ആഗോള സൂചനകൾ അനുകൂലം, ഗിഫ്റ്റ് നിഫ്റ്റി ഇടിഞ്ഞു, ഇന്ത്യൻ വിപണി കുതിപ്പ് തുടരാൻ സാധ്യത

ഗിഫ്റ്റ് നിഫ്റ്റി ഇടിവിലാണ് വ്യാപാരം ആരംഭിച്ചത്. എന്നാൽ, ഏഷ്യൻ വിപണികൾ ഉയർന്ന തോതിൽ വ്യാപാരം നടത്തുന്നു. കഴിഞ്ഞയാഴ്ച യുഎസ് ഓഹരി വിപണി സമ്മിശ്രമായി അവസാനിച്ചു. നാസ്ഡാക്ക് തുടർച്ചയായ നാലാമത്തെ പ്രതിവാര നേട്ടം രേഖപ്പെടുത്തി.

ഏഷ്യൻ വിപണി

ജപ്പാനിലെ നിക്കി 225 0.16% ഉയർന്നപ്പോൾ ടോപിക്‌സ് 0.21% ഉയർന്നു. ദക്ഷിണ കൊറിയയുടെ കോസ്‌പി 0.83 ശതമാനവും കോസ്‌ഡാക്ക് 1 ശതമാനവും ഉയർന്നു. ഹോങ്കോങ്ങിൻ്റെ ഹാംഗ് സെംഗ് സൂചിക ഫ്യൂച്ചറുകൾ അല്പം ദുർബലമായ ഓപ്പണിനെ സൂചിപ്പിക്കുന്നു.

ഗിഫ്റ്റ് നിഫ്റ്റി

ഗിഫ്റ്റ് നിഫ്റ്റി 24,780 ലെവലിലാണ് വ്യാപാരം ചെയ്യുന്നത്. നിഫ്റ്റി ഫ്യൂച്ചറിൻ്റെ മുൻ ക്ലോസിൽ നിന്ന് ഏകദേശം 50 പോയിൻ്റുകളുടെ ഇടിവ്. ഇത് ഇന്ത്യൻ ഓഹരി വിപണി സൂചികകൾക്ക് നെഗറ്റീവ് തുടക്കത്തെ സൂചിപ്പിക്കുന്നു.

വാൾ സ്ട്രീറ്റ്

എസ് ആൻ്റ് പി 500, ഡൗ എന്നിവ പ്രതിവാര ഇടിവ് രേഖപ്പെടുത്തി. നാസ്ഡാക്ക് തുടർച്ചയായ നാലാം ആഴ്ചയും നേട്ടമുണ്ടാക്കി. ഡൗ ജോൺസ് വ്യാവസായിക ശരാശരി 86.06 പോയിൻ്റ് കുറഞ്ഞ് 43,828.06 ലും എസ് ആൻ്റ് പി 500 0.16 പോയിൻ്റ് അഥവാ 0.00% കുറഞ്ഞ് 6,051.09 ലും എത്തി. നാസ്ഡാക്ക് കോമ്പോസിറ്റ് 23.88 പോയിൻറ് അഥവാ 0.12 ശതമാനം ഉയർന്ന് 19,926.72 ൽ അവസാനിച്ചു.

ഇന്ത്യൻ വിപണി

ഇന്ത്യൻ ഓഹരി വിപണി സൂചികകൾ ഡിസംബർ 13 വെള്ളിയാഴ്ച തിരിച്ചുവരവിന് സാക്ഷ്യം വഹിച്ചു. നേരത്തെയുള്ള നഷ്ടം വീണ്ടെടുക്കുകയും ആഴ്ചാവസാനം പച്ചയിൽ ക്ലോസ് ചെയ്യുകയും ചെയ്തു. നിഫ്റ്റി 50 സൂചിക 0.89 ശതമാനം ഉയർന്ന് 24,768.30 പോയിൻ്റിൽ ക്ലോസ് ചെയ്തു. ബിഎസ്ഇ സെൻസെക്‌സ് സൂചിക 1.04 ശതമാനം ഉയർന്ന് 82,133.12 പോയിൻ്റിൽ ക്ലോസ് ചെയ്‌തു.

