ഓഹരി വിപണിയില്‍ പച്ച കത്തി; കരുത്തായി ഓട്ടോ, ഫർമ ഓഹരികൾ

ഇന്ത്യൻ ഓഹരി വിപണി ഇന്ന് നേട്ടത്തിൽ വ്യാപാരം അവസാനിപ്പിച്ചു. സെൻസെക്സ് 317.93 പോയിന്റ് ഉയർന്ന് 77,606.43 ലും നിഫ്റ്റി 105.10 പോയിന്റ് ഉയർന്ന് 23,591.95 ലും എത്തി.

സെൻസെക്സ് ഓഹരികൾ ( Top Gainers, Losers )

സെൻസെക്സ് ഓഹരികളിൽ ബജാജ് ഫിൻ‌സെർവ്, ഇൻഡസ്ഇൻഡ് ബാങ്ക്, എൻ‌ടി‌പി‌സി, ലാർസൻ ആൻഡ് ട്യൂബ്രോ, അൾട്രാടെക് സിമൻറ്, അദാനി പോർട്ട്സ്, ബജാജ് ഫിനാൻസ്, പവർ ഗ്രിഡ്, സൊമാറ്റോ, സ്റ്റേറ്റ് ബാങ്ക് ഓഫ് ഇന്ത്യ, എച്ച്ഡി‌എഫ്‌സി ബാങ്ക്, ടൈറ്റൻ എന്നി ഓഹരികളാണ് കൂടുതൽ നേട്ടമുണ്ടാക്കിയത്. അതേസമയം സൺ ഫാർമ, കൊട്ടക് മഹീന്ദ്ര ബാങ്ക്, ഭാരതി എയർടെൽ, എച്ച്‌സി‌എൽ ടെക്, മഹീന്ദ്ര ആൻഡ് മഹീന്ദ്ര എന്നിവ നഷ്ടത്തിൽ വ്യാപാരം അവസാനിപ്പിച്ചു.

സെക്ടറൽ സൂചിക

സെക്ടറൽ സൂചികകളിൽ നിഫ്റ്റി ഓട്ടോ, ഫർമാ എന്നിവ ഒഴികെ മറ്റെല്ലാ സൂചികകളും ഇന്ന് നഷ്ടത്തിൽ അവസാനിച്ചു. ഓട്ടോ സൂചിക ഒരു ശതമാനവും ഫർമ സൂചിക 0.4 ശതമാനവും നേട്ടമുണ്ടാക്കി. അതേസമയം ക്യാപിറ്റൽ ഗുഡ്സ്, കൺസ്യൂമർ ഡ്യൂറബിൾസ്, മെറ്റൽ, ഓയിൽ ആൻഡ് ഗ്യാസ്, പവർ, പി‌എസ്‌യു ബാങ്ക്, റിയൽറ്റി, ടെലികോം എന്നിവ ഒരു ശതമാനം ഇടിഞ്ഞു.

ബിഎസ്ഇ മിഡ്ക്യാപ് സൂചിക 0.5 ശതമാനവും സ്മോൾക്യാപ് സൂചിക ഒരു ശതമാനവും ഉയർന്നു. ഇന്ത്യ വിക്സ് -1.26 ശതമാനം ഇടിഞ്ഞ്‌ 13.30 ൽ എത്തി.

ആഗോള വിപണികൾ

ഏഷ്യൻ വിപണികളിൽ, ഷാങ്ഹായും ഹോങ്കോങ്ങും നേട്ടം കൈവരിച്ചപ്പോൾ സിയോളും ടോക്കിയോയും നഷ്ടത്തിൽ വ്യാപാരം അവസാനിപ്പിച്ചു. യൂറോപ്പിലെ വിപണികൾ താഴ്ന്ന നിലയിലായിരുന്നു. ബുധനാഴ്ച യുഎസ് വിപണികൾ നഷ്ടത്തിൽ അവസാനിച്ചു.

ആഗോള എണ്ണ മാനദണ്ഡമായ ബ്രെന്റ് ക്രൂഡിന്റെ വില 0.23 ശതമാനം ഇടിഞ്ഞ് ബാരലിന് 73.62 ഡോളറിലെത്തി. യുഎസ് ഡോളറിനെതിരെ രൂപയുടെ മൂല്യം 8 പൈസ ഇടിഞ്ഞ് 85.77 ൽ എത്തി.