സ്വര്‍ണ വിലയില്‍ മാറ്റമില്ല, വെള്ളി വിലയില്‍ ഇടിവ്

സംസ്ഥാനത്തെ സ്വര്‍ണ വില ഇന്ന് മാറ്റമില്ലാതെ തുടരുന്നു. 22 കാരറ്റ് സ്വര്‍ണം ഗ്രാമിന് 5540 രൂപയാണ് ഇന്നത്തെ വില. ഇന്നലെ വിലയില്‍ 10 രൂപയുടെ ഇടിവ് രേഖപ്പെടുത്തിയിരുന്നു. ജൂണ്‍ 3ന് 22 കാരറ്റ് സ്വര്‍ണം ഗ്രാമിന് 70 രൂപയുടെ ഇടിവ് പ്രകടമായിരുന്നു. അതിനു ശേഷം രണ്ട് ദിവസങ്ങളില്‍ മാറ്റമില്ലാതെ തുടര്‍‍ന്ന സ്വര്‍ണവില ജൂണ്‍ 6ന് വീണ്ടും 30 രൂപ വര്‍ധിച്ചു. ജൂണ്‍ 7ന് സ്വർണവിലയില്‍ മാറ്റമുണ്ടായില്ല.തുടർന്ന് ഇന്നലെ ജൂണ്‍ 8 ന് 40 രൂപയുടെ ഇടിവ് പ്രകടമാകുകയായിരുന്നു. പിന്നീട് ജൂണ്‍ 9ന് 40 രൂപയുടെ വര്‍ധനയുണ്ടായി. പിന്നീട് വീണ്ടും ശനിയാഴ്ച 10 രൂപയുടെ ഇടിവുണ്ടായി. അതിനു ശേഷം ഇന്നലെ വീണ്ടും 10 രൂപ ഇടിഞ്ഞു. 22 കാരറ്റ് സ്വര്‍ണം പവന്‍റെ വില ഇന്ന് 44,320 രൂപയാണ്.

മേയില്‍ ഉടനീളം സംസ്ഥാനത്തെ സ്വര്‍ണവിലയില്‍ ചാഞ്ചാട്ടം പ്രകടമായിരുന്നു. ഇത് ജൂണിലും തുടരുന്നതായാണ് ദൃശ്യമാകുന്നത്. ഏപ്രിലിലും മേയ് തുടക്കത്തിലും സ്വര്‍ണവിലയില്‍ വലിയ വര്‍ധന പ്രകടമായിരുന്നു. വില പവന് 46,000ലേക്ക് എത്തുമോയെന്നു പോലും ഉറ്റുനോക്കപ്പെട്ടിരുന്നു. എന്നാല്‍ യുഎസ് ഫെഡ് റിസർവ് പ്രഖ്യാപനങ്ങളും ഡോളറിന്‍റെ മൂല്യത്തിലുണ്ടായ തിരിച്ചുവരവും സ്വർണവിലയിലെ തിരുത്തലുകളിലേക്ക് നയിച്ചു. എങ്കിലും വില പവന് 44,000.ന് താഴെക്കെത്തിയിട്ടില്ല. കഴിഞ്ഞ ഏതാനും ആഴ്ചകളായി 44,000 - 45,000 പരിധിയില്‍ ഏറിയും കുറഞ്ഞും നിലകൊള്ളുകയാണ് ഒരു പവന്‍ 22 കാരറ്റ് സ്വര്‍ണത്തിന്‍റെ വില.

24 കാരറ്റ് സ്വര്‍ണം ഗ്രാമിന്‍റെ വില ഇന്ന് 6045 രൂപയാണ്. ഇന്നലത്തെ വിലയില്‍ നിന്ന് മാറ്റമുണ്ടായിട്ടില്ല . 24 കാരറ്റ് പവന് 48,360 രൂപയാണ്.

വെള്ളി വിലയിലും സ്വര്‍ണ വിലയ്ക്ക് സമാനമായ പ്രവണതയാണ് കാണാനാകുന്നത്. എന്നാല്‍ ഇന്ന് വെള്ളി വില ഒരു ഗ്രാമിന് 10 പൈസയുടെ ഇടിവോടെ 79.20 രൂപയിലെത്തി. 8 ഗ്രാം വെള്ളിയുടെ വില ഇന്ന് 633.60 രൂപയാണ്. ഇന്നലത്തെ വിലയില്‍ നിന്ന് 80 പൈസയുടെ ഇടിവാണിത്. ഡോളറിനെതിരേ ഇന്ന് രൂപയുടെ മൂല്യം മെച്ചപ്പെട്ടു, 1 ഡോളറിന് 82.39 എന്ന നിലയിലാണ് ഇന്നത്തെ വിനിമയം.