പ്രതിരോധവും പിൻതുണയും

നിഫ്റ്റി

പിവറ്റ് പോയിൻ്റുകളെ അടിസ്ഥാനമാക്കിയുള്ള പ്രതിരോധം: 24,814, 24,958, 25,192

പിന്തുണ: 24,347, 24,203, 23,969

ബാങ്ക് നിഫ്റ്റി

പിവറ്റ് പോയിൻ്റുകളെ അടിസ്ഥാനമാക്കിയുള്ള പ്രതിരോധം: 53,698, 54,026, 54,557

പിന്തുണ: 52,637, 52,309, 51,742

പുട്ട്-കോൾ അനുപാതം

വിപണിയുടെ മൂഡ് സൂചിപ്പിക്കുന്ന നിഫ്റ്റി പുട്ട്-കോൾ അനുപാതം (പിസിആർ) കഴിഞ്ഞ സെഷനിലെ 1.02 ലെവലിൽ നിന്ന് ഡിസംബർ 13 ന് 1.12 ആയി ഉയർന്നു.

ഇന്ത്യ വിക്സ്

തുടർച്ചയായ ആറാം സെഷനിലും അസ്ഥിരത കുറഞ്ഞു. ഇന്ത്യ വിക്സ് സൂചിക, വെള്ളിയാഴ്ച 1.04 ശതമാനം ഇടിഞ്ഞ് 13.05 ൽ എത്തി. കളിഞ്ഞ ആഴ്ചയിൽ ഇത് 7.69 ശതമാനം കുറഞ്ഞു.

വിദേശ നിക്ഷേപക സ്ഥാപനങ്ങൾ

വിദേശ പോർട്ട്‌ഫോളിയോ നിക്ഷേപകർ ബുധനാഴ്ച 2335 കോടി രൂപയുടെ ഓഹരികൾ വാങ്ങി. ആഭ്യന്തര നിക്ഷേപകർ 732 കോടി രൂപയുടെ ഓഹരികൾ വിറ്റു.

രൂപ

ആഭ്യന്തര വിപണികളിലെ ശക്തമായ വീണ്ടെടുക്കലും പണപ്പെരുപ്പ ഡാറ്റ ലഘൂകരിച്ചതും, രൂപയുടെ മൂല്യം വെള്ളിയാഴ്ച എക്കാലത്തെയും താഴ്ന്ന നിലവാരത്തിൽ നിന്ന് തിരിച്ചുവരാൻ സഹായിച്ചു. രൂപ, യുഎസ് ഡോളറിനെതിരെ 8 പൈസയുടെ നേട്ടത്തോടെ 84.80 ൽ എത്തി.

എണ്ണ വില

റഷ്യൻ ക്രൂഡിന്മേൽ യുഎസ് കർശന ഉപരോധം പ്രഖ്യാപിച്ചതോടെ കഴിഞ്ഞയാഴ്ച കുത്തനെ നേട്ടമുണ്ടാക്കിയതിന് ശേഷം തിങ്കളാഴ്ച ക്രൂഡ് ഓയിൽ വില കുറഞ്ഞു.

ബ്രെൻ്റ് ക്രൂഡ് ഓയിൽ കഴിഞ്ഞയാഴ്ച ഏകദേശം 5% ഉയർന്നതിന് ശേഷം ബാരലിന് 0.19% ഇടിഞ്ഞ് 74.35 ഡോളറിലെത്തി. യുഎസ് വെസ്റ്റ് ടെക്സസ് ഇൻ്റർമീഡിയറ്റ് (WTI) ക്രൂഡ് ഫ്യൂച്ചറുകൾ 0.29% ഇടിഞ്ഞ് 71.08 ഡോളറിലെത്തി.

