ഐടി ഓഹരികൾ തിളങ്ങി; വിപണി ഏഴാം ദിവസവും നേട്ടത്തിൽ

ഇന്ത്യൻ ഓഹരി വിപണി തുടർച്ചയായ ഏഴാം ദിവസവും നേട്ടത്തിൽ വ്യാപാരം അവസാനിപ്പിച്ചു. സെൻസെക്സ് 32.81 പോയിന്റ് അഥവാ 0.04 ശതമാനം ഉയർന്ന് 78,017.19 ൽ ക്ലോസ് ചെയ്തു. നിഫ്റ്റി 0.30 പോയിന്റ് അഥവാ 0.04 ശതമാനം നേട്ടത്തോടെ 23,668.65 ലെത്തി.

സെൻസെക്സ് ഓഹരികൾ ( Top Gainers, Losers )

സെൻസെക്സ് ഓഹരികളിൽ എൻ‌ടി‌പി‌സി, കൊട്ടക് മഹീന്ദ്ര ബാങ്ക്, സ്റ്റേറ്റ് ബാങ്ക് ഓഫ് ഇന്ത്യ, ടെക് മഹീന്ദ്ര, പവർ ഗ്രിഡ്, ബജാജ് ഫിൻ‌സെർവ്, ആക്സിസ് ബാങ്ക്, എച്ച്‌സി‌എൽ ടെക്, റിലയൻസ് ഇൻഡസ്ട്രീസ്, ബജാജ് ഫിനാൻസ് എന്നിവയാണ് ഏറ്റവും കൂടുതൽ നേട്ടമുണ്ടാക്കിയത്. അതേസമയം അദാനി പോർട്ട്സ്, മഹീന്ദ്ര & മഹീന്ദ്ര, റിലയൻസ് ഇൻഡസ്ട്രീസ്, സൺ ഫാർമ,സൊമാറ്റോ, ഇൻഡസ്ഇൻഡ് ബാങ്ക് എന്നി ഓഹരികൾ ഇടിവ് നേരിട്ടു.

സെക്ടറൽ സൂചിക

സെക്ടറൽ സൂചികകളിൽ നിഫ്റ്റി ഐടി, പ്രൈവറ്റ് ബാങ്ക് എന്നിവ ഒഴികെയുള്ള മറ്റെല്ലാ സൂചികകളും ഇന്ന് നഷ്ടത്തിൽ അവസാനിച്ചു. നിഫ്റ്റി ഐടി സൂചിക 1.32 ശതമാനവും പ്രൈവറ്റ് ബാങ്ക് സൂചിക 0.07 ശതമാനവും നേട്ടമുണ്ടാക്കി. അതേസമയം ഓട്ടോ, ക്യാപിറ്റൽ ഗുഡ്സ്, കൺസ്യൂമർ ഡ്യൂറബിൾസ്, മെറ്റൽ, ഓയിൽ ആൻഡ് ഗ്യാസ്, പവർ, പി‌എസ്‌യു ബാങ്ക്, റിയൽറ്റി, ടെലികോം എന്നിവ 1-1.5 ശതമാനം വരെ ഇടിഞ്ഞു.

ബിഎസ്ഇ മിഡ്ക്യാപ് സൂചിക ഒരു ശതമാനവും സ്‌മോൾക്യാപ് സൂചിക 1.5 ശതമാനവും ഇടിഞ്ഞു. ഇന്ത്യ വിക്സ് -0.47 ശതമാനം ഇടിഞ്ഞ്‌ 13.64 ൽ എത്തി.

ആഗോള വിപണികൾ

ഏഷ്യൻ വിപണികളിൽ, ടോക്കിയോ നേട്ടം കൈവരിച്ചപ്പോൾ സിയോൾ, ഷാങ്ഹായ്, ഹോങ്കോംഗ് എന്നിവ നഷ്ടത്തിൽ വ്യാപാരം അവസാനിപ്പിച്ചു. യൂറോപ്യൻ വിപണികൾ നേട്ടത്തിലാണ് വ്യാപാരം നടത്തിയത്. തിങ്കളാഴ്ച യുഎസ് വിപണികൾ ഗണ്യമായി ഉയർന്നിരുന്നു.

ആഗോള എണ്ണ മാനദണ്ഡമായ ബ്രെന്റ് ക്രൂഡ് ഓയിൽ വില 0.53 ശതമാനം ഉയർന്ന് ബാരലിന് 73.39 ഡോളറിലെത്തി. ഡോളറിനെതിരെ രൂപയുടെ മൂല്യം 13 പൈസ ഇടിഞ്ഞ് 85.74 ൽ എത്തി.