മാറ്റമില്ലാതെ സ്വര്‍ണവില

സംസ്ഥാനത്തെ സ്വര്‍ണ വിലയില്‍ ഇന്ന് മാറ്റമില്ല. തുടര്‍ച്ചയായ രണ്ടു ദിവസങ്ങളിലെ ഇടിവിന് ശേഷമാണ് വില സ്ഥിരത പുലര്‍ത്തുന്നത്. കഴിഞ്ഞ ഏട്ടു ദിവസങ്ങള്‍ക്കിടെ സ്വര്‍ണ വിലയില്‍ വര്‍ധന രേഖപ്പെടുത്തിയിട്ടില്ല. ഇന്ന് 22 കാരറ്റ് സ്വര്‍ണം ഗ്രാമിന്‍റെ വില 5770 രൂപയാണ്, പവന് 46,160 രൂപയാണ് ഇന്നത്തെ വില. കഴിഞ്ഞ ഒരാഴ്ചയ്ക്കിടെ സ്വര്‍ണ വിലയില്‍ ഉണ്ടായത് 840 രൂപയുടെ ഇടിവാണ്.

24 കാരറ്റ് സ്വര്‍ണത്തിന്‍റെ വിലയിലും ഇന്ന് മാറ്റമില്ല. 24 കാരറ്റ് ഗ്രാമിന് 6295 രൂപയാണ് ഇന്നത്തെ വില, പവന് 50,360 രൂപ.

ആഗോളതലത്തിലും സ്വര്‍ണവില കാര്യമായ മാറ്റമില്ലാതെ തുടരുകയാണ്. ഫെഡ് റിസര്‍വ് പലിശ നിരക്ക് സംബന്ധിച്ച് കൂടുതല്‍ വ്യക്തതയ്ക്കായി നിക്ഷേപകര്‍ യുഎസിന്‍റെ പണപ്പെരുപ്പ കണക്കുകള്‍ക്ക് കാത്തിരിക്കുകയാണ്. അന്താരാഷ്ട്ര വിപണിയില്‍ സ്വര്‍ണ വില ഇന്ന് ട്രോയ് ഔണ്‍സിന് 2030 ഡോളറിലാണ് (രാവിലെ 10.27നുള്ള വിവരം) വ്യാപാരം നടത്തുന്നത് . ഡിസംബറില്‍ സ്വര്‍ണവില പുതിയ ഉയരങ്ങളിലേക്ക് കുതിച്ചിരുന്നു. സംസ്ഥാനത്തെ സ്വര്‍ണ വില കഴിഞ്ഞമാസം രണ്ടു തവണ പുതിയ റെക്കോഡുകള്‍ കുറിച്ചു.

സംസ്ഥാനത്തെ വെള്ളിവിലയിലും ഇന്ന് മാറ്റം രേഖപ്പെടുത്തിയിട്ടില്ല. വെള്ളി ഗ്രാമിന് 2 78 രൂപയാണ് ഇന്നത്തെ വില.