ഇടിവിലേക്ക് തിരിച്ചെത്തി സ്വര്‍ണം

സംസ്ഥാനത്തെ സ്വര്‍ണ വില തുടര്‍ച്ചയായ മൂന്നു ദിവസത്തെ ഉയര്‍ച്ചയ്ക്കു ശേഷം ഇന്ന് ഇടിവിലേക്ക് നീങ്ങി. 22 കാരറ്റ് ഗ്രാമിന് ഇന്ന് 10 രൂപയുടെ ഇടിവോടെ 5505 രൂപയാണ് വില. പവന് ഇന്ന് 44,040 രൂപയാണ്, 80 രൂപയുടെ ഇടിവ്. കഴിഞ്ഞ മൂന്നു ദിവസങ്ങളിലായി പവന് 560 രൂപയുടെ വര്‍ധന ഉണ്ടായിരുന്നു. ഇന്ന് 24 കാരറ്റ് സ്വര്‍ണം ഗ്രാമിന്‍റെ വില ഇന്ന് 11 രൂപയുടെ ഇടിവോടെ, 6005 രൂപയില്‍ എത്തി. പവന് 48,040 രൂപ, 88 രൂപയുടെ ഇടിവ്.

ആഗോള തലത്തില്‍ സ്വര്‍ണ വില ഔണ്‍സിന്1938-1944 ഡോളര്‍ എന്ന തലത്തിലാണ് വ്യാപാരം പുരോഗമിക്കുന്നത്. മാര്‍ച്ച് അവസാനം മുതല്‍ മേയ് രണ്ടാം വാരം വരെയുള്ള കാലയളവില്‍ സ്വര്‍ണം വലിയ കുതിപ്പിന്‍റെ പാതയിലായിരുന്നു. എന്നാല്‍ തുടര്‍ന്നങ്ങോട്ട് വിലയില്‍ തുടര്‍ച്ചയായ ചാഞ്ചാട്ടവും ക്രമേണ ഇടിവും ഉണ്ടാകുകയായിരുന്നു. ജൂണില്‍ വെറും 7 ദിവസങ്ങളില്‍ മാത്രമാണ് സ്വര്‍ണ വിലയില്‍ വര്‍ധന രേഖപ്പെടുത്തിയത്. ജൂലൈയിലും ഓഗസ്റ്റിലും പൊതുവേ ചാഞ്ചാട്ടമാണ് വിലയില്‍ കണ്ടത്.

സംസ്ഥാനത്തെ വെള്ളിവിലയില്‍ ഇന്ന് ഇടിവുണ്ടായി. ഒരു ഗ്രാം വെള്ളിയുടെ വില 50 പൈസയുടെ ഇടിവോടെ 80.20 രൂപയില്‍ എത്തി. എട്ട് ഗ്രാം വെള്ളിക്ക് 641.60 രൂപ. ഡോളറിനെതിരേ ഇന്ന് രൂപയുടെ മൂല്യം നേരിയ തോതില്‍ ഇടിഞ്ഞു. ഡോളറിന് 82.65 രൂപ എന്ന നിലയാണ് ഇന്ന് കറന്‍സി വിനിമയം നടക്കുന്നത്.