ഡീ ഡെവലപ്മെന്റ്, ആസാൻ ലോൻസ് ഓഹരികൾ ലിസ്റ്റ് ചെയ്തു

സ്പെഷ്യലൈസ്ഡ് പ്രോസസ്സ് പൈപ്പിങ് സേവനങ്ങൾ നൽകുന്ന ഡിഇഇ പൈപ്പിംഗ് സിസ്റ്റംസ് ഓഹരികൾ വിപണിയിലെത്തിയത് 67 ശതമാനം പ്രീമിയത്തോടെ. ഇഷ്യൂവിലയായ 202 രൂപയിൽ നിന്നും 136 രൂപയുടെ നേട്ടത്തോടെ 339 രൂപയ്ക്കായിരുന്നു ഓഹരികളുടെ ലിസ്റ്റിംഗ്.

ഇഷ്യൂവിലൂടെ കമ്പനി സമാഹരിച്ചത് 418 കോടി രൂപയാണ്. ഇതിൽ 325 കോടി രൂപയുടെ പുതിയ ഇഷ്യൂവും 93 കോടി രൂപയുടെ ഓഫർ ഫോർ സെയിലും ഉൾപ്പെടുന്നു. ജൂൺ 19-ന് ആരംഭിച്ച ഇഷ്യൂ അവസാനിച്ചത് 21-നാണ്. ഇഷ്യൂവിൽ നിന്നും ലഭിക്കുന്ന തുക കമ്പനിയുടെ ഫണ്ടിംഗ് പ്രവർത്തന മൂലധന ആവശ്യങ്ങൾ, കടം തിരിച്ചടവ്, പൊതു കോർപ്പറേറ്റ് ആവശ്യങ്ങൾ എന്നിവയ്ക്കായി ഉപയോഗിക്കും.

ഇഷ്യൂവിൽ നിന്നും ലഭിക്കുന്ന തുക കമ്പനിയുടെ ഫണ്ടിംഗ് പ്രവർത്തന മൂലധന ആവശ്യങ്ങൾ, കടം തിരിച്ചടവ്, പൊതു കോർപ്പറേറ്റ് ആവശ്യങ്ങൾ എന്നിവയ്ക്കായി ഉപയോഗിക്കും.

കൃഷൻ ലളിത് ബൻസാൽ, ആഷിമ ബൻസാൽ, ഡിഡിഇ പൈപ്പിംഗ് കോംപോണൻ്റ്സ് പ്രൈവറ്റ് ലിമിറ്റഡ് എന്നിവരാണ് കമ്പനിയുടെ പ്രൊമോട്ടർമാർ.

1988-ൽ സ്ഥാപിതമായ കമ്പനി എഞ്ചിനീയറിംഗ്, സംഭരണം, നിർമ്മാണം എന്നിവയിലൂടെ എണ്ണ, വാതകം, പവർ, രാസവസ്തുക്കൾ എന്നീ മേഖലയിലുള്ള വ്യവസായങ്ങൾക്ക് പ്രത്യേക പൈപ്പിംഗ് സേവനങ്ങൾ നൽകുന്ന എഞ്ചിനീയറിംഗ് കമ്പനിയാണ്. കമ്പനിക്ക് ഹരിയാനയിലെ പൽവാളിൽ ഏഴ് നിർമ്മാണ കേന്ദ്രങ്ങളുണ്ട്.

ഉയർന്ന മർദ്ദത്തിലുള്ള പൈപ്പിംഗ് സംവിധാനങ്ങൾ, പൈപ്പിംഗ് സ്പൂളുകൾ, ഉയർന്ന ഫ്രീക്വൻസി ഇൻഡക്ഷൻ പൈപ്പ് ബെൻഡുകൾ, വ്യാവസായിക പൈപ്പ് ഫിറ്റിംഗുകൾ, പ്രഷർ വെസലുകൾ, വ്യാവസായിക സ്റ്റാക്കുകൾ, മോഡുലാർ സ്കിഡുകൾ എന്നിവ ഉൾപ്പെടെയുള്ള പൈപ്പിംഗ് ഉൽപ്പന്നങ്ങൾ കമ്പനി നിർമ്മിക്കുകയും വിതരണം ചെയ്യുകയും ചെയ്യുന്നു.

ആസാൻ ലോൻസ്

ബാങ്കിങ് ഇതര ധനകാര്യ സ്ഥാപനമായ ആസാൻ ലോൻസ് ഓഹരികൾ 5.83 ശതമാനം പ്രീമിയതോടെയാണ് വിപണിയിലെത്തിയത്. ഇഷ്യൂവിലൂടെ കമ്പനി സ്വരൂപിച്ചത് 132 കോടി രൂപ. ഇഷ്യൂ വിലയായ 120 രൂപയിൽ നിന്നും 7 രൂപ ഉയർന്ന് 127 രൂപയിലായിരുന്നു ഓഹരികളുടെ ലിസ്റ്റിംഗ്.