ഈ വാരത്തില്‍ വിപണിയില്‍ എത്തുന്നത് 4 ഐപിഒകള്‍

തിരക്കേറിയ ഡിസംബറിന് ശേഷം, പുതുവർഷത്തിന്റെ ആദ്യ ആഴ്ചയിൽ പുതിയ പ്രാഥമിക വിപണി നിര്‍ജീവമായിരുന്നു. പുതിയ വാരത്തില്‍ ഒരു മെയിൻബോർഡ് ഐപിഒയും മൂന്ന് എസ്എംഇ ഐ‌പി‌ഒകളും വിപണിയില്‍ എത്തുന്നു. ഒരു എസ്എംഇ ലിസ്‍റ്റിംഗും ഈ വാരത്തില്‍ നടക്കുന്നുണ്ട്.

ജ്യോതി സിഎൻസി ഓട്ടോമേഷൻ

ജ്യോതി സിഎൻസി ഓട്ടോമേഷൻ ലിമിറ്റഡിന്റെ ഐപിഒ ജനുവരി 9 ന് പ്രാഥമിക വിപണിയിലെത്തും, ജനുവരി 11 ന് അവസാനിക്കും.സിഎന്‍സി മെഷീന്‍ നിര്‍മാതാക്കളായ കമ്പനി പ്രൈസ് ബാൻഡായി ഒരു ഓഹരിക്ക് 315 മുതൽ 331 വരെയാണ് നിശ്ചയിച്ചിട്ടുള്ളത്. പുതിയ ഓഹരികൾ ഇഷ്യൂ ചെയ്യുന്നതിലൂടെ 1,000 കോടി രൂപ സമാഹരിക്കാനാണ് കമ്പനി ലക്ഷ്യമിടുന്നത്.

ലിങ്ക് ഇൻടൈം ഇന്ത്യ പ്രൈവറ്റ് ലിമിറ്റഡിനെ ജ്യോതി സിഎൻസി ഓട്ടോമേഷൻ ഐപിഒയുടെ ഔദ്യോഗിക രജിസ്ട്രാറായി നിയമിച്ചു.

ഐബിഎല്‍ ഫിനാൻസ് ലിമിറ്റഡ്

ഐബിഎല്‍ ഫിനാൻസ് ഐപിഒ ജനുവരി 9-ന് സബ്‌സ്‌ക്രിപ്‌ഷനായി തുറക്കുകയും ജനുവരി 11-ന് അവസാനിക്കുകയും ചെയ്യുന്നു.ഒരു ഓഹരിക്ക് 51 രൂപയാണ് ഐപിഒ വില. അപേക്ഷിക്കേണ്ട ഏറ്റവും കുറഞ്ഞ ലോട്ട് സൈസ് 2000 ഷെയറുകളാണ്. ഇത് 33.41 കോടി രൂപയുടെ ഫിക്സഡ് പ്രൈസ് ഇഷ്യൂ ആണ്., പൂർണ്ണമായും 65.5 ലക്ഷം പുതിയ ഓഹരികളാണ് ഇഷ്യൂവില്‍ ഉള്‍പ്പെടുന്നത്.

ഫെഡെക്സ് സെക്യൂരിറ്റീസ് പ്രൈവറ്റ് ലിമിറ്റഡാണ് ഐപിഒയുടെ ബുക്ക് റണ്ണിംഗ് ലീഡ് മാനേജർ, ബിഗ്ഷെയർ സർവീസസ് പ്രൈവറ്റ് ലിമിറ്റഡ് ആണ് രജിസ്ട്രാർ. ഐബിഎൽ ഫിനാൻസ് ഐപിഒയുടെ മാർക്കറ്റ് മേക്കർ മാർക്കറ്റ്-ഹബ് സ്റ്റോക്ക് ബ്രോക്കിംഗ് ആണ്.

