ഈ വാരത്തില്‍ ഒറ്റ ഐപിഒ, 14 ലിസ്റ്റിംഗുകള്‍

മെയിന്‍ ബോർഡിലും എസ്എംഇ വിഭാഗത്തും ചില പ്രധാന ലിസ്റ്റിംഗുകൾക്ക് സെപ്റ്റംബറിലും ഒക്റ്റോബര്‍ ആദ്യ വാരത്തിലും വിപണികള്‍ സാക്ഷ്യം വഹിച്ചു. ഒക്റ്റോബര്‍ രണ്ടാം വാരത്തിലേക്ക് കടക്കുമ്പോള്‍ ഒരു കമ്പനി മാത്രമാണ് പ്രഥമ ഓഹരി വില്‍പ്പനയുമായി വിപണിയില്‍ എത്തുന്നത്. എന്നാല്‍ 14 കമ്പനികളുടെ ഐപിഒ-യ്ക്ക് ശേഷമുള്ള വിപണി അരങ്ങേറ്റം ഈ വാരത്തില്‍ നടക്കും.

അരവിന്ദ് ആൻഡ് കമ്പനി ഷിപ്പിംഗ് ഐപിഒ

ഈ എസ്എംഇ ഐപിഒ ഒക്ടോബർ 12 ന് ആരംഭിക്കും, ബിഡ്ഡിംഗിനായി ഒക്ടോബർ 16 വരെ അവസരമുണ്ട്. അരവിന്ദ് 14.74 കോടി രൂപയുടെ സമാഹരണം ലക്ഷ്യമിട്ടുള്ള ഫിക്സഡ് പ്രൈസ് ഇഷ്യൂ ആണിത്.. ഇഷ്യൂ പൂർണ്ണമായും 32.76 ലക്ഷം ഓഹരികളുടെ പുതിയ ഇഷ്യൂ ആണ്. അരവിന്ദും കമ്പനി ഷിപ്പിംഗ് ഏജൻസി എൻ‌എസ്‌ഇ എസ്എംഇയിലാണ് ലിസ്‍റ്റ് ചെയ്യുന്നത്. താൽക്കാലിക ലിസ്റ്റിംഗ് തീയതി ഒക്ടോബർ 25 ബുധനാഴ്ചയായി നിശ്ചയിച്ചിരിക്കുന്നു.

ഈ വാരത്തിലെ ലിസ്റ്റിംഗുകള്‍

1.പ്ലാസ വയേര്‍സ്: മെയിൻബോർഡ് ഐപിഒയുടെ ഓഹരികൾ ഒക്ടോബർ 13ന് ബിഎസ്ഇയിലും എൻഎസ്ഇയിലും ലിസ്റ്റ് ചെയ്യും.

2. അറേബ്യൻ പെട്രോളിയം: ഈ എണ്ണ, ലൂബ്രിക്കന്റ് എസ്എംഇ സ്ഥാപനത്തിന്റെ ഓഹരികൾ ഒക്ടോബർ 9-ന് എൻഎസ്ഇ എസ്എംഇയിൽ ലിസ്റ്റ് ചെയ്യും.

3.സിറ്റി ക്രോപ്‍സ് അഗ്രോ: എസ്എംഇ ഐപിഒയുടെ ഓഹരികൾ ഒക്ടോബർ 10ന് ബിഎസ്ഇ എസ്എംഇയിൽ ലിസ്റ്റ് ചെയ്യും.

4. സുനിത ടൂൾസ്: മെഷീൻ പാർട്‍സ് എസ്എംഇ സ്ഥാപനത്തിന്റെ ഓഹരികൾ ഒക്ടോബർ 9ന് ബിഎസ്ഇ എസ്എംഇയിൽ ലിസ്റ്റ് ചെയ്യും.