ബിറ്റ് കോയിൻ

ബിറ്റ്കോയിൻ വില റെക്കോർഡ് ഉയരത്തിലേക്ക് കുതിച്ചു. ഒരു ഘട്ടത്തിൽ 2%-ൽ അധികം ഉയർന്ന് 105,023 ഡോളർ എന്ന നിലയിലെത്തി.

ഇന്ന് ശ്രദ്ധിക്കേണ്ട ഓഹരികൾ

വേദാന്ത

ശതകോടീശ്വരൻ അനിൽ അഗർവാളിൻ്റെ നേതൃത്വത്തിലുള്ള വേദാന്ത 2024-25 സാമ്പത്തിക വർഷത്തേക്കുള്ള നാലാമത്തെ ഇടക്കാല ലാഭവിഹിതം ഡിസംബർ 16 തിങ്കളാഴ്ച പ്രഖ്യാപിക്കും.

ഡിക്സൺ ടെക്നോളജീസ്

ഡിക്‌സൺ ടെക്‌നോളജീസും ചൈനീസ് സ്‌മാർട്ട്‌ഫോൺ നിർമാതാക്കളായ വിവോയും സ്‌മാർട്ട്‌ഫോണുകൾ നിർമ്മിക്കുന്ന സംയുക്ത സംരംഭത്തിലേക്ക് കടക്കുന്നു.

കരൂർ വൈശ്യ ബാങ്ക്

സ്വകാര്യ മേഖലയിലെ വായ്പാദാതാവായ കരൂർ വൈശ്യ ബാങ്ക് തമിഴ്‌നാട്ടിൽ നാല് പുതിയ ശാഖകൾ ഉദ്ഘാടനം ചെയ്തു. മൊത്തത്തിലുള്ള ബ്രാഞ്ച് ശൃംഖല 862 ആയി.

ഒ.എൻ.ജി.സി

ഒഎൻജിസി ഗ്രീനിന് നിലവിൽ സ്റ്റോക്ക് മാർക്കറ്റ് ലിസ്റ്റിംഗിന് കൃത്യമായ പദ്ധതികളൊന്നുമില്ലെന്ന് മാതൃ കമ്പനിയായ ഒഎൻജിസി സ്റ്റോക്ക് എക്സ്ചേഞ്ചുകളെ അറിയിച്ചു.

ഹീറോ മോട്ടോകോർപ്പ്

ഹീറോ മോട്ടോകോർപ്പ് ടൈറ്റിൽ സ്പോൺസറായി ഹോക്കി ഇന്ത്യ ലീഗുമായി കരാറിലെത്തി.

റിലയൻസ് ഇൻഡസ്ട്രീസ്

ശതകോടീശ്വരൻ മുകേഷ് അംബാനിയുടെ റിലയൻസ് ഇൻഡസ്ട്രീസ് ലിമിറ്റഡ് (ആർഐഎൽ) നവി മുംബൈ ഐഐഎ പ്രൈവറ്റ് ലിമിറ്റഡിൻ്റെ (എൻഎംഐഐഎ) 74 ശതമാനം ഓഹരി 1,628 കോടി രൂപയ്ക്ക് ഏറ്റെടുത്തതായി അറിയിച്ചു.

പ്രീമിയർ എക്‌സ്‌പ്ലോസീവ്

പ്രതിരോധ, എയ്‌റോസ്‌പേസ് ഉൽപ്പന്നങ്ങൾ നിർമ്മിക്കുന്നതിന് ഒരു ജെവി സ്ഥാപിക്കുന്നതിന് ഗ്ലോബൽ മ്യൂണിഷനുമായി പ്രീമിയർ എക്‌സ്‌പ്ലോസീവ് ധാരണാപത്രം ഒപ്പുവച്ചു.

ഭാരത് ഫോർജ്

ഭാരത് ഫോർജ് വിഭാഗമായ കല്യാണി സ്ട്രാറ്റജിക് സിസ്റ്റംസ് ഇറ്റലിയിലെ എഡ്ജ്ലാബ് എസ്പിഎയുടെ 25% ഓഹരികൾ 2.5 മില്യൺ യൂറോയ്ക്ക് ഏറ്റെടുക്കും.