ന്യൂ സ്വാൻ മൾട്ടിടെക് ഐപിഒ

ന്യൂ സ്വാൻ മൾട്ടിടെക് ഐ‌പി‌ഒ ജനുവരി 11-ന് സബ്‌സ്‌ക്രിപ്‌ഷനായി തുറക്കുകയും ജനുവരി 15-ന് അവസാനിക്കുകയും ചെയ്യുന്നു. ഇത് 33.11 കോടി രൂപയുടെ ബുക്ക് ബിൽറ്റ് ഇഷ്യുവാണ്, പൂർണ്ണമായും 50.16 ലക്ഷം ഓഹരികളുടെ പുതിയ ഇഷ്യൂയാണിത്.

ഒരു ഓഹരിക്ക് 62 മുതൽ 66 രൂപ വരെയാണ് പ്രൈസ് ബാൻഡ് നിശ്ചയിച്ചിരിക്കുന്നത്. ഒരു അപേക്ഷയ്ക്കുള്ള ഏറ്റവും കുറഞ്ഞ ലോട്ട് സൈസ് 2000 ഷെയറുകളാണ്. ഹെം സെക്യൂരിറ്റീസ് ലിമിറ്റഡും ഷെയർ ഇന്ത്യ ക്യാപിറ്റൽ സർവീസസ് പ്രൈവറ്റ് ലിമിറ്റഡും ന്യൂ സ്വാൻ മൾട്ടിടെക് ഐപിഒയുടെ ബുക്ക് റണ്ണിംഗ് ലീഡ് മാനേജർമാരാണ്. ബിഗ്ഷെയർ സർവീസസ് പ്രൈവറ്റ് ലിമിറ്റഡാണ് ഇഷ്യുവിന്റെ രജിസ്‍ട്രാര്‍.

ഓസ്‌ട്രേലിയൻ പ്രീമിയം സോളാർ

ഓസ്‌ട്രേലിയൻ പ്രീമിയം സോളാർ (ഇന്ത്യ) ഐ‌പി‌ഒ ജനുവരി 11-ന് സബ്‌സ്‌ക്രിപ്‌ഷനായി തുറക്കുകയും ജനുവരി 15-ന് അവസാനിക്കുകയും ചെയ്യുന്നു. 28.08 കോടി രൂപയുടെ സമാഹരണം ലക്ഷ്യംവെക്കുന്നു. പൂർണ്ണമായും 52 ലക്ഷം ഓഹരികളുടെ പുതിയ ഇഷ്യൂയാണിത്.

ഒരു ഓഹരിക്ക് 51 മുതൽ 54 രൂപ വരെയാണ് കമ്പനി പ്രൈസ് ബാൻഡ് നിശ്ചയിച്ചിരിക്കുന്നത്. അപേക്ഷിക്കുന്നതിലുള്ള ഏറ്റവും കുറഞ്ഞ ലോട്ട് സൈസ് 2000 ഷെയറുകളാണ്. ബുക്ക് റണ്ണിംഗ് ലീഡ് മാനേജർ ബീലൈൻ ക്യാപിറ്റൽ അഡ്വൈസേഴ്‌സ് പ്രൈവറ്റ് ലിമിറ്റഡാണ്. ലിങ്ക് ഇൻടൈം ഇന്ത്യ പ്രൈവറ്റ് ലിമിറ്റഡാണ് ഇഷ്യുവിന്റെ രജിസ്‍ട്രാര്‍.

കൗശല്യ ലോജിസ്റ്റിക്‌സ്

ജനുവരി 8-ന് കൗശല്യ ലോജിസ്റ്റിക്‌സ് എന്‍എസ്ഇ എസ്എംഇ-യിൽ ലിസ്റ്റ് ചെയ്യും. ബിഡ്ഡിംഗ് 2023 ഡിസംബർ 29-ന് ആരംഭിച്ച് 2024 ജനുവരി 3-ന് അവസാനിച്ചു.