5.ഗോയൽ സാൾട്ട്: അസംസ്കൃത ഉപ്പ് നിര്‍മിക്കുന്ന ഈ എസ്‍എംഇ-യുടെ ഓഹരികൾ ഒക്ടോബർ 10-ന് എന്‍എസ്ഇ എസ്എംഇ-യിൽ ലിസ്റ്റ് ചെയ്യും.

6.ഇ ഫാക്റ്റര്‍ എക്സ്പീരിയന്‍സസ്: ഇവന്റ് മാനേജ്‌മെന്റ് എസ്എംഇ സ്ഥാപനത്തിന്റെ ഓഹരികൾ ഒക്ടോബർ 9-ന് എന്‍എസ്ഇ എസ്എംഇ-യിൽ ലിസ്റ്റ് ചെയ്യും.

7.കോണ്ടർ സ്പേസ്: വാടകയ്ക്ക് സ്ഥലം നല്‍കുന്ന ഈ എസ്എംഇ സ്ഥാപനത്തിന്റെ ഓഹരികൾ ഒക്ടോബർ 10ന് എൻഎസ്ഇ എസ്എംഇയിൽ ലിസ്റ്റ് ചെയ്യും.

8. വൺക്ലിക്ക് ലോജിസ്റ്റിക്സ് ഇന്ത്യ: ലോജിസ്റ്റിക് സേവനങ്ങള്‍ നല്‍കുന്ന ഈ എസ്എംഇ സ്ഥാപനത്തിന്റെ ഓഹരികൾ ഒക്ടോബർ 11-ന് എൻഎസ്ഇ എസ്എംഇയിൽ ലിസ്റ്റ് ചെയ്യും.

9.കാനറിസ് ഓട്ടോമേഷൻസ്: ഈ ഐടി സൊല്യൂഷൻസ് ദാതാവിന്റെ ഓഹരികൾ ഒക്ടോബർ 11ന് എൻഎസ്ഇ എസ്എംഇയിൽ ലിസ്റ്റ് ചെയ്യും.

10.വിവാ ട്രേഡ്കോം: എസ്എംഇ ഐപിഒയുടെ ഓഹരികൾ ഒക്ടോബർ 12ന് ബിഎസ്ഇ എസ്എംഇയിൽ ലിസ്റ്റ് ചെയ്യും

11.വിഷ്ണുസൂര്യ പ്രോജക്റ്റ്സ് ആന്‍ഡ് ഇൻഫ്രാ: ഇൻഫ്രാസ്ട്രക്ചർ വിഭാഗത്തില്‍ പ്രവര്‍ത്തിക്കുന്ന ഈ എസ്എംഇയുടെ ഓഹരികൾ ഒക്ടോബർ 12-ന് എൻഎസ്ഇ എസ്എംഇയിൽ ലിസ്റ്റ് ചെയ്യും.

12. ഷാർപ്പ് ചക്ക്സ് ആന്‍ഡ് മെഷീന്‍സ്: ഈ എസ്എംഇ മാനുഫാക്ചററുടെ ഓഹരികൾ ഒക്ടോബർ 12-ന് എൻഎസ്ഇ എസ്എംഇയിൽ ലിസ്റ്റ് ചെയ്യും.

13.പ്ലാഡ ഇന്‍ഫോടെക് സര്‍വീസസ്: ഈ എസ്‍എംഇ ഐപിഒ-യുടെ ഓഹരികൾ ഒക്ടോബർ 12-ന് എന്‍എസ്ഇ എസ്എംഇ-യിൽ ലിസ്റ്റ് ചെയ്യും

14.കർണിക ഇൻഡസ്ട്രീസ്: കുട്ടികളുടെ വസ്ത്രങ്ങളുടെ മേഖലയില്‍ പ്രവര്‍ത്തിക്കുന്ന ഈ എസ്എംഇ സ്ഥാപനത്തിന്റെ ഓഹരികൾ ഒക്ടോബർ 13ന് എൻഎസ്ഇ എസ്എംഇയിൽ ലിസ്റ്റ് ചെയ്യും.