കരുത്താര്‍ജിച്ച് രൂപ, 3 പൈസയുടെ നേട്ടം

ഡോളറിനെതിരെ രൂപയ്ക്ക് നേട്ടം. 3 പൈസയുടെ നേട്ടത്തോടെ 85.69 എന്ന നിലയിലാണ് രൂപയുടെ വ്യാപാരം അവസാനിച്ചത്. പുതിയ വിദേശ മൂലധന വരവ് രൂപയുടെ നേട്ടത്തിന് കാരണമായി.

ഇന്ന് 85.71 എന്ന നിലയിലാണ് രൂപയുടെ വ്യാപാരം ആരംഭിച്ചത്. ഒരുഘട്ടത്തില്‍ 85.98 എന്ന നിലയിലേക്ക് താഴന്ന ശേഷമാണ് 85.65ല്‍ ക്ലോസ് ചെയ്തത്. ഇന്നലെ ഡോളറിനെതിരെ രൂപയുടെ മൂല്യം 11 പൈസയുടെ നഷ്ടത്തിൽ 85.72 എന്ന നിലയിലാണ് വ്യാപാരം അവസാനിപ്പിച്ചത്.

അതേസമയം ആറ് കറൻസികളുടെ ഒരു ബാസ്കറ്റിനെതിരെ ഗ്രീൻബാക്കിന്റെ ശക്തി അളക്കുന്ന ഡോളർ സൂചിക 0.03 ശതമാനം ഉയർന്ന് 104.21 ൽ വ്യാപാരം നടത്തി. ആഗോള എണ്ണ മാനദണ്ഡമായ ബ്രെന്റ് ക്രൂഡിന്റെ വില ഫ്യൂച്ചേഴ്‌സ് വ്യാപാരത്തിൽ 0.63 ശതമാനം ഉയർന്ന് ബാരലിന് 73.48 യുഎസ് ഡോളറിലെത്തി.

ഓഹരി വിപണിയിൽ സെൻസെക്സ് 728.69 പോയിന്റ് അഥവാ 0.93 ശതമാനം ഇടിഞ്ഞ് 77,288.50 ൽ ക്ലോസ് ചെയ്തു. നിഫ്റ്റി 181.80 പോയിന്റ് അഥവാ 0.77 ശതമാനം ഇടിഞ്ഞ് 23,486.85 പോയിന്റിൽ ക്ലോസ് ചെയ്തു.ഡോളറിനെതിരെ രൂപയ്ക്ക് നേട്ടം