ഈ മാസം എഫ്‍പിഐകള്‍ ഇക്വിറ്റികളില്‍ എത്തിച്ചത് 57,300 കോടിയുടെ നിക്ഷേപം

രാഷ്ട്രീയ സ്ഥിരത, ശക്തമായ സാമ്പത്തിക വളർച്ച, യുഎസ് ബോണ്ട് യീൽഡിലെ സ്ഥിരമായ ഇടിവ് എന്നിവ കാരണം വിദേശ പോർട്ട്ഫോളിയോ നിക്ഷേപകർ (എഫ്‍പിഐ) ഇന്ത്യന്‍ ഓഹരികളിലെ വില്‍പ്പ കടകുന്നു. ഡിസംബറില്‍ ഇതു വരെ വിപണി ണികളിലേക്ക് 57,300 കോടി രൂപ അവര്‍ നിക്ഷേപിച്ചിട്ടുണ്ട്. ഇതോടെ ഈ വർഷം എഫ്‍പിഐകളുടെ മൊത്തം നിക്ഷേപം 1.62 ലക്ഷം കോടി കവിഞ്ഞു.

മുന്നോട്ട് പോകുമ്പോൾ, പുതുവർഷത്തിൽ യുഎസ് പലിശനിരക്കിൽ കുറവുണ്ടാകുമെന്നും ഇത് എഫ്ഐഐകളുടം വാങ്ങലുകൾ വർദ്ധിപ്പിക്കുമെന്നും ജിയോജിത് ഫിനാൻഷ്യൽ സർവീസസിലെ ചീഫ് ഇൻവെസ്റ്റ്‌മെന്റ് സ്ട്രാറ്റജിസ്റ്റ് വി കെ വിജയകുമാർ പറഞ്ഞു.

കണക്കുകൾ പ്രകാരം, ഈ മാസം (ഡിസംബർ 22 വരെ) ഇന്ത്യൻ ഇക്വിറ്റികളിൽ എഫ്‍പിഐകള്‍ 57,313 കോടി രൂപയുടെ അറ്റ ​​നിക്ഷേപം നടത്തി. ഒരു വർഷത്തിനിടയിലെ ഏറ്റവും ഉയർന്ന പ്രതിമാസ വരവാണ് ഇത്.

ഒക്ടോബറിൽ 9,000 കോടി രൂപയുടെ അറ്റ ​​നിക്ഷേപം നടന്നിരുന്നു ഇതിന് മുമ്പ് ഓഗസ്‌റ്റ്, സെപ്തംബർ മാസങ്ങളിൽ വിദേശ നിക്ഷേപകർ 39,300 കോടി രൂപയുടെ അറ്റ പിൻവലിക്കല്‍ ഓഹരികളില്‍ നടത്തിയെന്നും ഡിപ്പോസിറ്ററികളിലെ കണക്കുകൾ വ്യക്തമാക്കുന്നു.

"ഇന്ത്യയുടെ മാർക്കറ്റ് എഞ്ചിൻ ശക്തമായ നിലയിലാണ്: എസ്റ്റിമേറ്റുകൾക്കപ്പുറമുള്ള ശക്തമായ ജിഡിപി വളർച്ചയും വളർന്നുവരുന്ന മാനുഫാക്ചറിംഗ് മേഖലയും നിക്ഷേപകർക്ക് ഊർജ്ജസ്വലമായ ചിത്രം നല്‍കുന്നു," ക്രാവിംഗ് ആൽഫയുടെ സ്മോൾകേസ് മാനേജരും പ്രധാന പങ്കാളിയുമായ മായങ്ക് മെഹ്റ പറഞ്ഞു.

ആഗോളതലത്തിൽ, യുഎസ് ഫെഡ് അടുത്ത വർഷം മൂന്ന് തവണ നിരക്ക് കുറയ്ക്കുമെന്ന സൂചന നൽകി, ഇത് ഇ ന്ത്യയെപ്പോലുള്ള വളർന്നുവരുന്ന വിപണികൾക്ക് അനുകൂലമാണ്.

ബോണ്ടുകളെ സംബന്ധിച്ചിടത്തോളം, അവലോകന കാലയളവിൽ കടവിപണി 15,545 കോടി രൂപ ആകർഷിച്ചു. നവംബറിൽ 14,860 കോടി രൂപയും ഒക്ടോബറിൽ 6,381 കോടി രൂപയും നിക്ഷേപം ലഭിച്ചതിനെ തുടർന്നാണിത്.

മേഖലയുടെ കാര്യത്തിൽ, എഫ്‍പിഐകള്‍ ധനകാര്യ സേവന മേഖലകളിലെ ഓഹരികളിലാണ് കൂടുതല്‍ താല്‍പ്പര്യം കാണിക്കുന്നത്. കൂടാതെ ഓട്ടോമൊബൈല്‍, മൂലധന ഉല്‍പ്പന്നങ്ങള്‍, ടെലികോം തുടങ്ങിയ മേഖലകളിലും നല്ല താൽപ്പര്യം കാണിച്ചു.