ആഗോള വിപണികളിൽ പ്രതീക്ഷയുടെ തിരയിളക്കം, ഇന്ത്യൻ സൂചികകളും ഉയർന്നേക്കും

ആഗോള വിപണികളിലെ പോസിറ്റീവ് വികാരങ്ങൾ അനുസരിച്ച് ഇന്ത്യൻ സൂചികകൾ ഇന്ന് നേട്ടത്തിൽ തുറക്കാൻ സാധ്യത. ഗിഫ്റ്റ് നിഫ്റ്റി 22,650 ലെവലിലാണ് വ്യാപാരം ചെയ്യുന്നത്. നിഫ്റ്റി ഫ്യൂച്ചേഴ്സിൻ്റെ മുൻ ക്ലോസിൽ നിന്ന് 40 പോയിൻ്റിലധികം പ്രീമിയം. ഇതും ഇന്ത്യൻ വിപണിക്ക് നല്ല തുടക്കത്തെ സൂചിപ്പിക്കുന്നു.

ഏഷ്യൻ വിപണികൾ ഏറെക്കുറെ ഉയർന്ന് വ്യാപാരം നടത്തിയപ്പോൾ യുഎസ് സ്റ്റോക്ക് മാർക്കറ്റ് ജോബ് റിപ്പോർട്ടിന് ശേഷം വെള്ളിയാഴ്ച ഉയർന്നു. നിരവധി പ്രധാന കോർപ്പറേറ്റ് ഫലങ്ങളും, മാക്രോ ഇക്കണോമിക് ഡാറ്റ റിലീസുകളും ഈ ആഴ്ച വിപണിയെ നയിക്കും.

2024 സാമ്പത്തിക വർഷത്തിൻ്റെ നാലാം പാദത്തിലെ (Q4FY24) കോർപ്പറേറ്റ് ഫലങ്ങളുടെ ആദ്യ സെറ്റ്, ഇന്ത്യയിലേയും യുഎസിലേയും പണപ്പെരുപ്പ ഡാറ്റ, യുഎസ് ഫെഡറൽ റിസർവ് മീറ്റിംഗ് മിനിറ്റുകൾ, യൂറോപ്യൻ സെൻട്രൽ ബാങ്ക് (ഇസിബി) നയ യോഗങ്ങൾ, കോർപ്പറേറ്റ് പ്രഖ്യാപനങ്ങൾ, ക്രൂഡ് ഓയിൽ വില എന്നിവ ഓഹരി വിപണിയിൽ ഈ ആഴ്ച ചലനങ്ങളുണ്ടാക്കുന്ന ഘടകങ്ങളിൽ ഉൾപ്പെടുന്നു.

റിസർവ് ബാങ്ക് ഓഫ് ഇന്ത്യ (ആർബിഐ) പ്രതീക്ഷകൾക്ക് അനുസൃതമായി പണനയം പ്രഖ്യാപിച്ചതിന് ശേഷം വെള്ളിയാഴ്ച ആഭ്യന്തര സൂചികകൾ ഫ്ലാറ്റായി അവസാനിച്ചു. സെൻട്രൽ ബാങ്ക് റിപ്പോ നിരക്ക് 6.5% ൽ മാറ്റമില്ലാതെ നിലനിർത്തി. ദുർബലമായ ഓപ്പണിംഗിന് ശേഷം നിഫ്റ്റി 50 സൂചിക 22,513 ലെവലിലും ബിഎസ്ഇ സെൻസെക്‌സ് 20 പോയിൻ്റ് കൂട്ടി 74,248 ലും ക്ലോസ് ചെയ്‌തപ്പോൾ ബാങ്ക് നിഫ്റ്റി സൂചിക 432 പോയിൻ്റ് ഉയർന്ന് 48,493 ലെവലിൽ ക്ലോസ് ചെയ്തു. വിശാലമായ വിപണിയിൽ, സ്മോൾ ക്യാപ്, മിഡ് ക്യാപ് സൂചികകൾ കഴിഞ്ഞ ആഴ്ചയിലെ അവസാന സെഷനിൽ 0.50 ശതമാനം ഉയർന്നു.

