡിൽ ഈസ്റ്റിൽ സംഘർഷം ഇപ്പോഴും നിലനില്‍ക്കുന്നു.ആഗോള നേതാക്കൾ ഇസ്രായേലും ഹമാസും തമ്മിൽ സമാധാന ഉടമ്പടി കൊണ്ടുവരുന്ന തിരക്കിലാണെങ്കിലും, ഓഹരി വിപണിയിലെ നിക്ഷേപകർ യുദ്ധ സമയത്ത്മികച്ച നിക്ഷേപങ്ങളുടെ പിറകെയാണ്. രാസവള കമ്പനികളിൽ യുദ്ധം വലിയ സ്വാധിനമാണ് ചെലുത്തിയത്. ഇസ്രായേൽ-പാലസ്തീൻ സംഘർഷം വ്യാപിച്ചതിന് ശേഷം, കഴിഞ്ഞ രണ്ടാഴ്ചയ്ക്കിടെ ചില രാസവള ഓഹരികൾ 40 ശതമാനത്തോളം ഉയർന്നിട്ടുണ്ട്.

സ്റ്റോക്ക് മാർക്കറ്റ് വിദഗ്ധരുടെ അഭിപ്രായത്തിൽ, ഇസ്രായേൽ-ഹമാസ് യുദ്ധം തുടരുമ്പോൾ ആഗോള വളം വിതരണത്തിൽ ഇടിവ് രേഖപെടുത്തിയിട്ടുണ്ട്. ഇസ്രായേലിന്റെ അഷ്‌ഡോഡ് തുറമുഖം പൊട്ടാഷ് കയറ്റുമതിയുടെ പ്രധാന കേന്ദ്രമാണെന്നും യുദ്ധസാധ്യത ഇസ്രായേലിലെ ഈ നിർണായക തുറമുഖത്തിന്റെ പ്രവർത്തനത്തെ ബാധിച്ചിട്ടുണ്ടെന്നും വിപണി വിദഗ്ധർ പറയുന്നു. തൽഫലമായി, ഷിപ്പിംഗ് നിയന്ത്രണങ്ങളും ഏർപ്പെടുത്തിയിട്ടുണ്ട്, ഇത് ചരക്കുകളുടെ സുഗമമായ ഒഴുക്കിന് തടസ്സമാകാൻ സാധ്യത ഏറെയാണ്. അഷ്‌ഡോഡിനെ വളരെയധികം ആശ്രയിക്കുന്ന ലോകത്തിലെ ഏറ്റവും വലിയ വളം കമ്പനികളിലൊന്നായ ഐസിഎൽ ഗ്രൂപ്പ്, അടിയന്തരാവസ്ഥയ്ക്കിടയിലും പ്രവർത്തനങ്ങൾ തുടരുന്നതായി അറിയിച്ചു. റഷ്യ-ഉക്രെയ്ൻ യുദ്ധത്തിൽ നിന്ന് പാഠം ഉൾക്കൊണ്ടാണ് നിക്ഷേപകർ വളം സ്റ്റോക്കുകൾ വാങ്ങുന്നതെന്ന് കൂട്ടിച്ചേർത്തു. റഷ്യ-ഉക്രെയ്ൻ യുദ്ധസമയത്ത് രാസവള ഓഹരികളിൽ കുതിച്ചു ചട്ടം വ്യക്തമായിരുന്നു.

യുദ്ധം പ്രതികൂലമായ ഓഹരികൾ

ഗുജറാത്ത് സ്റ്റേറ്റ് ഫെർട്ടിലൈസേഴ്‌സ് ആൻഡ് കെമിക്കൽസ് ഓഹരികൾ ഇസ്രായേൽ യുദ്ധ കാരണത്താൽ ഏകദേശം 167.50 മുതൽ 203 രൂപയോളമാണ് ഉയർന്നത്. നിക്ഷേപകർക്ക് ഓഹരി 20 ശതമാനത്തിലധികം റിട്ടേണാണ് നൽകിയത്. ഫെർട്ടിലൈസേഴ്‌സ് ആൻഡ് കെമിക്കൽസ് ട്രാവൻകൂറിന്റെ (ഫാക്ട്) ഓഹരി വില ഇസ്രായേൽ-പലസ്തീൻ സംഘർഷ സമയത്ത് 510 രൂപയിൽ നിന്ന് 710 രൂപയോളം ഉയർന്നു. ഓഹരിയുടമകൾക്ക് ഏകദേശം 40 ശതമാനത്തോളം റിട്ടേൺ നൽകി. ഗുജറാത്ത് നർമ്മദാ വാലി ഫെർട്ടിലൈസേഴ്‌സ് ആൻഡ് കെമിക്കൽസ് (ജിഎൻഎഫ്‌സി) ഓഹരി വില ഏകദേശം 610 രൂപയിൽ നിന്ന് 655 രൂപയായി ഉയർന്നു. മദ്രാസ് ഫെർട്ടിലൈസേഴ്സിന്റെ ഓഹരി വില 73.45 രൂപയിൽ നിന്ന് 82.50 രൂപയായും ഉയർന്നിട്ടുണ്ട്.

രാസവള വിതരണ ശൃംഖലയിൽ ഇസ്രായേൽ തുറമുഖത്തിന്റെ പ്രാധാന്യം ഓർമ്മിപ്പിച്ചുകൊണ്ട്, ബൊനാൻസ പോർട്ട്ഫോളിയോയിലെ റിസർച്ച് അനലിസ്റ്റ് ഓംകാർ കാംതേകർ പറഞ്ഞു, "ഗസ്സയുടെ വടക്ക് സ്ഥിതി ചെയ്യുന്ന ഇസ്രായേലിലെ അഷ്ഡോദ് തുറമുഖം രാജ്യത്തിന്റെ പൊട്ടാഷ് വളം കയറ്റുമതിയുടെ നിർണായക കേന്ദ്രമാണ്. ഈ തുറമുഖം കണക്കിലെടുക്കുന്നു. ആഗോള പൊട്ടാഷ് വിതരണത്തിന്റെ 3 ശതമാനത്തോളമാണ്. ഇറാൻ സംഘട്ടനത്തിലേക്ക് വന്നാൽ, നൈട്രജന്റെ പ്രധാന കയറ്റുമതി, പ്രകൃതി വാതക ശേഖരം, എന്നിവയുടെ മുഖ്യ കേന്ദ്രമാണ് ഇറാൻ. ഇവ രണ്ടും നൈട്രജൻ അടിസ്ഥാനമാക്കിയുള്ള രാസവളങ്ങളുടെ ഉൽപാദനത്തിലെ പ്രധാന ഘടകങ്ങളാണ്."