ചെറിയൊരു ആശ്വാസം, സ്വര്‍ണ വിലയില്‍ 10 രൂപയുടെ കുറവ്

തുടര്‍ച്ചയായ മൂന്ന് ദിവസങ്ങളിലെ വര്‍ധനയ്ക്കു ശേഷം സ്വര്‍ണ വിലയില്‍ ഇന്ന് നേരിയ കുറവ്..

സംസ്ഥാനത്ത് 22 കാരറ്റ് സ്വര്‍ണ വില ഗ്രാമിന് 10 രൂപ കുറഞ്ഞ് 5805 രൂപയായി. പവന് 80 രൂപ കുറഞ്ഞ് 46440 രൂപയിലേക്കുമെത്തി. അന്താരാഷ്ട്ര സ്വര്‍ണ വിലയിലും നേരിയ ഇടിവുണ്ടായിട്ടുണ്ട്. ട്രോയ് ഔണ്‍സിന് 2,049 ഡോളറാണ് അന്താരാഷ്ട്ര വില.

സംസ്ഥാനത്ത് 24 കാരറ്റ് സ്വര്‍ണ വില ഗ്രാമിന് 11രൂപ കുറഞ്ഞ് 6333 രൂപയായി. പവന് 88 രൂപ കുറഞ്ഞ് 50,664 രൂപയിലേക്കുമെത്തി.

വെള്ളി വിലയില്‍ മാറ്റമില്ല. ഗ്രാമിന് 78 രൂപയായി തുടരുന്നു. ബ്രെന്റ് ക്രൂഡോയില്‍ വില ബാരലിന് 78.30 ഡോളറാണ്. ഡോളറിനെതിരെ രൂപ 82.96 ലാണ് വ്യാപാരം പുരോഗമിക്കുന്നത്.