സ്ഥിരത പുലര്‍ത്തി സ്വര്‍ണവില

സംസ്ഥാനത്തെ സ്വര്‍ണവില ഇന്ന് മാറ്റമില്ലാതെ തുടര്‍ന്നു. ഇന്നലെ 22 കാരറ്റ് സ്വര്‍ണം ഗ്രാമിന് 35 രൂപയുടെ വര്‍ധനയോടെ 5775 രൂപയില്‍ എത്തിയിരുന്നു. ഇന്നും അതേ വിലയില്‍ തുടരുകയാണ്. ഇന്ന് പവന്‍ വില 46200 രൂപയാണ്. 24 കാരറ്റ് സ്വര്‍ണം ഗ്രാമിന്‍റെ വിലയിലും മാറ്റമില്ല 6,300 രൂപ. 24 കാരറ്റ് പവന് 50,400 രൂപ.

ആഗോള വിപണിയിലും ഇന്ന് സ്വര്‍ണവിലയില്‍ കാര്യമായ മാറ്റമില്ല. ട്രോയ് ഔണ്‍സിന് ഇന്ന് 2,029 - 2,039 ഡോളര്‍ എന്ന നിലയിലാണ് സ്വര്‍ണ വ്യാപാരം നടക്കുന്നത്.

വെള്ളിയുടെ വിലയില്‍ ഇന്ന് വര്‍ധന പ്രകടമായി. വെള്ളി ഗ്രാമിന്‍റെ സംസ്ഥാനത്തെ വില 50 പൈസ വര്‍ധിച്ച് 80.70 രൂപയായി.