ഏഷ്യൻ വിപണികൾ

മേഖലയിൽ നിന്നുള്ള പ്രധാന സാമ്പത്തിക ഡാറ്റയ്ക്ക് മുന്നോടിയായി തിങ്കളാഴ്ച ഏഷ്യൻ വിപണികളിൽ സമ്മിശ്ര വ്യാപാരം നടക്കുന്നു. ജപ്പാനിലെ നിക്കി 1.01% ഉയർന്നപ്പോൾ ടോപിക്സ് 0.77% ഉയർന്നു. ദക്ഷിണ കൊറിയയുടെ കോസ്‌പി 0.17 ശതമാനവും കോസ്‌ഡാക്ക് 0.76 ശതമാനവും ഇടിഞ്ഞു. ഹോങ്കോങ്ങിൻ്റെ ഹാംഗ് സെംഗ് സൂചിക ഫ്യൂച്ചറുകൾ ശക്തമായ ഓപ്പണിംഗ് സൂചിപ്പിക്കുന്നു.

വാൾ സ്ട്രീറ്റ്

ശക്തമായ തൊഴിൽ റിപ്പോർട്ടിന് ശേഷം യുഎസ് ഓഹരി വിപണി സൂചികകൾ വെള്ളിയാഴ്ച നേട്ടത്തോടെ അവസാനിച്ചു.ഡൗ ജോൺസ് ഇൻഡസ്ട്രിയൽ ആവറേജ് 307.06 പോയിൻ്റ് അഥവാ 0.80 ശതമാനം ഉയർന്ന് 38,904.04 എന്ന നിലയിലും എസ് ആൻ്റ് പി 57.13 പോയിൻ്റ് അഥവാ 1.11 ശതമാനം ഉയർന്ന് 5,204.34 എന്ന നിലയിലും എത്തി. നാസ്ഡാക്ക് കോമ്പോസിറ്റ് 199.44 പോയിൻറ് അഥവാ 1.24 ശതമാനം ഉയർന്ന് 16,248.52 ൽ അവസാനിച്ചു.

എണ്ണ വില

മിഡിൽ ഈസ്റ്റിലെ പിരിമുറുക്കത്തിന് അയവ് വന്നതോടെ തിങ്കളാഴ്ച ഏഷ്യൻ വ്യാപാരത്തിൻ്റെ തുടക്കത്തിൽ ക്രൂഡ് ഓയിൽ വില 1 ശതമാനത്തിലധികം കുറഞ്ഞു.ബ്രെൻ്റ് ക്രൂഡ് ഫ്യൂച്ചറുകൾ ബാരലിന് 1.79% ഇടിഞ്ഞ് 89.54 ഡോളറിലെത്തി. യുഎസ് വെസ്റ്റ് ടെക്സസ് ഇൻ്റർമീഡിയറ്റ് ക്രൂഡ് 1.78% ഇടിഞ്ഞ് ബാരലിന് 85.36 ഡോളറിലെത്തി.

സ്വർണ്ണ വില

മാർച്ചിൽ ശക്തമായ യുഎസ് തൊഴിൽ വളർച്ചയുണ്ടായിട്ടും യുഎസ് പലിശ നിരക്ക് വെട്ടിക്കുറച്ചത് ഉൾപ്പെടെ നിരവധി ഘടകങ്ങൾ റാലിയെ സജീവമാക്കി നിർത്തിയതിനാൽ, വെള്ളിയാഴ്ച സ്വർണ വില റെക്കോർഡ് ഉയരത്തിലെത്തി.

പിന്തുണയും പ്രതിരോധവും

നിഫ്റ്റി

പിവറ്റ് പോയിൻ്റ് കാൽക്കുലേറ്റർ സൂചിപ്പിക്കുന്നത് നിഫ്റ്റി 50 ന് 22,524 ലെവലിലും തുടർന്ന് 22,561, 22,603 ലെവലിലും പ്രതിരോധം നേരിടേണ്ടി വന്നേക്കാമെന്നാണ്. താഴത്തെ ഭാഗത്ത്, സൂചിക 22,451 ലെവലിലും തുടർന്ന് 22,425, 22,383 ലെവലിലും പിന്തുണ നേടിയേക്കാം.

ബാങ്ക് നിഫ്റ്റി

പിവറ്റ് പോയിൻ്റ് കാൽക്കുലേറ്റർ അനുസരിച്ച്, ബാങ്ക് നിഫ്റ്റി സൂചിക 48,554, 48,725, 48,978 എന്നീ നിലകളിൽ പ്രതിരോധം കണ്ടേക്കാം. താഴത്തെ ഭാഗത്ത്, 48,062, 47,905, 47,652 എന്നിവിടങ്ങളിൽ പിന്തുണ ലഭിക്കുമെന്ന് പ്രതീക്ഷിക്കുന്നു.

