Login 
പഠിക്കാം & സമ്പാദിക്കാം 
Home
6 Nov 2023 6:05 PM IST
Summary
- പ്രോടിയന്‍ ഇഷ്യൂവിന് 1.07 ഇരട്ടി അപേക്ഷ ലഭിച്ചു
- സെല്ലോ വേൾഡ് വ്യാപാരവസാനം 4.45 ശതമാനം ഇടിഞ്ഞാണ് ക്ലോസ് ചെയ്തത്
തൃശൂര്‍ ആസ്ഥാനമായ പ്രവര്‍ത്തിക്കുന്ന ഇസാഫ് സ്മോള്‍ ഫിനാന്‍സ് ബാങ്ക് ഇഷ്യൂവിന് ഇതുവരെ ലഭിച്ചത് 8.3 ഇരട്ടി അപേക്ഷകള്‍. റീട്ടെയില്‍ വിഭാഗത്തില്‍ 7.88 മടങ്ങ് അപേക്ഷകള്‍ വന്നു.
ഇഷ്യൂ നവംബര്‍ ഏഴിന് ഇഷ്യൂ അവസാനിക്കും. ഓഹരിയുടെ പ്രൈസ് ബാന്‍ഡ് 57-60 രൂപയാണ്.
പ്രോടിയന്‍ ഇ-ഗവ് ടെക്നോളജീസ്
എന്‍എസ്ഡിഎല്‍ ഇ-ഗവേണന്‍സ് ഇന്‍ഫ്രാസ്ട്രക്ചര്‍ ലിമിറ്റഡ് എന്ന് അറിയപ്പെട്ടിരുന്ന പ്രോടിയന്‍ ഇ-ഗവ് ടെക്നോളജീസ് ഇഷ്യൂവിന്റെ ആദ്യ ദിനം 1.07 ഇരട്ടി അപേക്ഷ ലഭിച്ചു. ഇഷ്യൂ നവംബര്‍ 8-ന് അവസാനിക്കും. 61.91 ലക്ഷം ഓഹരികള്‍ നല്‍കി 490.33 കോടി രൂപ സമാഹരിക്കാനാണ് കമ്പനിയുടെ ലക്ഷ്യം.
പത്ത് രൂപ മുഖവിലയുള്ള ഓഹരി ഒന്നിന് 752-792 രൂപയാണ് പ്രൈസ് ബാന്‍ഡ്. കുറഞ്ഞത് 18 ഓഹരികള്‍ക്കും തുടര്‍ന്ന് 18 ന്റെ ഗുണിതങ്ങള്‍ക്കും അപേക്ഷിക്കാം. അര്‍ഹരായ ജീവനക്കാര്‍ക്കായി 150,000 ഓഹരികള്‍ നീക്കി വെച്ചിട്ടുണ്ട്. ഈ വിഭാഗത്തില്‍ ഓഹരി ഒന്നിന് 75 രൂപ വീതം ഡിസ്‌കൗണ്ട് അനുവദിച്ചിട്ടുണ്ട്.
സെല്ലോ വേള്‍ഡ്
ഇന്ന് (നവംബര്‍ 6) ലിസ്റ്റ് ചെയ്ത സെല്ലോ വേള്‍ഡ് ഓഹരികള്‍ വ്യാപാരവസാനം എന്‍എസ്ഇ-യില്‍ 4.45 ശതമാനം ഇടിഞ്ഞാണ് ക്ലോസ് ചെയ്തത്. ഓഹരിയുടെ ഇഷ്യൂ വില 648 രൂപയായിരുന്നു. ഓഹരികള്‍ 28 ശതമാനം പ്രീമിയത്തോടെ 829 രൂപയിലായിരുന്നു ലിസ്റ്റ് ചെയ്തത്. ക്ലോസിംഗ് വില 781.5 രൂപയാണ്. ഒരവസരത്തില്‍ 837.4 രൂപവരെ ഉയര്‍ന്നിരുന്നു.