സ്വര്‍ണം വിലയില്‍ ഇന്നും നേരിയ ഇടിവ്

സംസ്ഥാനത്തെ സ്വര്‍ണവിലയില്‍ ഇന്ന് നേരിയ ഇടിവ്. 22 കാരറ്റ് ഗ്രാം സ്വര്‍ണത്തിന്‍റെ വില ഇന്ന് 1 രൂപയുടെ ഇടിവോടെ 5484 രൂപയില്‍ എത്തി. പവന് 43,872 രൂപ , 8 രൂപയുടെ ഇടിവ്. തുടര്‍ച്ചയായ മൂന്നു ദിവസങ്ങളിലെ ഇടിവിന് ശേഷം വെള്ളിയാഴ്ച സ്വര്‍ണ വില ഉയര്‍ന്നെങ്കിലും ശനിയാഴ്ച വീണ്ടും താഴ്ന്ന് ഈ മാസത്തിലെ ഏറ്റവും താണ വിലയിലേക്ക് എത്തി. ഇപ്പോള്‍ വീണ്ടും താഴ്ച പ്രകടമാക്കിയിരിക്കുകയാണ്. ഇന്ന് 24 കാരറ്റ് സ്വര്‍ണം ഗ്രാമിന്‍റെ വിലയിലും 1 രൂപയുടെ ഇടിവുണ്ടായി, 5983 രൂപയാണ് വില. പവന് 47,864 രൂപ, 8 രൂപയുടെ ഇടിവ്

ആഗോള തലത്തില്‍ സ്വര്‍ണ വില തിരിച്ചുവരവ് പ്രകടമാക്കുന്നുണ്ട്, ഔണ്‍സിന് 1915-1927 ഡോളര്‍ എന്ന തലത്തിലാണ് വ്യാപാരം പുരോഗമിക്കുന്നത്. മാര്‍ച്ച് അവസാനം മുതല്‍ മേയ് രണ്ടാം വാരം വരെയുള്ള കാലയളവില്‍ സ്വര്‍ണം വലിയ കുതിപ്പിന്‍റെ പാതയിലായിരുന്നു. എന്നാല്‍ തുടര്‍ന്നങ്ങോട്ട് വിലയില്‍ തുടര്‍ച്ചയായ ചാഞ്ചാട്ടവും ക്രമേണ ഇടിവും ഉണ്ടാകുകയായിരുന്നു. ജൂണില്‍ വെറും 7 ദിവസങ്ങളില്‍ മാത്രമാണ് സ്വര്‍ണ വിലയില്‍ വര്‍ധന രേഖപ്പെടുത്തിയത്. ജൂലൈയിലും ഓഗസ്റ്റിലും പൊതുവേ ചാഞ്ചാട്ടമാണ് വിലയില്‍ കണ്ടത്.

സംസ്ഥാനത്തെ വെള്ളിവില ഇന്ന് ഉയര്‍ന്നു. ഒരു ഗ്രാം വെള്ളിയുടെ വില 4 രൂപയുടെ വര്‍ധനയോടെ 77.50 രൂപയായി. എട്ട് ഗ്രാം വെള്ളിക്ക് 620 രൂപ. ഇന്ന് ഡോളറിനെതിരേ രൂപയുടെ മൂല്യം വര്‍ധിച്ചു. 1 ഡോളറിന് 82.87 രൂപ എന്ന നിലയാണ് ഇന്ന് കറന്‍സി വിനിമയം നടക്കുന്നത്.