വിദേശ സ്ഥാപന നിക്ഷേപകർ

വിദേശ സ്ഥാപന നിക്ഷേപകർ (എഫ്ഐഐകൾ) 1,659.27 കോടി രൂപയുടെ ഓഹരികൾ വാങ്ങിയപ്പോൾ, ആഭ്യന്തര സ്ഥാപന നിക്ഷേപകർ (ഡിഐഐകൾ) ഏപ്രിൽ 5 ന് 3,370.42 കോടി രൂപയുടെ ഓഹരികൾ വിറ്റതായി എൻഎസ്ഇയിൽ നിന്നുള്ള കണക്കുകൾ വ്യക്തമാക്കുന്നു.

ഇന്ന് ശ്രദ്ധിക്കേണ്ട ഓഹരികൾ

കൊച്ചിൻ ഷിപ്പ്‌യാർഡ്: യുഎസ് നേവിയുമായി കമ്പനി മാസ്റ്റർ ഷിപ്പ്‌യാർഡ് റിപ്പയർ എഗ്രിമെൻ്റ് (എംഎസ്ആർഎ) ഒപ്പുവച്ചു. എംഎസ്ആർഎ ഒരു സാമ്പത്തികേതര കരാറാണ്. ഇത് ഏപ്രിൽ 5 മുതൽ പ്രാബല്യത്തിൽ വരും. ഇത് കൊച്ചിൻ ഷിപ്പ്‌യാർഡിലെ മിലിട്ടറി സീലിഫ്റ്റ് കമാൻഡിന് കീഴിലുള്ള യുഎസ് നാവിക കപ്പലുകളുടെ അറ്റകുറ്റപ്പണികൾ സുഗമമാക്കും.

വിപ്രോ: ഐടി സേവന കമ്പനിയുടെ ചീഫ് എക്‌സിക്യൂട്ടീവ് ഓഫീസറും മാനേജിംഗ് ഡയറക്ടറുമായ തിയറി ഡെലാപോർട്ട് ഏപ്രിൽ 6 ന് തൻ്റെ സ്ഥാനം രാജിവച്ചു. സോഫ്റ്റ്‌വെയർ മേജർ ശ്രീനിവാസ് പാലിയയെ കമ്പനിയുടെ സിഇഒയും എംഡിയുമായി നിയമിച്ചു.

വോഡഫോൺ ഐഡിയ: ആദിത്യ ബിർള ഗ്രൂപ്പ് സ്ഥാപനമായ ഒറിയാന ഇൻവെസ്റ്റ്‌മെൻ്റിൽ നിന്ന് 2,075 കോടി രൂപ വരെ ഫണ്ട് സ്വരൂപിക്കുന്നതിന് ടെലികോം ഓപ്പറേറ്റർക്ക് ഡയറക്ടർ ബോർഡിൻ്റെ അനുമതി ലഭിച്ചു.

ടാറ്റ സ്റ്റീൽ: ഇന്ത്യയിലെ ക്രൂഡ് സ്റ്റീൽ ഉൽപ്പാദനം വർഷം തോറും 4.5 ശതമാനം വർധിച്ച് 5.38 ദശലക്ഷം ടണ്ണായി. ഡെലിവറികൾ വർഷം തോറും 5 ശതമാനം വർധിച്ച് 5.41 ദശലക്ഷം ടണ്ണായി ആയി ഉയർന്നതായി ടാറ്റ ഗ്രൂപ്പ് കമ്പനി അറിയിച്ചു.

​ഗ്ലാൻഡ് ഫാ‍ർമ: എറിബുലിൻ മെസിലേറ്റ് കുത്തിവയ്പ്പിന് യുണൈറ്റഡ് സ്റ്റേറ്റ്സ് ഫുഡ് ആൻഡ് ഡ്രഗ് അഡ്മിനിസ്ട്രേഷനിൽ (USFDA) നിന്ന് ഫാർമസ്യൂട്ടിക്കൽ കമ്പനിക്ക് അനുമതി ലഭിച്ചു.

സൺ ടിവി നെറ്റ്‌വർക്ക്: കമ്പനി ഒരു ഓഹരിക്ക് 3 രൂപ ഇടക്കാല ലാഭവിഹിതം പ്രഖ്യാപിച്ചു. ഒരു ഇക്വിറ്റി ഷെയറിന് 3 രൂപയുടെ ഇടക്കാല ലാഭവിഹിതം. (അതായത് 60%) പ്രഖ്യാപിച്ചതായി ഒരു സ്റ്റോക്ക് എക്‌സ്‌ചേഞ്ച് ഫയലിംഗിൽ, കമ്പനി അറിയിക്കുകയായിരുന്നു.